ໄຂງານປະກວດສິລະປະລະຄອນຕ່ວງ
(ພາບ: VGP/ຮົ່ງແຮ້ງ)
(vovworld) - ງານປະກວດສິລະປະລະຄອນຕ່ວງ ແລະ ລະຄອນເພງພື້ນເມືອງອາຊີບທົ່ວປະເທດ 2016 ໄດ້ໄຂຂຶ້ນໃນຕອນຄຳ່ວັນທີ 20/8, ຢູ່ນະຄອນ ດ່ານັ້ງ. ເຂົ້າຮ່ວມງານປະກວດມີນັກສິລະປິນເກືອບ 700 ຄົນທີ່ມາຈາກ 11 ຄະນະສິລະປະລະຄອນທີ່ເປັນມູນເຊື້ອໃນທົ່ວປະເທດ. ບັນດາຄະນະເຂົ້າຮ່ວມງານປະກວດໄດ້ສະແດງ 17 ບົດລະຄອນ, ໃນນັ້ນລະຄອນຕ່ວງມີ 10 ລະຄອນ, ລະຄອນເພງພື້ນເມືອງມີ 7 ລະຄອນ, ດ້ວຍເນື້ອໃນ, ແນວຄິດທີ່ມີລັກສະນະວັດທະນະທຳມະນຸດ, ສ່ອງແສງນ້ຳໃຈພິລະອາດຫານບໍ່ຍອມຈຳນົນຂອງລຸ້ນພໍ່, ລຸ້ນອ້າຍໃນປະຫວັດແຫ່ງການສ້າງສາ ແລະ ປົກປັກຮັກສາປະເທດຊາດ, ບັນດາປັດໃຈທີ່ຕັ້ງໜ້າ, ບັນດາຜົນງານ ເຊິ່ງພັກກອມມູນິດ ຫວຽດນາມ ແລະ ປະຊາຊົນ ຫວຽດນາມບັນລຸໄດ້ ໃນພາລະກິດປ່ຽນໃໝ່ຂອງປະເທດ. ນັກສະແດງ ຫງວຽນທິຫ່ຽນ, ຄະນະສິລະປະລະຄອນຂັບບ່າຍຈ່ອຍ, ແຂວງ ບິ່ງດິ້ງ, ໃຫ້ຮູ້ວ່າ:
“ຂ້າພະເຈົ້ານິຍົມສິລະປະຂັບບ່າຍຈ່ອຍທີ່ສຸດ. ຂ້າພະເຈົ້າເຂົ້າຮ່ວມງານປະກວດເພື່ອຮຳ່ຮຽນເອົາບົດຮຽນຈາກຄະນະອື່ນໆ. ຂ້າພະເຈົ້າມີຄວາມນິຍົມ, ເມົາມົວສະເພາະ, ແລະຈະພະຍາຍາມສູ້ຊົນເພື່ອໄດ້ສວມເປັນຕົວລະຄອນທີ່ຕົນນິຍົມ“.