ເຫດນ້ຳຖ້ວມມີຈຳນວນຜູ້ເສຍຊີວິດຢືນອັນດັບທີ 2 ຢູ່ ເອີລົບ (ພາບ: Independent)

ວັນທີ 02 ພະຈິກ, ທ່ານນາຍົກລັດຖະມົນຕີ ແອັດສະປາຍ Pedro Sánchez ຖະແຫຼງວ່າ ຈະຈັດສົ່ງນາຍທະຫານ 5.000 ຄົນ ແລະ ຕຳຫຼວດ 5.000 ຄົນໄປເຂດທາງທິດຕາເວັນອອກ Valencia ພາຍຫຼັງເກີດສະພາບນ້ຳຖ້ວມເຮັດໃຫ້ຢ່າງໜ້ອຍສຸດມີ 211 ຄົນເສຍຊີວິດ. ທ່ານນາຍົກລັດຖະມົນຕີ Pedro Sánchez ເນັ້ນໜັກວ່າ, ນີ້ແມ່ນເຫດນ້ຳຖ້ວມມີຈຳນວນຜູ້ເສຍຊີວິດຢືນອັນດັບທີ 2 ຢູ່ ເອີລົບ ໃນສັດຕະວັດນີ້ ແລະ ແອັດສະປາຍ ພວມດຳເນີນບັ້ນຜັນຂະຫຍາຍກອງທັບ ແລະ ກຳລັງປ້ອງກັນຄວາມສະຫງົບຫຼາຍທີ່ສຸດໃນໄລຍະສັນຕິພາບ; ພ້ອມທັງໃຫ້ຄຳໝັ້ນສັນຍາວ່າ ລັດຖະບານ ຈະລະດົມທຸກແຫຼ່ງກຳລັງທີ່ຈຳເປັນ ເພື່ອໜູນຊ່ວຍວຽກງານແກ້ໄຂຄວາມຫຍຸ້ງຍາກຈາກໄພທຳມະຊາດ. ເຂດ Valencia, ທາງທິດຕາເວັນອອກ ແອັດສະປາຍ, ແມ່ນແຫ່ງຖືກຜົນສະທ້ອນຢ່າງໜັກໜ່ວງທີ່ສຸດຂອງໄພນ້ຳຖ້ວມ. ປະຊາຊົນຢູ່ທີ່ນີ້ພວມປະເຊີນໜ້າກັບບັນດາຄວາມຫຍຸ້ງຍາກຫຼາຍຢ່າງ ເມື່ອຂາດນ້ຳສະອາດ, ໄຟຟ້າ ແລະ ທັນຍາຫານ.