(vovworld)-ບັນດາຜູ້ປູກ strawberry ດ່າລາດ ພວມຄ່ອຍໆຫັນໄປສູ່ຮູບແບບການປູກ strawberry ຢູ່ເທິງຮ້ານສູງຈາກໜ້າດິນປະມານ 1 ເມັດ, ຫົດນ້ຳ ແລະ ໃສ່ຝຸ່ນດ້ວຍລະບົບທໍ່. ດ້ວຍວິທີໃໝ່ນີ້, ຍາມໃດສວນ strawberry ກໍ່ຂຽວສົດງົດງາມ, ມີໝາກສຸກງອມ. ເມື່ອມາທ່ຽວດ່າລາດ, ນອກຈາກບັນດາສະຖານທີ່ທີ່ມີຊື່ສຽງຄື: ຮ່ອມພູຄວາມຮັກ, ໜອງທານເຖີ, ໝູ່ບ້ານດອກໄມ້ທາຍຟຽນແລ້ວ, ສວນ strawberry ກໍ່ແມ່ນໜຶ່ງໃນບັນດາສະຖານທີ່ສ້າງຄວາມດຶງດູດໃຫ້ແກ່ແຂກທ່ອງທ່ຽວ.
(ພາບ: dulich-dalat.com)
ຍ້ອນອາກາດເຢັນສະບາຍຕະຫຼອດປີ, ດ່າລາດ ແມ່ນແຫ່ງທີ່ເໝາະສົມເພື່ອປູກຕົ້ນໄມ້ກິນໝາກຊະນິດຕ່າງໆ, ພິເສດແມ່ນ strawberry. ນັບແຕ່ດົນນານມາແລ້ວ, ເມື່ອມີໂອກາດມາດ່າລາດ, ແຂກທ່ອງທ່ຽວມັກຊື້ strawberry ເພື່ອກິນຫຼືເປັນຂອງຕ້ອນ. ປະຈຸບັນນີ້, ຖ້າແຂກທ່ອງທ່ຽວມາດ່າລາດ ຈະສາມາດລົງສວນ strawberry ເພື່ອຊອກຮູ້ວິວັດການປູກ ແລະ ເດັດໝາກ strawberry ດ້ວຍຕົນເອງໄດ້. ບໍລິສັດຊີວະສາດສະອາດ Boi Fresh ດ່າລາດ ມີສວນ strawberry ແຫ່ງໜຶ່ງຢູ່ໃນຂອບເຂດໜອງທານເຖິ ແລະ ແຂກທ່ອງທ່ຽວເມື່ອມາຢາມດ່າລາດ ຜູ້ໃດກໍ່ມັກແວ່ຢ້ຽມສະຖານທີ່ດັ່ງກ່າວ. ໃນສວນ strawberry, ເອື້ອຍຫງຽນບິກຫງອກ, ຜູ້ອຳນວຍການບໍລິສັດຊີວະສາດສະອາດ Boi Fresh ດ່າລາດ ພວມແນະນຳໃຫ້ແຂກທ່ອງທ່ຽວວ່າ:
“ ນີ້ແມ່ນຕົ້ນ strawberry ທີ່ນຳເຂົ້າຈາກຝະລັ່ງ, ໄດ້ໜຶ່ງສັບປະດາແລ້ວ. ນີ້ແມ່ນຊະນິດໃຫ້ໝາກ, ຢູ່ພຸ້ນແມ່ນຕົ້ນ strawberry ທີ່ປູກໄດ້ 2 ສັບປະດາແລ້ວ ກໍ່ພວມຂະຫຍາຍດີທີ່ສຸດ. ເມື່ອຕົ້ນ strawberry ອອກໜໍ່ອ່ອນຈະຕັດອອກປັກໃສ່ເບົ້າດິນເພື່ອປູກເປັນຕົ້ນນ້ອຍ“.
strawberry ໃນສວນໄດ້ຮັບການບົວລະບັດເປັນພິເສດ. ໃນຕອນຄ່ຳຕ້ອງຮັກສາອຸນຫະພູມແຕ່ 14-18 ອົງສາ. ຈຸດດີຂອງບັນດາສວນ strawberry ນີ້ແມ່ນໄດ້ປູກຕາມເຕັກໂນໂລຊີສູງ, ໃຊ້ຢາຂ້າສັດຕູພືດໜ້ອຍ, ສະນັ້ນ, ຜະລິດຕະພັນມີຄວາມປອດໄພໃຫ້ແກ່ຜູ້ຊົມໃຊ້. ສະນັ້ນ, ເມື່ອແຂກທ່ອງທ່ຽວມາຢ້ຽມຊົມ, ຖ່າຍຮູບສາມາດເດັດໝາກ strawberry ແລະ ກິນຢູ່ກັບສວນໄດ້ເລີຍ. ສິ່ງດັ່ງກ່າວໄດ້ສ້າງຄວາມປະທັບໃຈໃຫ້ແກ່ແຊກທ່ອງທ່ຽວ. ນາງຫງວຽນຢ້ຽມມີ, ແຂກທ່ອງທ່ຽວມາຈາກນະຄອນໂຮ່ຈິມມິນ ໃຫ້ຮູ້ວ່າ:
“ຂ້າພະເຈົ້າ ແລະ ເພື່ອນຂອງຂ້າພະເຈົ້າມັກສວນ strawberry ແບບນີ້ທີ່ສຸດ. ນີ້ແມ່ນໂອກາດເພື່ອຊົມປະຊາຊົນປູກຕົ້ນໄມ້ກິນໝາກສະ ອາດຊະນິດຕ່າງໆ. ທຸກຄົນມັກບັນດາຜະລິດຕະພັນປອດສານພິດແບບນີ້ຫຼາຍ, ຢາກມານີ້ເຫັນປະຈັກຕາໝາກ strawberry ປອດສານພິດ ແລະ ກິນຢູ່ກັບທີ່ເລີຍ“
(ພາບ: www.remoingay.com)
ປະຈຸບັນ, ຊາວດ່າລາດ ພວມຮ່ຳຮຽນ, ເປີດກ້ວາງຮູບແບບທ່ອງທ່ຽວສວນ strawberry ຢູ່ຫຼາຍແຫ່ງຊື່ງໄດ້ປະກອບສ່ວນສ້າງການທ່ອງທ່ຽວຫຼາຍຮູບແບບຢູ່ດ່າລາດ. ທ່ານຫວຽນແທງຊາງ, ບໍລິສັດທ່ອງທ່ຽວບາກລຽວໃຫ້ຮູ້ວ່າ:
“ຜະລິດຕະພັນທ່ອງທ່ຽວຂອງດ່າລາດ ມີຄວງາມອຸດົມສົມບຸນທີ່ສຸດ, ພິເສດແມ່ນດ່າລາດມີໝາກໄມ້, ດອກໄມ້ຫຼາຍຊະນິດ. ດ່າລາດ ຍັງມີຈຸດພິເສດສະເພາະໜຶ່ງອີກ ນັ້ນແມ່ນການທ່ອງທ່ຽວສວນ strawberry, ນີ້ແມ່ນຜະລິດຕະພັນປອດສານພິດ, ດີຕໍ່ສຸຂະພາບ ແລະ ດຶງດູດແຂກທ່ອງທ່ຽວມາຢ້ຽມຢາມ“
ໃນທຸກວັນນີ້, ບັນດາສວນ strawberry ແມ່ນຈຸດນັບພົບທີ່ໜ້າໄວ້ເນື້ອເຊື່ອໃຈສຳລັບແຂກທ່ອງທ່ຽວພາຍໃນ ແລະ ຕ່າງປະເທດ. ແຂກທ່ອງທ່ຽວມາຢ້ຽມຊົມສວນ strawberry ບໍ່ພຽງໄດ້ຮັບຊົມສວນເທົ່ານັ້ນ, ຫາກຍັງສາມາດເລືອກຊື້ໝາກ strawberry ສຸກ, ຖືກໃຈມາເປັນຂອງຕ້ອນໃຫ້ແກ່ຄອບຄົວ, ເພື່ອນມິດອີກດ້ວຍ./.