(vovworld) - ສ້າງສຳເລັດແຜນການໂຄສະນາ, ເຜີຍແຜ່ກ່ຽວກັບ ອາຊຽນ ແຕ່ນີ້ຮອດປີ 2015 ແລະ ເປັນເອກະພາບຕໍ່ແຜນນະໂຍບາຍສ້າງຕັ້ງຄະນະຖະແຫຼງຂ່າວແຫ່ງຊາດ ກ່ຽວກັບ ອາຊຽນ ແມ່ນບັນດາຄາດໝາຍສຳຄັນເຊິ່ງກອງປະຊຸມສຳມະນາໂທລະຄົມ ອາຊຽນ ຄັ້ງທີ 2 ຈັດຂຶ້ນໃນວັນທີ 12/3 ຢູ່ ຮ່າໂນ້ຍ. ທີ່ກອງປະຊຸມສຳມະນາ, ທ່ານນາງ ກວານຢູຍເງິນຮ່າ (Quan Duy Ngan Ha), ຫົວໜ້າກົມຮ່ວມມືສາກົນ, ກະຊວງຖະແຫຼງຂ່າວ ແລະ ສື່ສານ ຫວຽດນາມ ໃຫ້ຮູ້ວ່າ: ແຜນການໂຄສະນາ, ເຜີຍແຜ່ ກ່ຽວກັບ ອາຊຽນແຕ່ນີ້ຮອດປີ 2015 ມີເນື້ອໃນຄື: ຍົງສູງບົດບາດ, ທີ່ຕັ້ງຂອງ ອາຊຽນ, ບັນດາຜົນງານເຊິ່ງ ອາຊຽນ ບັນລຸໄດ້ໃນວິວັດການສ້າງຕັ້ງ ແລະ ພັດທະນາ, ແນະນຳ ກ່ຽວກັບປະຫວັດສາດ, ວັດທະນະທຳ, ຊີວິດການເປັນຢູ່ຂອງປະຊາຊົນບັນດາປະເທດສະມາຊິກໃນປະຊາຄົມ ອາຊຽນ, ເຮັດແຈ້ງເນື້ອໃນຂອງປະຊາຄົມ ອາຊຽນ, ຄວາມໝາຍຂອງການສ້າງຕັ້ງປະຊາຄົມ ອາຊຽນ ສຳລັບການຮ່ວມມື ແລະ ພັດທະນາລວມຢູ່ພາກພື້ນກໍ່ຄືແຕ່ລະປະເທດສະມາຊິກ... ເປົ້າໝາຍໂຄສະນາໃນແຜນການໄດ້ຮັບການກຳນົດຢ່າງລະອຽດຜ່ານ 2 ລະດັບ ພາຍໃນ ແລະ ຕ່າງປະເທດ. ການເຄື່ອນໄຫວໂຄສະນາຖືກດຳເນີນເປັນຫຼາຍຮູບຫຼາຍແບບ ແລະ ຜັນຂະຫຍາຍໃນແຕ່ລະປີ. ແຜນການໂຄສະນາ, ເຜິຍແຜ່ກ່ຽວກັບ ອາຊຽນ ແຕ່ນີ້ຮອດປີ 2015 ຈະຍືນສະເໜີຕໍ່ນາຍົກລັດຖະມົນຕີໃນປີ 2013.