(ພາບປະກອບ: thanhnien.vn)

ເສື້ອວສີ່ຟ້າຂອງໄວໜຸ່ມທີ່ຮັກແພງໄດ້ປະກົດຕົວຢູ່ທົ່ວທຸກຫົນແຫ່ງ ຈາກເຂດຫ່າງໄກສອກຫຼີກ, ເຂດຊາຍແດນ, ເຂດທະເລໝູ່ເກາະ, ຕະຫຼອດຮອດເຂດປະສົບກັບຄວາມຫຍຸ້ງຍາກ. ພິເສດ, ປີ 2018 ນີ້, ໄວໜຸ່ມເຂດພາກຕາເວັນຕົກໄດ້ມຸ່ງໄປເຖິງເຂດໝູ່ເກາະທີ່ຫ່າງໄກ ດ້ວຍບັນດາການເຄື່ອນໄຫວທີ່ແທດຈິງລະອຽດ, ສ້າງສາຍຕິດພັນລະຫວ່າງນ້ຳໃຈກອງທັບ ແລະ ປະຊາຊົນ, ນ້ຳໃຈມະນຸດດ້ວຍກັນຢູ່ພະຍຸລົມແດງ.

        “ມີຄວາມຢ້ານກົວຕອນທຳອິດແຕ່ພັດຄິດຮອດຄິດເຖິງເມື່ອອຳລາ” ແມ່ນສະພາບຈິດໃຈຂອງເພື່ອນສະມາຊິກຊາວໜຸ່ມເກືອບ 140 ຄົນ ທີ່ມາຈາກ 3 ແຂວງ, ນະຄອນຄື: ເກິນເທີ, ອານຢາງ, ກຽນຢາງ ເມື່ອສຳເລັດການເດີນທາງ “ໄວໜຸ່ມເຂດແມ່ນ້ຳ ເຮົ້າ - ເພື່ອທະເລ, ໝູ່ເກາະແຫ່ງບ້ານເກີດເມືອງນອນ”, ທີ່ຫາກໍດຳເນີນໄປຢູ່ກອງບັນຊາການກອງທັບເຮືອເຂດ 5 ແລະ ຕາແສງເກາະ ໂຖຈູ, ເມືອງ ຝູກກ໋ວກ, ແຂວງກຽນຢາງ.

        ຢູ່ບ່ອນໄປເຖິງ, ພວກເພື່ອນໄວໜຸ່ມໄດ້ເຂົ້າຮ່ວມຈັດຕັ້ງພິທີເລີ່ມລົງມືກໍ່ສ້າງກິດຈະກຳຊາວໜຸ່ມ “ເພື່ອໂຮງຮຽນທີ່ສວຍງາມໃຫ້ນ້ອງ”; ມອບຂອງຂວັນໃຫ້ພໍ່ແມ່ພີ່ນ້ອງຊາວປະມົງທີ່ປະສົບກັບຄວາມຫຍຸ້ງຍາກ, ຄອບຄົວເປົ້າໝາຍນະໂຍບາຍ, ຄອບຄົວພະນັກງານ, ນັກຮົບ, ສະມາຊິກຊາວໜຸ່ມ ແລະ ນັກຮຽນທີ່ປະສົບກັບຄວາມຫຍຸ້ງຍາກ. ພ້ອມກັນນັ້ນ, ພວກເພື່ອນຍັງໄດ້ຈັດຕັ້ງວັນບຸນ “ເຍົາໄວກັບໝູ່ເກາະແຫ່ງບ້ານເກີດເມືອງນອນ” ດ້ວຍບັນດາການເຄື່ອນໄຫວລະຫຼິ້ນພື້ນເມືອງ, ມອບເຄື່ອງຮັບໃຊ້ການຮຽນ, ປື້ມຂຽນ, ປື້ມເລື່ອງກະຕຸນໃຫ້ເຍົາວະຊົນໃນເກາະ; ເຮັດອະນາໄມສິ່ງແວດລ້ອມ ຕິດພັນກັບການໂຄສະນາ, ຂົນຂວາຍສະມາຊິກຊາວໜຸ່ມ, ໄວໜຸ່ມ ແລະ ປະຊາຊົນໃນເກາະປົກປັກຮັກສາສິ່ງແວດລ້ອມ… ເພື່ອນ ທ່ຽວແຄ໋ງລິງ, ນັກສຶກສາປີທີ 4 ພະແນກສ້າງຄູ, ມະຫາວິທະຍາໄລເກິນເທີ, ເຊິ່ງແມ່ນໜຶ່ງໃນບັນດາຊາວໜຸ່ມເຂົ້າຮ່ວມລາຍການ, ແບ່ງປັນວ່າ.

        “ນ້ອງເຫັນວ່າ, ຊາວປະມົງຢູ່ທີ່ນີ້ຕ້ອນຮັບພວກຂ້າພະເຈົ້າດ້ວຍຄວາມສຸດຈິດສຸດໃຈ, ຮັກແພງແຂກຄົນ ແລະ ມີຄວາມໃກ້ຊິດສະໜິດສະໜົມ. ສ່ວນບັນດານັກຮົບຕ້ອນຮັບພວກຂ້າພະເຈົ້າດ້ວຍບັນດາເຄື່ອງທີ່ລະນຶກ ກໍຄືແຕ່ງບັນດາເຍື່ອງອາຫານທີ່ເຮັດເອງຢູ່ທີ່ນີ້, ເຖິງຢ່າງໃດກໍ່ຕາມ, ນ້ອງເຫັນວ່າມີຄວາມອົບອຸ່ນຍ້ອນນ້ຳໃຈລະຫວ່າງເຂດດິນຕໍ່ແຜ່ນກັບບັນດານັກຮົບຢູ່ເຂດໝູ່ເກາະ”.

        ບໍ່ພຽງແຕ່ບັນດາສະມາຊິກຊາວໜຸ່ມ, ໄວໜຸ່ມມີຄວາມພາກພູມໃຈເທົ່ານັ້ນ, ຫາກບັນດານັກຮົບຢູ່ເກາະກໍມີຄວາມເບີກບານມ່ວນຊື່ນ, ຮ່ວມເດີນທາງພ້ອມກັບບັນດາການເຄື່ອນໄຫວອາສາສະໝັກອີກດ້ວຍ.. ນີ້ແມ່ນໂອກາດເພື່ອສຶກສາມູນເຊື້ອປະຕິວັດ, ຄວາມຮັກຕໍ່ປະເທດຊາດ, ຕໍ່ບ້ານເກີດເມືອງນອນໃຫ້ແກ່ໄວໜຸ່ມ, ນັກຮົບໜຸ່ມ ແລະ ຢັ້ງຢືນການເປັນຈິດໜຶ່ງໃຈດຽວກັນລະຫວ່າງກອງທັບ ແລະ ປະຊາຊົນ. ຈ່າໂທ ແທັກແຟບ, ສັງກັດກອງພັນໃຫຍ່ 152, ຕາແສງ ໂຖຈູ, ເມືອງຝູກວັກ, ແຂວງກຽນຢາງ, ໃຫ້ຮູ້ວ່າ.

        “ຂ້າພະເຈົ້າປາດຖະໜາວ່າ, ໃນໄລຍະຈະມາເຖິງ, ໄວໜຸ່ມຍາມໃດກໍ່ເອົາໃຈໃສ່ ແລະ ມີການເຄື່ອນໄຫວມຸ່ງໄປເຖິງເຂດທະເລ, ໝູ່ເກາະຂອງປະເທດຊາດຫຼາຍຢ່າງກວ່າອີກ, ຊ່ວຍໃຫ້ສະມາຊິກຊາວໜຸ່ມ, ໄວໜຸ່ມໃນເກາະມີກຳລັງໜູນ, ເຈດຈຳນົງ, ມີຄວາມຕັດສິນໃຈປົກປັກຮັກສາເຂດທະເລ, ໝູ່ເກາະທາງທິດຕາເວັນຕົກສ່ຽງໃຕ້ຂອງປະເທດຊາດ”.

        ສິ້ນສຸດເຄື່ອນໄຫວເດີນທາງທຳອິດ “ໄວໜຸ່ມເຂດແມ່ນ້ຳ ເຮົ້າ - ເພື່ອທະເລໝູ່ເກາະແຫ່ງບ້ານເກີດເມືອງນອນ”, ບັນດາຊາວໜຸ່ມເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ໄດ້ກະກຽມໃຫ້ການເຄື່ອນໄຫວຫຼາຍຢ່າງທີ່ແທດຈິງເຊິ່ງຈະດຳເນີນໃນເດືອນກໍລະກົດ ຕື່ມອີກ. ຢູ່ແຂວງກາເມົາ, ບັນດາຊາວໜຸ່ມອາສາສະໝັກໄດ້ສ້າງແຜນການຍູ້ແຮງການເຄື່ອນໄຫວອາສາສະໝັກຢູ່ບັນດາບໍລິເວນທີ່ປະສົບກັບຄວາມຫຍຸ້ງຍາກ, ເຂດແຄມທະເລ ດ້ວຍການເຄື່ອນໄຫວສັງຄົມຫຼາຍຢ່າງ. ສ່ວນຢູ່ແຂວງເກິນເທີ, ຕາມອ້າຍ ດ່າວຈີ໋ເຫງັ້ຍ, ເລຂາຄະນະຊາວໜຸ່ມນະຄອນໃຫ້ຮູ້ວ່າ, ໃນໄລຍະຈະມາເຖິງຈະມີກຳລັງວິຊາສະເພາະລວມມີສະມາຊິກຊາວໜຸ່ມ, ຊາວໜຸ່ມ 10 ຄົນ ຈະມາເຂົ້າຮ່ວມປະຕິບັດໜ້າທີ່, ເຮັດວຽກກັບປະຊາຊົນ ແລະ ນັກຮົບຢູ່ເກາະຝູກວັກ ແລະ ເກາະໂຖຈູ, ແຂວງກຽນຢາງ. ອ້າຍ ດ່າວຈີ໋ເຫງັ້ຍ ໃຫ້ຮູ້ວ່າ.

        “ນີ້ແມ່ນກຳລັງກະທັດລັດ, ສຸມໃສ່ເຂົ້າໃນວຽກງານຖ່າຍຖອດວິທະຍາສາດ, ເຕັກນິກ, ໜູນຊ່ວຍໃຫ້ບັນດາພະນັກງານ, ນັກຮົບກ່ຽວກັບຄວາມຮູ້ໃນການປູກບັນດາຕົ້ນໄມ້ທັນຍາຫານປະເພດຕ່າງໆ, ຮັບປະກັນເພີ່ມການຜະລິດໃຫ້ບັນດານັກຮົບ. ນີ້ແມ່ນລາຍການແທດຈິງ, ຄວນລະດົມແຫຼ່ງກຳລັງໃຫ້ຫຼາຍກວ່າອີກ ເຮັດແນວໃດເພື່ອໃຫ້ເຂດຊາຍແດນ, ທະເລ, ໝູ່ເກາະ, ພິເສດແມ່ນເຂດທະເລ, ໝູ່ເກາະຂອງພວກເຮົາມີຄວາມອົບອຸ່ນ ຈາກເຂດດິນຕໍ່ແຜ່ນຝາກໃຫ້ບັນດານັກຮົບຢູ່ເຂດມະເລໝູ່ເກາະ”.

        ບັນດາການເຄື່ອນໄຫວທີ່ດີງາມຂອງຊາວໜຸ່ມອາສາສະໝັກຢູ່ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ໄດ້ແຜ່ຂະຫຍາຍ, ສືບທອດຜ່ານລະດູແລ້ງແຕ່ລະປີ. ການເຄື່ອນໄຫວເພື່ອເຂດທະເລ, ໝູ່ເກາະຈະບໍ່ຢຸດຢູ່ພຽງແຕ່ເທົ່ານັ້ນ, ຫາກມັນຍັງຈະສືບຕໍ່ແຜ່ຂະຫຍາຍຢ່າງກວ້າງຂວາງກວ່າ ເພື່ອໃຫ້ການເຄື່ອນໄຫວແຕ່ລະເທື່ອ, ເພື່ອນໜຸ່ມຫຼາຍຄົນຈະມີຄວາມເອກອ້າງທະນົງໃຈກວ່າກ່ຽວກັບຕົນເອງກ່ຽວກັບວັນເວລາທີ່ຍັງເປັນນັກສຶກສາໃຫ້ເຕັມໄປດ້ວຍຄວາມໝາຍຫຼາຍຢ່າງ ແລະ ດຳລົງຊີວິດຢ່າງມີຄວາມຮັບຜິດຊອບຕໍ່ປະເທດຊາດ.