ຮ້ານຂອງຢາຂອງຊາວຮວາ

     ຊາວຮວາມີຫຼາຍພິທີກຳທີ່ສຳຄັນ. ນັບແຕ່ເມື່ອກຳເນີດຂຶ້ນເດັກແຕ່ລະຄົນກໍ່ຖືກຈັດພິທີຕັ້ງຊື່. ເດັກມີຊື່ຢ່າງເປັນທາງການຈະໃສ່ຕະກຸນຂອງພໍ່.ລຸງເຈິ່ນບິ່ງຮວ່າຊາວຮວາ ຢູ່ເມືອງເຈົາດົກແຂວງອານຢາງໃຫ້ຮູ້ວ່າ:

     “ຊາວຮວາມີປຶ້ມບັນທຶກວົງຕະກຸນ, ຮອດລຸ້ນຄົນໃດກໍ່ອີງໃສ່ຄຳເຊື່ອມຕໍ່ໃນລາຍຊື່, ຍົກຕົວຢ່າງຄື ຄຳເຊື່ອມຕໍ່ໃນລາຍຊື່ຂອງຂ້າພະເຈົ້າແມ່ນ ບິ່ງ ດັ່ງນັ້ນພວກອ້າຍນ້ອງ ຍາດພີ່ນ້ອງກັບຂ້າພະເຈົ້າກໍ່ມີຄຳເຊື່ອມຕໍ່ໃນລາຍຊື່ແມ່ນ ຫວິງບິ່ງ. ລຸ້ນຕ່າງໆກໍ່ມີຄຳເຊື່ອມຕໍ່ໃນລາຍຊື່ແຕກຕ່າງກັນ”.

     ຕາມປະເພນີແລ້ວ ຄອບຄົວຊາວ ຮວາ ຢູ່ແຂວງ ອານຢາງ ຈະເລືອກເອົາຜູ້ໜຶ່ງ ເຊິ່ງໄດ້ຮັບຄວາມຮັກແພງຈາກພໍ່ແມ່ພີ່ນ້ອງ ທັງຜູ້ມີສຸກຂະພາບແຂງແຮງ ມີຄຸນສົມບັດ ແລະ ມີຄວາມເກັ່ງກ້າ ເພື່ອເພິ່ງຄວາມຊ່ວຍເຫຼືອໃຫ້ຕັ້ງຊື່ແກ່ເດັກ. ຖືວ່ານີ້ແມ່ນການຂໍຄວາມໂຊກດີ, ລຸງ ເຈິ່ນບິ່ງຮວ່າ ໃຫ້ຮູ້ວ່າ:

      “ເມື່ອຕັ້ງຊື່ ບາງຄັ້ງໃນຄອບຄົວກໍ່ຊອກຫາບັນດາຜູ້ທີ່ທຳມາຄ້າຂາຍໄດ້ດີ ມີສຸຂະພາບແຂງແຮງເພື່ອເພິ່ງຄວາມຊ່ວຍເຫຼືອໃຫ້ເຂົາຕັ້ງຊື່ໃຫ້. ຊາວຮວາສ່ວນຫຼາຍມີສອງຊື່.ຊື່ໜຶ່ງແມ່ນໃຊ້ໃນໜັງສືນອກຈາກນັ້ນກໍ່ຍັງມີຊື່ຫຼິ້ນເຊິ່ງເຄີຍເອີ້ນຢູ່ບ້ານຖ້າຫາກລ້ຽງຍາກ”.

     ເມື່ອເດັກມີອາຍຸເຕັມໜຶ່ງເດືອນ ຄອບຄົວຈະທຳພິທີເຕັມເດືອນໄຫວ້ບູຊາເທວະດາຟ້າແຖນ ບັນພະບູລຸດ ປຽບເໝືອນການປະກາດຢ່າງເປັນທາງການວ່າ ມີສະມາຊິກຄົນໃໝ່ໃນຄອບຄົວ. ລຸງ ຮວ່າ ອະທິບາຍວ່າ:

      “ການທຳພິທີເຕັມເດືອນໃຫ້ເດັກ ກໍ່ອີງຕາມຄອບຄົວເພື່ອຈັດຕັ້ງ. ບາງຄອບຄົວກໍ່ຈັດຕັ້ງໃນຂອບເຂດຄອບຄົວ, ໄຫວ້ບູຊາບູຍ່າຕາຍາຍບັນພະບູລຸດ. ມີບາງຄອບຄົວກໍ່ຈັດຕັ້ງເພື່ອເຊື້ອເຊີນຍາດຕິພີ່ນ້ອງມາມອບຂອງຂວັນ”.

      ກໍ່ເຊັ່ນດຽວກັນກັບເຜົ່າອື່ນໆ ການທຳພິທີເຕັມເດືອນໃຫ້ເດັກກໍ່ແມ່ນການທຳພິທີກຳທີ່ສຳຄັນສຳລັບເດັກຊາວ ຮວາ. ພ້ອມກັບການທຳພິທີເຕັມເດືອນໃຫ້ເດັກ, ພິທີອວຍພອນອາຍຸຍືນກໍ່ໄດ້ຮັບຖືເປັນສຳຄັນຈາກຊາວ ຮວາຢູ່ ອານຢາງ. ນີ້ອາດໄດ້ຮັບຖືວ່າແມ່ນພິທີໃຫຍ່ໃນຄອບຄົວ, ວົງຕະກຸນປະກອບສ່ວນເຮັດໃຫ້ຊີວິດທາງດ້ານຈິດໃຈຂອງຊາວ ຮວາຢູ່ແຂວງອານຢາງມີຄວາມອຸດົມສົມບູນຂຶ້ນຕື່ມ. ລຸງ ຖາຍຫວີມິງ ຊາວຮວາຢູ່ແຂວງອານຢາງໃຫ້ຮູ້ວ່າ:

     “ໂດຍທົ່ວໄປແລ້ວ ສຳລັບເພດຊາຍກໍ່ທຳພິທີອວຍພອນອາຍຸຍືນເມື່ອມີອາຍຸຄົບ 60 ປີ, ສ່ວນເພດຍິງແມ່ນຄົບ 61 ປີ. ຖ້າຫາກມີເງື່ອນໄຂຮອດອາຍຸ 80 ປີ, 81 ປີ ກໍ່ທຳພິທີອວຍພອນອາຍຸຍືນດ້ວຍເຂດຂະໜາດໃຫຍ່ ເຊິ່ງໄດ້ເຊື້ອເຊີນຫຼາຍຄົນມາຮ່ວມນຳ ບໍ່ສະເພາະໃນຄອບຄົວເທົ່ານັ້ນ”.

     ໂດຍແມ່ນວັນມ່ວນຊື່ນຂອງຄອບຄົວ, ວົງຕະກຸນ ດັ່ງນັ້ນໃນວັນນີ້ຄອບຄົວຊາວຮວາ ໄດ້ຈັດຕັ້ງພິທີນີ້ຢ່າງສົມກຽດ. ເຄື່ອງຂອງທຸກໆຢ່າງ ໂດຍແມ່ນລູກຫຼານໃນຄອບຄົວກຽມ, ພິທີດ້ວຍຂອບຂະໜາດໃຫຍ່ນ້ອຍ ກໍ່ຂຶ້ນກັບເງື່ອນໄຂຂອງແຕ່ລະຄອບຄົວ ແຕ່ອາຫານສອງຢ່າງທີ່ຂາດບໍ່ໄດ້ ແມ່ນໝີ່ຂົ້ວ ແລະ ສະລາເປົາ. ລຸງ ຖາຍຫວີມິງ ອະທິບາຍວ່າ :

       ”ຖ້າຫາກມີອາຍຸຄົບ 61 ປີ ຕ້ອງເຮັດສະລາເປົາ 61 ກ້ອນ. ໃນຄຳອວຍພອນ ຊາວ ຮວາ ເຄີຍບວກຕື່ມ 10 ປີ. ໝາຍຄວາມວ່າ ອວຍພອນອາຍຸຍືນ 61 ປີ ແຕ່ເຂົາເຈົ້າເວົ້າວ່າ 71 ປີ.ແຕ່ເມື່ອມີອາຍຸ 81 ປີ ແມ່ນອວຍພອນ 81 ປີເທົ່ານັ້ນ ບໍ່ແມ່ນວ່າ ອວຍພອນອາຍຸຍືນ 91 ປີ”.