 ທ່ານຜູ້ຟັງ ອິນໂດເນເຊຍ ຍາມໃດກໍ່ສະຫງວນນ້ຳໃຈຄວາມຮັກແພງໃຫ້ແກ່ VOV |
ຂໍອວຍພອນວັນສ້າງຕັ້ງ VOV, ເພື່ອນມິດທີ່ສະໜິດສະໜົມຂອງຂ້າພະເຈົ້າ. ອວຍພອນໃຫ້ VOV ນັບມື້ນັບພັດທະນາ ມີຫຼາຍລາຍການທີ່ດູດດື່ມ ແລະ ເປັນປະໂຫຍດ.
ຂໍອວຍພອນວັນສ້າງຕັ້ງ VOV ຄົບຮອບ 79 ປິ, ຫວັງວ່າ ບັນດາຂໍ້ມູນຂອງ VOV ສົ່ງໄປຍັງມະຫາຊົນ ຈະກາຍເປັນຂົວເຊື່ອມຕໍ່ລະຫວ່າງ ຫວຽດນາມ ກັບເພື່ອນມິດໃນໂລກ, ໃນນັ້ນມີ ອິນໂດເນເຊຍ, ເພື່ອເຂົ້າໃຈແຈ້ງກ່ວາກ່ຽວກັບຫວຽດນາມ ໂດຍຜ່ານບັນດາລາຍການຂອງ VOV, ພິເສດແມ່ນບັນດາລາຍການອອກອາກາດເປັນພາສາ ອິນໂດເນເຊຍ.
ໃນໂອກາດສະເຫຼີມສະຫຼອງ 79 ປີແຫ່ງວັນອອກອາກາດລາຍການພາສາຕ່າງປະເທດຄັ້ງທຳອິດ, ພະແນກບັນດາລາຍການພາສາຕ່າງປະເທດ (VOV5), ວິທະຍຸກະຈາຍສຽງ ຫວຽດນາມ ໄດ້ຮັບຄຳອວຍພອນເປັນຈຳນວນຫຼາຍ, ນ້ຳໃຈຄວາມຮັກແພງອັນດີງາມຂອງທ່ານຜູ້ຟັງທີ່ໄດ້ສົ່ງມາຍັງບັນດາລາຍການ. ນີ້ແມ່ນຂອງຂວັນທາງດ້ານຈິດໃຈອັນລ້ຳຄ່າ ສຳລັບຄະນະການນຳ ແລະ ບັນດານັກຂ່າວ, ບັນນາທິການໃນຊຸມວັນນີ້.
ພ້ອມກັບບັນດາຄຳອວຍພອນການອອກອາກາດຄັ້ງທຳອິດຄົບຮອບ 79 ປີ, ບັນດາທ່ານຜູ້ຟັງກໍ່ສະແດງນ້ຳໃຈຄວາມຮັກແພງ, ການຕີລາຄາສູງສຳລັບບັນດາລາຍການກະຈາຍສຽງເປັນພາສາຕ່າງປະເທດ ຂອງວິທະຍຸກະຈາຍສຽງ ຫວຽດນາມ. ທ່ານຜູ້ຟັງ Attapon Ruong Sirichok ຢູ່ອຸດອນທານີ, ໄທ ຖືວ່າ:
ເຖິງວ່າໃນໂລກມີວິທະຍຸກະຈາຍສຽງພາສາ ໄທ ຫຼາຍແຫ່ງ ແຕ່ຂ້າພະເຈົ້າຍັງຟັງລາຍການພາສາໄທຂອງ VOV ຍ້ອນວ່າ ຂ່າວຂອງລາຍການມີຄວາມເຊື່ອຖືໄດ້ ແລະ ມີລັກສະນະຊັດເຈນຢູ່ລະດັບສູງ, ພິເສດແມ່ນຂ່າວກ່ຽວກັບຫວຽດນາມ. ໃນຕະຫຼອດໄລຍະ 30 ປີ ທີ່ໄດ້ຮັບຟັງລາຍການພາສາໄທ ຂອງ VOV, ຂ້າພະເຈົ້າເຫັນວ່າ ລາຍການມີການປ່ຽນແປງຫຼາຍຢ່າງ. 30 ປີກ່ອນ ເມື່ອຂ້າພະເຈົ້າເລີ່ມຟັງ, ລາຍການຍັງບໍ່ທັນເອົາບົດ, ຂ່າວຕ່າງໆ ລົງເວັບໄຊ ພຽງແຕ່ອອກອາກາດຜ່ານວິທະຍຸເທົ່ານັ້ນ. ຫຼັງຈາກນັ້ນ, ລາຍການມີການປັບປຸງໄດ້ເອົາລົງ ເວັບໄຊ ເຊິ່ງຊ່ວຍໃຫ້ການຟັງວິທະຍຸຂອງພວກຂ້າພະເຈົ້າມີຄວາມສະດວກກວ່າເກົ່າ.
ທ່ານຜູ້ຟັງ Rudy Hartono ປະທານສະໂມສອນຟັງວິທະຍຸ Borneo Listeners (ອິນໂດເນເຊຍ) ແລະ ທ່ານຜູ້ຟັງ Eko ຊາວອິນໂດເນເຊຍ ໃຫ້ຂໍ້ສັງເກດວ່າ:
ວິທະຍຸກະຈາຍສຽງ ຫວຽດນາມ ຍາມໃດກໍ່ພັດທະນາ ແລະ ປ່ຽນແປງໃໝ່, ສະໜອງບັນດາຂໍ້ມູນຂ່າວສານ,ອັບເດດກ່ຽວກັບການຜັນແປຫຼ້າສຸດຂອງ ຫວຽດນາມ ກ່ຽວກັບການເມືອງ, ວັດທະນະທຳ, ເສດຖະກິດ, ທຳມະຊາດ ແລະ ຊາວຫວຽດນາມ. ລາຍການຂ້າພະເຈົ້າມັກທີ່ສຸດແມ່ນ ລາຍການໂອ້ລົມກັບທ່ານຜູ້ຟັງ ຍ້ອນວ່າ ລາຍການນີ້ໄດ້ຕອບຈົດໝາຍຂອງທ່ານຜູ້ຟັງ ແລະ ສະໜອງບັນດາຂໍ້ມູນຫຼ້າສຸດກ່ຽວກັບ ຫວຽດນາມ. 79 ປີຜ່ານມາ VOV ໄດ້ນຳຂໍ້ມູນທີ່ເປັນປະໂຫຍດຫຼາຍຢ່າງ ແລະ ນ້ຳໃຈຄວາມຮັກແພງມາໃຫ້ທ່ານຜູ້ຟັງໃນທົ່ວໂລກ.
ຂ້າພະເຈົ້າຮູ້ສຶກດີໃຈເມື່ອ ວິທະຍຸກະຈາຍສຽງຫວຽດນາມ ປະກົດມີໃນຫຼາຍພື້ນຖານໂປຼແກຼມທີ່ແຕກຕ່າງກັນ. VOV ອາດຈະສ້າງການພົວພັນຢ່າງແໜ້ນແຟ້ນຜ່ານການເຊື່ອມຕໍ່ກັບທ່ານຜູ້ຟັງທົ່ວໂລກ, ລວມມີ ທ່ານຜູ້ຟັງຂອງລາຍການພາສາ ອິນໂດເນເຊຍ. ບັນດາລາຍການພາສາຕ່າງປະເທດທີ່ມີຄຸນນະພາບຂອງ VOV ໄດ້ນຳບັນດາຂໍ້ມູນຂ່າວສານທີ່ເປັນປະໂຫຍດມາໃຫ້ທ່ານຜູ້ຟັງ, ພິເສດ ຜ່ານການສຳຜັດກັບຜູ້ຟັງໃນບັນດາພື້ນຖານໂປຼແກຼມນັ້ນ ກໍ່ໄດ້ປະກອບສ່ວນເຮັດໃຫ້ບັນດາລາຍການມີຄວາມດຶງດູດໃຈກວ່າ. ລາຍການທີ່ຂ້າພະເຈົ້າມັກທີ່ສຸດແມ່ນລາຍການເລື່ອງລາວເຂດບ້ານນາ. ລາຍການນີ້ມີບັນດາເລື່ອງລາວທີ່ເປັນເອກະລັກສະເພາະ ນຳມາເຊິ່ງຄວາມຮູ້ກ່ຽວກັບສັງຄົມ ຫວຽດນາມ.
ດັ່ງທີ່ກ່າວມາຂ້າງເທິງແມ່ນສ່ວນໜຶ່ງໃນຈຳນວນນັບຮ້ອຍການແບ່ງປັນ ໂດຍບັນດາທ່ານຜູ້ຟັງສົ່ງມາຍັງພະແນກພາສາຕ່າງປະເທດ, ວິທະຍຸກະຈາຍສຽງ ຫວຽດນາມ ໃນທຸກອາທິດ. ນ້ຳໃຈຂອງທ່ານຜູ້ຟັງ ແມ່ນການຢັ້ງຢືນກ່ຽວກັບການປະກອບສ່ວນຂອງບັນດານັກຂ່າວ, ບັນນາທິການຜູ້ເຮັດວຽກງານກະຈາຍສຽງພາສາຕ່າງປະເທດ. ເຂົາເຈົ້າກໍ່ສະແດງຄວາມເຊື່ອໝັ້ນຕໍ່ອະນາຄົດການພັດທະນາຂອງກະຈາຍສຽງຫວຽດນາມ, ຄືການແບ່ງປັນຂອງທ່ານຜູ້ຟັງຈີນ: ຂ້າພະເຈົ້າຕີລາຄາສູງການເຮັດວຽກຢ່າງມີຄວາມເຂັ້ມງວດ ແລະ ມີຄວາມຮັບຜິດຊອບຂອງພວກເພື່ອນຕໍ່ທ່ານຜູ້ຟັງ. ຂ້າພະເຈົ້າເຊື່ອໝັ້ນວ່າ ວິທະຍຸກະຈາຍສຽງ ຫວຽດນາມ ແມ່ນວິທະຍຸກະຈາຍສຽງສາກົນທີ່ເປັນມິດສະໜິດສະໜົມກັບທ່ານຜູ້ຟັງໃນໂລກທີ່ສຸດ. ວິທະຍຸກະຈາຍສຽງ ຫວຽດນາມ ມີຄວາມສຸດຈິດສຸດໃຈຕໍ່ພວກຂ້າພະເຈົ້າ. ດ້ວຍຖັນແຖວພະນັກງານທີ່ດີ, ແນ່ນອນວ່າ ວິທະຍຸກະຈາຍສຽງ ຫວຽດນາມ ຈະມີການພັດທະນາຢ່າງແຮງ ແລະ ນັບມື້ນັບດີກ່ວາເກົ່າໃນອະນາຄົດ. ອີກຄັ້ງໜຶ່ງຂໍຂອບໃຈ ອີເມວຕອບຄຳຖາມໂດຍພວກເພື່ອນສົ່ງມາໃຫ້ຂ້າພະເຈົ້າ ແລະ ອວຍພອນໃຫ້ວິທະຍຸກະຈາຍສຽງ ຫວຽດນາມ ສະເຫຼີມສະຫຼອງ 79 ປີແຫ່ງວັນສ້າງຕັ້ງຢ່າງປິຕິຊົມຊື່ນ.
ນ້ຳໃຈຄວາມຮັກແພງໂດຍທ່ານຜູ້ຟັງສະຫງວນໃຫ້ແກ່ແຕ່ລະລາຍການ, ບັນນາທິການແຕ່ລະຄົນເວົ້າສະເພາະ, ຄວາມຮັກແພງສະຫງວນໃຫ້ແກ່ພະແນກບັນດາລາຍການພາສາຕ່າງປະເທດ ແລະ ວິທະຍຸກະຈາຍສຽງ ຫວຽດນາມ ເວົ້າລວມ ຍາມໃດກໍ່ແມ່ນການລະດົມກຳລັງໃຈ, ແຫຼ່ງບັນດານໃຈອັນໃຫຍ່ຫຼວງສຳລັບຜູ້ເຮັດວຽກງານກະຈາຍສຽງພາສາຕ່າງປະເທດ. ພະແນກບັນດາລາຍການຕ່າງປະເທດ, ວິທະຍຸກະຈາຍສຽງ ຫວຽດນາມ ກໍ່ຍັງພວມມານະພະຍາຍາມໃນທຸກເວລາເພື່ອນຳລາຍການກະຈາຍສຽງອອກອາກາດທີ່ດຶງດູດໃຈ, ມີປະໂຫຍດມາໃຫ້ທ່ານຜູ້ຟັງ, ສືບຕໍ່ເສັ້ນທາງພັດທະນາໃນໄລຍະ 79 ປີຜ່ານມາ, ຫວັງວ່າ ທ່ານຜູ້ຟັງຈະສືບຕໍ່ຮ່ວມເດີນທາງກັບບັນດາລາຍການກະຈາຍສຽງພາສາຕ່າງປະເທດຂອງວິທະຍຸກະຈາຍສຽງ ຫວຽດນາມ ໃນໄລຍະຈະມາເຖິງ.