ໃນອາທິດຜ່ານມາລາຍການພາສາລາວ ວິທະຍຸກະຈາຍສຽງຫວຽດນາມ ສືບຕໍ່ໄດ້ຮັບໂທລະສັບ ແລະ ອີແມວ ຈາກທ່ານຜູ້ຟັງທີ່ຟາກມາລາຍການ. ໃນຈົດໝາຍ, ທ່ານຜູ້ຟັງໄດ້ປະກອບບັນດາຄຳເຫັນທີ່ມີປະໂຫຍດໃຫ້ແກ່ລາຍການ, ນອກນັ້ນ, ກໍຢາກຊອກຮູ້ກ່ຽວກັບວັດທະນະທຳ ແລະ ປະຫວັດສາດຂອງຫວຽດນາມ. ອາທິດນີ້, ພວກຂ້າພະເຈົ້າຈະຕອບບາງຄຳຖາມເຊິ່ງທ່ານຜູ້ຟັງມີຄວາມສົນໃຈທີ່ກ່ຽວຂ້ອງເຖິງບັນຫາອຸບັດຕິເຫດ, ເສັ້ນທາງລົດໄຟ ແລະ ກາເຟຂອງຫວຽດນາມ.
ລຸງ ຫງວຽນວັນແຕ້ວ, ແມ່ນຊາວຫວຽດນາມ ອາໄສຢູ່ໄທ, ໄດ້ສົ່ງອີແມວມາຍັງລາຍການແບ່ງປັນວ່າ: ເມື່ອໄດ້ຮັບຂ່າວວ່າ ໃນອຸບັດຕິເຫດຢູ່ແຂວງ ແຂງຮ່ວາ, ໄດ້ເຮັດໃຫ້ 11 ຄົນເສຍຊີວິດ ແລະ ຫຼາຍຄົນຖືບາດເຈັບ. ໂດຍແມ່ນຊາດຫວຽດນາມຜູ້ໜຶ່ງ ຂ້າພະເຈົ້າຂໍ້ແບ່ງປັນຄວາມເສົ້າສະຫຼົດໃຈມາຍັງບັນດາຄອບຄົວທີ່ມີຜູ້ເສຍຊີວິດ ແລະ ຝາກຄຳຢື້ຢາມຖາມຂ່າວ ແລະ ອ່ວຍພອນໃຫ້ຜູ້ຖືກບາດເຈັບຟື້ນຟູສຸຂະພາບຄືນໃໝ່ໂດຍໄວ. ຂ້າພະເຈົ້າບໍ່ທັນຮູ້ກ່ຽວກັບ, ກົດໝາຍວ່າດ້ວຍປະກັນໄພອຸບັດຕິເຫດຢູ່ຫວຽດນາມ ຄືແນວໃດ? ສ່ວນຢູ່ໄທ ແມ່ນບັງຄັບໃຫ້ບັນດາພາຫະນະຄົມມະນາຄົມຕ້ອງມີປະກັນໄພອຸບັດຕິເຫດ ແລະ ເມື່ອເກີດອຸບັດຕິເຫດ, ຕ້ອງເສຍຄ່າຊົດເຊີຍຜູ້ເສຍຊີວິດ 80,000 ບາດ/ຄົນ, ສ່ວນຜູ້ຖືກບາດເຈັບເຂົ້າໂຮງໝໍຄ່າປິນປົວທັງໝົດໂດຍປະກັນໄພອຸບັນຕິເຫດຈ່າຍໃຫ້.
(ອຸບັດຕິເຫດຢູ່ແຂວງ ແຂງຮ່ວາ)
ລາຍການພາສາລາວວິທະຍຸກະຈາຍສຽງຫວຽດນາມ ຂໍ້ຕາງໜ້າບັນດາຄອບຄົວທີ່ມີຜູ້ເສຍຊີວິດ ແລະ ຖືກບາດເຈັບໃນກໍລະນີດັ່ງກ່າວ ຂໍ້ຂອບໃຈລຸງທີ່ໄດ້ເອົາໃຈໃສ່ ແລະ ແບ່ງປັນຄວາມໂສກເສົ້າ. ປະຈຸບັນ, ຢູ່ຫວຽດນາມ ໃນກໍລະນີເຫດອຸບັດຕິເຫດທັງໝົດລ້ວຍແຕ່ໄດ້ຮັບເງິນໜູນຊ່ວຍເພື່ອປິ່ນປົ່ວພະຍາດ. ເຖິງວ່າບໍ່ຫຼາຍຄືຢູ່ໄທ ກໍຕາມ ແຕ່ມັນກໍປະກອບສ່ວນຊ່ວຍຫຼຸດຜ່ອນຄວາມຫຍຸ້ງຍາກສ່ວນໃດສ່ວນໜຶ່ງໃຫ້ແກ່ຄອບຄົວປະສົບເຄາະຮ້າຍ. ໃນໄລຍະຈະມາເຖິງ, ຫວັງວ່າ ລາຍການພາສາລາວ ຈະໄດ້ຮັບບັນດາຄຳເຫັນປະກອບກໍຄືຄວາມເອົາໃຈໃສ່ການແບ່ງປັນຄວາມທຸກຄວາມສຸກຈາກຜູ້ຟັງທັງຫຼາຍ ກໍຄືລຸງທີ່ມີຕໍ່ເຖິງປະຊາຊົນຊາວຫວຽດນາມ.
ໃນອາທິດຜ່ານມາ, ພວກຂ້າພະເຈົ້າໄດ້ຮັບອີແມວຈາກເພ່ືອນ ຄຳໄສ ວິໄລສຸກ, ຢູ່ແຂວງ ວັງວຽງ ທີ່ຖາມວ່າ: ເສັ້ນທາງລົດໄຟຫວຽດນາມ ໄດ້ຮັບການກໍ່ສ້າງແຕ່ປີໃດ ແລະ ຄວາມໝາຍຂອງເສັ້ນທາງລົດໄຟໃນການຂົນສົ່ງສິນຄ້າຢູ່ຫວຽດນາມ ໃນປະຈຸບັນ? ໃນໄລຍະຈະມາເຖິງ, ຫວຽດນາມ ຈະເປີດເສັ້ນທາງລົດໄຟໄປຍັງບັນດາປະເທດບ້ານໄກ້ເຮືອນຄຽງຄື; ລາວ, ກຳປູ້ເຈຍ ແລະ ຈີນ ຫຼືບໍ່?
(ສະຖານນີລົດໄຟໄຊງ່ອນ - ມີທໍ)
ເພື່ອນ ຄຳໄສ ວິໄລສຸກ ທີ່ຮັກພງ, ຂະແໜງລົດໄຟຫວຽດນາມ ແມ່ນໜຶ່ງໃນບັນດາຂະແໜງອຸດສາຫະກຳທີ່ມີມາແຕ່ດົນນານຂອງປະເທດ. ຂະແໜງລົດໄຟ ຫວຽດນາມ ໄດ້ຮັບການສ້າງຕັ້ງຂຶ້ນເມື່ອປີ 1881 ດ້ວຍການລົງມືກໍ່ສ້າງເສັ້ນທາງລົດໄຟທຳອິດຈາກເມືອງ ທຸທຽມ ໄປຍັງ ເຈລີ໋ນ (ຢູ່ໄຊງ່ອນ, ປະຈຸບັນແມ່ນນະຄອນໂຮ່ຈິມິນ) ດ້ວຍຄວາມຍາວ 13 ກ.ມ. ລົດໄຟຖ້ຽວທຳອິດໃນວັນທີ 20/07/1885. ບັນດາຊຸມປີຕໍ່ໆໄປ, ເຄືອຂ່າຍລົດໄຟສືບຕໍ່ໄດ້ຮັບການກໍ່ສ້າງໃນທົ່ວປະເທດຫວຽດນາມ ຕາມເຕັກໂນໂລຊີລົດໄຟຂອງຝລັ່ງ. ພາຍຫຼັງຂະແໜງລົດໄຟຫວຽດນາມ ປ່ຽນໃໝ່ໂຄງປະກອບ ແລະ ຫັນເປັນກົນໄກການຕະຫຼາດ, ຂະແໜງລົດໄຟຫວຽດນາມ ເລີ່ມປະຕິບັດໂຄງການຟື້ນຟູ ແລະ ຫັນເປັນທັນສະໄໝເສັ້ນທາງລົກໄຟ ເພື່ອໃຫ້ຂະແໜງລົດໄຟກາຍເປັນຂະແໜງຂົນສົ່ງຕົ້ນຕໍ່ຂອງຫວຽດນາມ, ປະກອບສ່ວນຢ່າງຕັ້ງໜ້າເຂົ້າໃນການເຕີມໂຕດ້ານເສດຖະກິດຂອງປະເທດຊາດ ແລະ ເຊື່ອມຕໍ່ກັບບັນດາເສັ້ັນທາງລົດໄຟໃນພາກພື້ນອາຊີຕາເວັນອອກສ່ຽງໃຕ້. ໃນໄລຍະຈະມາເຖິງ, ຄາດວ່າຂະແໜງລົດໄຟຫວຽດນາມ ຈະເຊື່ອມຕໍ່ເຂົ້າເຄືອຂ່າຍເສັ້ນທາງລົດໄຟຂອງລາວ, ກຳປູເຈຍ ແລະ ບັນດາປະເທດໃນພາກພື້ນອາຊີຕາເວັນອອກສຽງໃຕ້ອື່ນໆ.
ແລະໃນອາທິດຜ່ານມາ, ພວກເຮົາກໍ່ໄດ້ຮັບອີແມວຈາກເພື່ອນ ໄສພອນ ແພງມີໄສ, ຢູ່ນະຄອນຫຼວງວຽງຈັນ ໂດຍແບ່ງປັນຄວາມຮູ້ສຶກຂອງຕົນ ເມື່ອໄດ້ດື່ມກາເຟຢູ່ຮ່າໂນ້ຍ ແລະ ນະຄອນໂຮ່ຈິມິນ, ເພື່ອນໃຫ້ຮູ້ວ່າ: ຂ້າພະເຈົ້າເຫັນວ່າ ຢູ່ພາກເໜືອ ແລະ ພາກໃຕ້ຂອງຫວຽດນາມ ມີວິທີດີ່ມກາເຟທີ່ແຕກຕາງກັນ ແລະ ກາເຟຢູ່ຮ່າໂນ້ຍ ມີລົດຊາດສະເພາະຂອງກາເຟໃ ປະຈຸບັນ ຫວຽດນາມ ມີບັນດາເຄື່ອງໝາຍກາເຟໃດໆທີ່ແຊບ ແລະ ມີຊື່ສຽງ ເຊິ່ງຢູ່ລາວ ຂ້າພະເຈົ້າສາມາດຊື້ໄດ້.
ເພື່ອນໄສພອນ ແພງມີໄສ ທີ່ຮັກແພງ, ວິທີດື່ມກາເຟຂອງພາກເໜືອ ແລະ ພາກໃຕ້ ມີຄວາມແຕກຕາງກັນແທ້ໆ, ຊາວພາກເໜືອ ເຄີຍດື່ມກາເຟເທື່ອລະໜ້ອຍເພ່ືອສາມາດຮູ້ລົດຊາດສະເພາະຂອງກາເຟແຕ່ລະຊະນິດ. ສ່ວນຊາວພາກໃຕ້ ພັດຖືກາເຟແມ່ນເຄື່ອງດື່ມທົ່ວໄປ. ປະຈຸບັນ, ບັນດາຜະລິດຕະພັນກາເຟຂອງຫວຽດນາມ ມີກາເຟຫຼາຍຊະນິດ, ໃນນັ້ນກາເຟຖືກສົ່ງໄປຂາຍຢູ່ຕ່າງປະເທດຫຼາຍກວ່າໝູ່ແມ່ນ; ຈຸງຫງວຽນ, ເມຈາງ, ບວນເມທວດ... ຢູ່ລາວກໍມີບາງຮ້ານຄ້າຂາຍກາເຟຂອງຫວຽດນາມ ຢູ່ນະຄອນຫຼວງວຽງຈັນ, ຫຼວງພະບາງ ແລະ ບັນດາແຂວງທີ່ມີເສັ້ນຊາຍແດນຕິດກັບຫວຽດນາມເພື່ອນກໍສາມາດຊື້ກາເຟຂອງຫວຽດນາມ ໄດ້.
ນີ້ແມ່ນບາງຄຳເຫັນທີ່ທ່ານຜູ້ຟັງໄດ້ຝາກມາຍັງລາຍການພາກພາສາລາວ, ວິທະຍຸກະຈາຍສຽງຫວຽດນາມ ໃນອາທິດຜ່ານມາ. ຫວັງວ່າລຸງ ຫງວຽນວັນແຕ້ວ, ເພື່ອນ ຄຳໄສ ວິໄລສຸກ ແລະ ເພື່ອນ ໄສພອນ ແພງມີໄສ ຈະພໍໃຈຕໍ່ຄຳຕອບຂອງພວກຂ້າພະເຈົ້າ. ຖ້າຫາກທ່ານຜູ້ຟັງມີຄວາມສົນໃຈບັນຫາໃດ ກະລຸນາສົ່ງຈົດໝາຍມາຍັງລາຍການຂອງພວກເຮົາ ໂດຍຈ່າໜ້າຊອງວ່າ: ວິທະຍຸກະຈາຍສຽງຫວຽດນາມ-ພາກພາສາລາວ-ເຮືອນເລກທີ 45 ຖະໜົມບາຈ້ຽວ-ຮ່າໂນ້ຍ ຫຼືໂທມາໂດຍກົງກໍໄດ້ຕາມເບີໂທ: 0084 4 38256631, ຫຼືຜ່ານອີແມວ: Laovov@.yahoo.com.