ວົງການສື່ມວນຊົນ ກໍຄືບັນດານັກຮຽນຮູ້ສາກົນພວມເວົ້າຢ່າງຕໍ່ເນືອງເຖິງ“ ຄວາມມັກໃຫຍ່ໃຝ່ສູງແຜ່ອຳນາດ”ຂອງຈີນຢູ່ທະເລຕາເວັນອອກ, ໂດຍຜ່ານການກໍ່ສ້າງບັນດາຫາດດອນຫີນນ້ຳຖ້ວມກາຍເປັນເກາະທຽມຢູ່ ກາກມາ ແລະ ເປີດກ້ວາງບາງບໍລິເວນທີ່ຂຶ້ນກັບໝູ່ເກາະເຈືອງຊາຂອງຫວຽດນາມຢ່າງຜິດກົດໝາຍ. ການກະທຳຂອງຈີນບໍ່ພຽງແຕ່ຝືນກັບກົດໝາຍ, ລ່ວງລ້ຳອະທີປະໄຕຂອງຫວຽດນາມເທົ່ານັ້ນ, ຫາກຍັງເປັນການລະເມີດກົດໝາຍສາກົນອີກດ້ວຍ, ເຮັດໃຫ້ສະພາບການພາກພື້ນເພີ່ມຄວາມເຄັ່ງຕຶງຂຶ້ນຕື່ມ.
ກໍ່ສ້າງ ແລະ ເປີດກ້ວາງເກາະ : ຈີນພວມ ລະເມີດກົດໝາຍສາກົນ
|
ໃນການຜັນແປທີ່ຫຼ້າສຸດເພື່ອຍູ້ໄວບັນດາການເຄື່ອນໄຫວກໍ່ສ້າງຢ່າງຜິດກົດໝາຍຢູ່ທະເລຕາເວັນອອກ, ຈີນໄດ້ລົງທຶນເກືອບ 6 ລ້ານ USD ເພື່ອກໍ່ສ້າງໂຮງຮຽນຢ່າງຜິດກົດໝາຍໃນໝູ່ເກາະຮວ່າງຊາຂອງຫວຽດນາມ. ກ່ອນນີ້ 2,3 ວັນ, ກຸ່ມສື່ມວນຊົນ BBC ໄດ້ເຜີຍແບບັນດາສະຖານທີ່ກໍ່ສ້າງເກາະຂອງຈີນຢູ່ກາກມາ ແລະ ຢູ່ຫາດດອນຫີນອີກຈຳນວນໜຶ່ງໃນໝູ່ເກາະເຈືອງຊາຂອງຫວຽດນາມ ຜ່ານລາຍການສາລະຄະດີ “ ໂຄງການກໍ່ສ້າງເກາະຂອງຈີນ”. ສິ່ງນີ້ແມ່ນກົງກັບບົດລາຍງານເມື່ອບໍ່ດົນມານີ້ຂອງລັດຖະບານຟີລິບປິນທີ່ວ່າ : ຈີນອາດຈະພວມດຳເນີນກໍ່ສ້າງຢູ່ສະຖານທີ່ຢ່າງໜ້ອຍ 5 ແຫ່ງທີ່ຂຶ້ນກັບໝູ່ເກາະຮ່ວາງຊາ ແລະ ເຈືອງຊາຂອງຫວຽດນາມຊຶ່ງລວມມີ : ກາກມາ, ເຈົາວຽນ, ກາແວນ, ຕືເງັ້ຍ ແລະ ແອ້ນເດີດ.
ການກະທຳທີ່ພົ້ນເດັ່ນແຫ່ງຄວາມມັກໃຫຍ່ໃຝ່ສູງແຜ່ອຳນາດຢູ່ທະເລຕາເວັນອອກ
ຫາດດອນຫີນ ກາກມາແມ່ນຫາດຫີນປະກາລັງໃຕ້ໜ້ານ້ຳທະເລ, ນອນຢູ່ກ້ຳຕາເວັນຕົກພາກໃຕ້ຂອງກຸ່ມເກາະ ຊິງຕົນໃນໝູ່ເກາະເຈືອງຊາ ທີ່ຂຶ້ນກັບເມືອງເກາະເຈືອງຊາແຂວງແຄ້ງຮ່ວາ. ພາຍຫຼັງທີ່ໄດ້ນຳໃຊ້ກຳລັງອາວຸດເພື່ອຢຶດຄອງຫາດດອນຫີນນີ້ຂອງຫວຽດນາມແຕ່ປີ 1988, ຈີນໄດ້ຄ່ອຍໆໃຫ້ກໍ່ສ້າງບັນດາກິດຈະກຳທີ່ໝັ້ນແກ່ນບົນຫາດດອນນີ້ ແລະ ຫັນແຫ່ງນີ້ກາຍເປັນໜຶ່ງໃນບັນດາທີ່ໝັ້ນການທະຫານຢ່າງຜິດກົດໝາຍຂອງເຂົາເຈົ້າຢູ່ທະເລຕາເວັນອອກ. ບໍ່ຢຸດຢູ່ພຽງເທົ່ານັ້ນ , ນັບແຕ່ເດືອນ 2/2014 ມາຮອດປະຈຸບັນ, ຈີນໄດ້ດຳເນີນບັນດາການເຄື່ອນໄຫວດັດສ້າງ, ເປີດກ້ວາງ ແລະ ບຽດຢຶດດ້ວຍຂອບຂະໜາດທີ່ບໍ່ເຄີຍມີມາກ່ອນຢູ່ແຫ່ງນີ້. ລົດດຸດ, ລົດຈົກ...ນັບ 10ຄັນພ້ອມກັບເຮືອກຳປັ່ນໃຫຍ່ນ້ອຍຫຼາຍໆລຳ ນຳຂົນສົ່ງຊາຍເປັນປະລີມານມະຫຶມາຂຶ້ນສູ່ ກາກມາ. ພຽງໃນຮອບເວລາບໍ່ຮອດເຄິ່ງປີ, ຈາກຫາດດອນຫີນ, ກາກມາໄດ້ກາຍເປັນເກາະທຽມແຫ່ງໜຶ່ງດ້ວຍໂຄງສ້າງເປັນທີ່ຈະແຈ້ງສຳລັບທ່າກຳປັ່ນນ້ຳເລິກ, ມີຂົວໃຫຍ່ໃຫ້ເຮືອເຂົ້າທຽບທ່າ, ມີເດີນບິນດ້ວຍລານບິນຍາວພໍສົມຄວນ...ທຸກສິ່ງທຸກຢ່າງທີ່ພວມເກີດຂຶ້ນຢູ່ ກາກມາ ກໍແມ່ນສ່ວນໜຶ່ງທີ່ພົ້ນເດັ່ນໃນແຜນການໃຫຍ່ທີ່ຜິດກົດໝາຍດ້ວຍ ຄວາມມັກໃຫຍ່ໃຝ່ສູງຂອງຈີນ ແນໃສ່ຢຶດຄອງທະເລຕາເວັນອອກ. ທ່ານ ດຣ ເຈີນກົງຈຸກ ອະດີດຫົວໜ້າຄະນະຊາຍແດນຂອງລັດຖະບານຫວຽດນາມຢືນຢັນວ່າ : (ເທບ) “ ວຽກງານນີ້ ພ້ອມກັບບັນດາການເຄື່ອນໄຫວນັບແຕ່ກ່ອນເປັນຕົ້ນມາ, ແມ່ນນອນໃນກົນອຸບາຍເລລຽມຂອງຈີນ ແນໃສ່ໃຫ້ປະກົດຜັນເປັນຈິງ ແລະ ຫັນແຜນທວງເອົາກຳມະສິດຂອງເຂົາເຈົ້າໃຫ້ຖືກຕ້ອງຕາມກົດໝາຍ. ປະຈຸບັນ, ເຂົາເຈົ້າພວມຊອກຫາວິທີເພື່ອສ້າງບັນດາຫຼັກຖານດ້ານກົດໝາຍເພື່ອໃຫ້ເຂົາເຈົ້າເວົ້າວ່າ ບັນດາແຜນທວງເອົາກຳມະສິດນັ້ນແມ່ນສອດຄ່ອງກັບສົນທິສັນຍາສາກົນກ່ຽວກັບກົດໝາຍທະເລປີ 1982 ຢ່າງສິ້ນເຊິ່ງ, ໝາຍຄວາມວ່າ ເຂົາເຈົ້າພວມຫວັງຢາກຫັນບັນດາຫາດດອນນ້ຳຖ້ວມ, ບັນດາຫາດຊາຍໃຫ້ກາຍເປັນເກາະ, ຊ້ຳບໍໜຳ, ເຂົາເຈົ້າຢາກກໍ່ສ້າງບັນດາທີ່ໝັ້ນໃຫ້ແກ່ເລື່ອງທີ່ເຂົາເຈົ້າເວົ້າວ່າ ເກາະເຫຼົ່ານັ້ນ ແມ່ນພໍໃຫຍ່ ແລະ ແທດເໝາະກັບມະນຸດເມື່ອດຳລົງຊີວິດ ແລະ ມີຊີວິດເສດຖະກິດຕ່າງຫາກ. ນັ້ນແມ່ນການຄິດໄລໂດຍໃຊ້ເລລຽມຂອງຈີນ.
ຈີນພວມລະເມີດກົດໝາຍສາກົນຢ່າງໜັກ
ພ້ອມກັບຫາດດອນຫີນ ກາກມາ, ຈີນກໍຍັງພວມດຳເນີນການດັດສ້າງ, ບຽດຢຶດດ້ວຍຂອບຂະໜາດໃຫຍ່ຢູ່ຫາດດອນຫີນອື່ນໆຄື: ເຈົາວຽນ, ກາແວນ, ຕືເງັ້ຍ ແລະ ແອ້ນເດີດ. ພາຍຫຼັງທີ່ໄດ້ນຳໃຊ້ກຳລັງອາວຸດເພື່ອຕີຢຶດຄອງບັນດາເກາະ, ດອນທີ່ຂຶ້ນກັບອະທິປະໄຕຂອງຫວຽດນາມນັ້ນ, ຈີນພັດສືບຕໍ່ລະເມີດກົດໝາຍສາກົນດ້ວຍບັນດາການກະທຳທີ່ບັງອາດນີ້. ທ່ານ ດຣ ເຈີນກົງຈຸກ ອະດີດຫົວໜ້າຄະນະຊາຍແດນຂອງລັດຖະບານຫວຽດນາມໄຈ້ແຍກວ່າ : (ເທບ)
“ ຈີນໄດ້ຕັ້ງໃຈອະທິບາຍ ແລະ ໝູນໃຊ້ສົນທິສັນຍາສາກົນກ່ຽວກັບກົດໝາຍທະເລຢ່າງຜິດກົດໝາຍ, ຕັ້ງໃຈກໍ່ຕັ້ງເກາະຕ່າງໆເພື່ອຍາດແຍ່ງເອົາສິດແລະ ຜົນປະໂຫຍດອັນຊອບທຳ, ລະເມີດສິດ ແລະ ຜົນປະໂຫຍດອັນຊອບທຳຂອງບັນດາປະເທດຊາຍຝັ່ງທະເລ ດັ່ງທີ່ສົນທິສັນຍາສາກົນກ່ຽວກັບກົດໝາຍທະເລ ໄດ້ຮັບການລົງນາມ ແລະ ມີຜົນສັກສິດໃນທົ່ວໂລກ. ນັ້ນແມ່ນການລະເມີດຢ່າງຮ້າຍແຮງທີ່ສຸດ. ເລື່ອງກໍ່ສ້າງ ແລະ ເປີດກ້ວາງບັນດາບໍລິເວນຢຶດຄອງຕື່ມອີກໃນໝູ່ເກາະ ກໍເປັນການລ່ວງລະເມີດບັນດາສັນຍາຂອງບັນດາປະເທດໃນພາກພື້ນນີ້ຄືລະຫວ່າງ ອາຊຽນກັບຈີນ, ໃນຖະແຫຼງການລະຫວ່າງບັນດາຝ່າຍທີ່ກ່ຽວຂ້ອງກ່ຽວກັບທະເລຕາເວັນອອກ DOC ແລະ ໃນຂະນະທີ່ບັນດາຝ່າຍພວມຫວັງພ້ອມກັນສ້າງປະມວນລະບຽບການກ່ຽວກັບການປະພຶດລະຫວ່າງຝ່າຍຕ່າງໆຢູ່ທະເລຕາເວັນອອກ COC ”
ບັນດານັກໄຈ້ແຍກສາກກົນຖືວ່າ : ການກໍ່ສ້າງເກາະຕ່າງໆຂອງຈີນຢູ່ທະເລຕາເວັນອອກແມ່ນເພື່ອແນໃສ່ຈຸດປະສົງການທະຫານ, ເພື່ອເປັນພື້ນຖານສ້າງຕັ້ງເຂດປ້ອງກັນອາກາດໃນເຂດທະເລຕາເວັນອອກ. ເປັນທີ່ຈະແຈ້ງແລ້ວວ່າ ຈີນພວມສະແດງໃຫ້ເຫັນ ເຈດຈຳນົງຢຶດຄອງທະເລຕາເວັນອອກ ຂະນະທີ່ພວມພະຍາຍາມຊອກຫາວິທີຫັນບັນດາຫາດດອນຫີນທີ່ເຂົາເຈົ້າໃຊ້ກຳລັງອາວຸດເພື່ອຢຶດຄອງໃຫ້ເປັນຖືກຕ້ອງຕາມກົດໝາຍ ແລະ ຈີນກໍພວມສືບຕໍ່ດັດສ້າງ, ເປີດກ້ວາງການກໍ່ສ້າງຢ່າງຜິດກົດໝາຍ. ການກະທຳນີ້ຂອງຈີນຍິ່ງເປັນການສະແດງໃຫ້ເຫັນວ່າ ເຖິງວ່າຈີນພວມແມ່ນປະເທດພວມຟື້ນຕົວຂຶ້ນເພື່ອການເຊື້ອມໂຍງ ແຕ່ພັດມີວິທີປະພຶດທີ່ຂາດຄວາມເຄົາລົບກົດໝາຍສາກົນ, ບໍ່ເພື່ອຜົນປະໂຫຍດ ລວມຂອງປະຊາຄົມ.