(ພາບປະກອບ) (vovworld) - ໂດຍຕອບສະໜອງປີຊາວໜຸ່ມອາສາສະໝັກ 2014, ມຸງໄປເຖິງການສະເຫຼີມສະຫຼອງ 60 ປີ ແຫ່ງໄຊຊະນະດ້ຽນບຽນຝູ (7/5/1954-7/5/2014), ວັນທີ 12/4, ຢູ່ແຂວງດ້ຽນບຽນ, ຄະນະຊາວໜຸ່ມກອມມູນິດໂຮ່ຈີມິນນະຄອນຮ່າໂນ້ຍ, ສະຫະພັນຊາວໜຸ່ມ, ສະມາຄົນທ່ານໝໍໜຸ່ມນະຄອນຮ່າໂນ້ຍ ແລະ ຄະນະຊາວໜຸ່ມແຂວງດ້ຽນບຽນ ໄດ້ສົມທົບກັນຈັດພິທີໄຂການເຄື່ອນໄຫວອາສາສະໝັກຂອງໄວໜຸ່ມນະຄອນຫຼວງຢູ່ແຂວງດ້ຽນບຽນ. ນີ້ແມ່ນການເຄື່ອນໄຫວໃນຂອບເຂດລາຍການ ”ດ້ຽນບຽນຝູໃນດວງໃຈໄວໜຸ່ມນະຄອນຫຼວງ” ເຊິ່ງດຳເນີນໃນລະຫວ່າງວັນທີ 11-15/4. ສະມາຊິກຊາວໜຸ່ມອາສາສະໝັກນະຄອນຫຼວງຈະມີການເຄື່ອນໄຫວຫຼາຍຢ່າງຢູ່ເມືອງດ້ຽນບຽນຄື: ກວດພະຍາດ, ມອບຢາປິ່ນປົວພະຍາດໂດຍບໍ່ເສຍເງິນໃຫ້ຜູ້ ປະສົບກັບຄວາມຫຍຸ້ງຍາກ, ລົງມືກໍ່ສ້າງເຮືອນເຄິ່ງກິນນອນໃຫ້ນັກຮຽນ, ມອບແນວພັນປູກໃຫ້ບັນດາຄອບຄົວທີ່ຫຍຸ້ງຍາກ, ມອບອຸປະກອນການຮຽນໃຫ້ໂຮງຮຽນປະຖົມ, ມັດທະຍົມຕອນຕົ້ນໃນແຂວງດ້ຽນບຽນ. Từ khóa: vovworld vov ກວດພະຍາດ
ສັບປະດາເຮັດວຽກທີ 3, ກອງປະຊຸມສະໄໝສາມັນເທື່ອທີ 7, ສະພາແຫ່ງຊາດ ຫວຽດນາມຊຸດ ທີ XV: ຈຸດສຸມແມ່ນການເຄື່ອນໄຫວຊັກຖາມ ແລະ ຕອບຄຳຊັກຖາມ