ຍ້ອນຜົນສະທ້ອນຈາກລົມມໍລະສຸມເພີ່ມຂຶ້ນ, ກາງຄືນວັນທີ 24 ແລະ ເຊົ້າວັນທີ 25/1, ຢູ່ບັນດາຕາແສງ, ເທດສະບານເກືອບທັງໝົດຂອງເມືອງ ແມ່ວຫວາກ ປະກົດມີຫິມະຕົກໜາໃນເນື້ອທີ່ກວ້າງຂວາງ, ທ່ານ ເຮີ່ມີ໋ວື່, ປະທານສະມາຄົມຊາວກະສິກອນຕາແສງ ກ໋ານຈູຟີ່ນ, ເມືອງ ແມ່ວຫວາກ, ແຂວງ ຮ່າຢາງ ໃຫ້ຮູ້ວ່າ, ອາກາດໜາວຈັດ ແລະ ຫິມະຕົກໜາໃນຄັ້ງນີ້ແມ່ນບໍ່ເຄີຍມີມາໃນ 5 ປີມານີ້. ສ່ວນທ່ານ ຫງວຽນແຢງຕວານ, ຄູສອນໃນໂຮງຮຽນສາມັນຊົນເຜົ່າເຄິ່ງກິນນອນ ມັດທະຍົມຕອນຕົ້ນ ກ໋ານຈູຟີ່ນ ເວົ້າວ່າ, ນັບແຕ່ມາປະຕິບັດງານຢູ່ທີ່ນີ້ເມື່ອປີ 2000, ນີ້ແມ່ນປີທຳອິດທີ່ ແມ່ວຫວາກ ມີອາກາດໜາວຈັດ ແລະ ຫິມະຕົກ. ອຸນຫະພູມສະເລ່ຍຢູ່ຕາແສງຕ່າງແມ່ນແຕ່ 0 – 2 ອົງສາ C, ອຸນຫະພູມຕຳ່ສຸດແມ່ນ - 4 ອົງສາ C.
ຫິມະຕົກຂາວກະຈະເທິງຫຼັງຄາເຮືອນ ແລະ ເນີນພູ
ຢູ່ຕາແສງ ກ໋ານຈູຟີ່ນ, ໄຮ່ນາ, ຫຼັງຄາເຮືອນ, ພູຫີນລ້ວນແຕ່ຖືກປົກຄຸມດ້ວຍຫິມະທີ່ຂາວກະຈະ. ຫິມະຕົກໃນຄັ້ງນີ້ໄດ້ກໍ່ຄວາມເສຍຫາຍຢ່າງໜັກໜ່ວງໃຫ້ຕົ້ນໄມ້, ພືດຂອງຊາວເຜົ່າ. ຊີວິດຂອງປະຊາຊົນຢູ່ຕາແສງ ກ໋ານຈູຟີ່ນ ສ່ວນຫຼາຍແມ່ນອີງໃສ່ການປູກຝັງ, ລ້ຽງສັດ, ດັ່ງນັ້ນຫິມະຕົກຄືແນວນີ້ ໄດ້ເຮັດໃຫ້ຊີວິດການເປັນຢູ່ຂອງປະຊາຊົນຫຍຸ້ງຍາກຕື່ມອີກ. ຫິມະຕົກໜາກໍ່ສົ່ງຜົນສະທ້ອນເຖິງການເຄື່ອນໄຫວຕ່າງໆຂອງປະຊາຊົນຢູ່ທີ່ນີ້ອີກ.
ຫິມະເຮັດໃຫ້ຜັກ ແລະ ພືດຂອງປະຊາຊົນເສຍຫາຍຢ່າງໜັກໜ່ວງ.
ວິທີໃຫ້ລົດເຄື່ອນໄຫວດ້ວຍການຕົ້ມນ້ຳຮ້ອນຂອງຊາວ ແມ່ວຫວາກ
ເພື່ອຮັບປະກັນສຸຂະພາບໃຫ້ປະຊາຊົນ ກໍ່ຄືປ້ອງກັນ, ຕ້ານຄວາມອຶດຫີວ ແລະ ໜາວຈັດໃຫ້ຝູງສັດລ້ຽງ, ເມືອງ ແມ່ວຫວາກ ໄດ້ຊີ້ນຳໃຫ້ບັນດາຕາແສງ, ເທດສະບານໂຄສະນາ, ແນະນຳໃຫ້ປະຊາຊົນບໍ່ໄດ້ອອກຈາກເຮືອນໃນເວລາອຸນຫະພູມຕຳ່ສຸດ. ພ້ອມທັງສະສົມແຫຼ່ງອາຫານ, ປົກປິດຄອກ, ລົກເພື່ອຮັກສາຄວາມອຸ່ນໃຫ້ຝູງສັດ.
ປະຊາຊົນຍາດເວລາໄປຫາຫຍ້າມາລ້ຽງງົວ
ເດັກນ້ອຍຝີງໄຟຢູ່ໃນເຮືອນ, ຫຼືຫຼິ້ນຢູ່ອ້ອມເຮືອນ ແລະເຕົ້າໂຮມກັນເປັນໝູ່