ທ່ານປະທານາທິບໍດີ ບຣາຊີນ Jair Bolsonaro (ພາບ:  AFP/TTXVN)

        ວັນທີ 18 ມິຖຸນາ, ຢູ່ນະຄອນຫຼວງ Brassilia, ປະເທດ ບຣາຊີນ, ທ່ານນາງ ຟ້າມທິກິມຮວາ ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສສ.ຫວຽດນາມ ປະຈໍາ ບຣາຊີນ ໄດ້ຍື່ນສານຕາຕັ້ງຕໍ່ທ່ານປະທານາທິບໍດີ ບຣາຊີນ Jair Bolsonaro. ນະທີ່ນີ້, ທ່ານນາງ ເອກອັກຄະລັດຖະທູດ  ຟ້າມທິກິມຮວາ ໄດ້ຢັ້ງຢືນວ່າ ຫວຽດນາມ ຍາມໃດກໍຖືເປັນສໍາຄັນການພົວພັນຮ່ວມມືມິດຕະພາບໃນຫຼາຍດ້ານກັບ ບຣາຊີນ.  ພ້ອມທັງເນັ້ນໜັກວ່າ ດ້ວຍບົດບາດເປັນປະທານ ອາຊຽນ 2020 ແລະ ກໍາມະການບໍ່ປະຈໍາການສະພາຄວາມໝັ້ນຄົງ ສປຊ, ຫວຽດນາມ ຈະແມ່ນຂົວຕໍ່ລະຫວ່າງ ບຣາຊີນ ກັບ ພາກພື້ນ ອາຊີຕາເວັນອອກສ່ຽງໃຕ້ ແລະ ສອງປະເທດສືບຕໍ່ສົມທົບກັນຢ່າງແໜ້ນແຟ້ນ, ສະໜັບສະໜູນເຊິ່ງກັນແລະກັນໃນບັນດາເວທີປາໄສຫຼາຍຝ່າຍ ແລະ ພາກພື້ນ. ໃນໄລຍະຈະມາເຖິງ, ທ່ານ ນາງ ເອກອັກຄະລັດຖະທູດ  ຟ້າມທິກິມຮວາ ເຊື່ອໝັ້ນວ່າ ການພົວພັນລະຫວ່າງສອງປະເທດ ຈະສືບຕໍ່ໄດ້ຮັບການພັດທະນາຢ່າງແຮງ; ເພີ່ມທະວີການແລກປ່ຽນຄະນະຜູ້ແທນຂັ້ນສູງ, ຮ່ວມມືໃນທຸກຂົງເຂດທີ່ໄດ້ຮັບການຊຸກຍູ້, ໃນນັ້ນ ມີບັນດາບັນຫາດ້ານເສດຖະກິດ, ການຄ້າ.

        ທ່ານປະທານາທິບໍດີ ບຣາຊີນ Jair Bolsonaro ໃຫ້ຮູ້ວ່າ: ແບບວີທີຄຸ້ມຄອງຂອງຫວຽດນາມ ແມ່ນໜຶ່ງໃນບັນດາແບບຢ່າງ ເພື່ອໃຫ້ ບຣາຊີນ ຮໍ່າຮຽນຕາມ ເມື່ອໄດ້ເຂົ້າຢູ່ໃນກຸ່ມທີ່ມີລະດັບການເຕີບໂຕສູງທີ່ສຸດໃນທະວີບ ຕິດຕໍ່ກັນຫຼາຍປີ. ທ່ານປະທານາທິບໍດີ ກໍໃຫ້ຮູ້ວ່າ ບຣາຊີນ ຍາມໃດກໍກຽມພ້ອມຍົກອອກຂໍ້ສະເໜີຕ່າງໆ ເພື່ອຜົນປະໂຫຍດຂອງສອງປະເທດ ແລະ ສິດຜົນປະໂຫຍດຂອງປະຊາຊົນ.