(vovworld) – ໃນລະຫວ່າງວັນທີ 13 – 14/11, ກອງປະຊຸມສຳມະນາຄັ້ງທີ 25 ກ່ຽວກັບ “ສະກັດກັ້ນການປະທະກັນທີ່ຈະເກີດຂຶ້ນຢູ່ທະເລຕາເວັນອອກ”, ໄດ້ດຳເນີນຢູ່ນະຄອນຫຼວງ ຈາກາຕາ, ປະເທດອິນໂດເນເຊຍ. ນີ້ແມ່ນກອງປະຊຸມປະຈຳປີລະຫວ່າງ 10 ປະເທດໃນພາກພື້ນອາຊີຕາເວັນອອກສ່ຽງໃຕ້, ຈີນ ແລະ ເຂດດິນແດນໄຕຫວັນ (ຈີນ). ຈຸດປະສົງຂອງກອງປະຊຸມສຳມະນາແມ່ນສ້າງເວທີປາໄສເພື່ອໃຫ້ບັນດາຝ່າຍແລກປ່ຽນກ່ຽວກັບບັນດາໂຄງການຮ່ວມມື, ຜ່ານນັ້ນຊ່ວຍຫຼຸດຜ່ອນຄວາມເຄັ່ງຕຶງ, ເພີ່ມທະວີການເຈລະຈາໃນພາກພື້ນ.
ໃນວາລະປຶກສາຫາລື, ທ່ານນາງ ຫງວຽນມິງຫງວຽດ, ຫົວໜ້າຄະນະເຈລະຈາຫວຽດນາມ, ຮອງຫົວໜ້າກົມກົດໝາຍ ແລະ ສົນທິສັນຍາສາກົນ, ກະຊວງການຕ່າງປະເທດຫວຽດນາມ ໃຫ້ຮູ້ວ່າ, ຫວຽດນາມ ຢືນຢັນອີກເທື່ອໜຶ່ງວ່າ ທີພະຍານຫຼັກຖານດ້ານກົດໝາຍ ແລະ ປະຫວັດສາດສຳລັບເກາະຕ່າງໆຢູ່ທະເລຕາເວັນອອກ. ຫວຽດນາມ ກໍສະແດງຄວາມວິຕົກກັງວົນຕໍ່ບັນດາການຜັນແປຫວ່າງມໍ່ໆມານີ້ຢູ່ເຂດນີ້, ພິເສດແມ່ນການເຄື່ອນໄຫວກໍ່ສ້າງບັນດາຫາດດອນຫີນ, ເຮັດໃຫ້ປ່ຽນແປງສະພາບເດີມຢູ່ທະເລຕາເວັນອອກ. ບັນດາການກະທຳນີ້ ໄດ້ສົ່ງຜົນສະທ້ອນເຖິງສິ່ງແວດລ້ອມ ແລະ ຊີວະນາໆພັນຢ່າງຮ້າຍແຮງ, ພ້ອມທັງສົ່ງຜົນສະທ້ອນເຖິງສັນຕິພາບ, ສະຖຽນລະພາບ ແລະ ຄວາມປອດໄພໃນພາກພື້ນ. ຄະນະຜູ້ແທນຫວຽດນາມ ໄດ້ຕີລາຄາສູງໝາກຜົນຕັ້ງໜ້າຂອງກອງປະຊຸມໃນເດືອນ 10 ຜ່ານມາຂອງກຸ່ມປະຕິບັດງານລວມອາຊຽນ - ຈີນ ຜັນຂະຫຍາຍຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC). ຕາມນັ້ນແລ້ວ, 2 ຝ່າຍໄດ້ເຫັນດີປຶກສາຫາລືບັນດາບັນຫາຕົ້ນຕໍ່ຂອງປະມວນຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC).