ວັນທີ 7 ພະຈິກ, ຄະນະກຳມະການຕະຫຼາດເປີດ ສະຫະລັດ, ທະນາຄານກາງ ສະຫະລັດ ອາເມລິກາ (FED), ໄດ້ປະກາດຫຼຸດອັດຕາດອກເບ້ຍພື້ນຖານຕື່ມອີກ 0,25% ລົງ ຄ່າປ່ຽງເບນ 4,5% - 4,75%. ນີ້ແມ່ນຄັ້ງທີສອງໃນປີທີ່ FED ໄດ້ຫຼຸດອັດຕາດອກເບ້ຍພື້ນຖານລົງ. ກ່ອນໜ້ານັ້ນ, ເມື່ອເດືອນກັນຍາປີນີ້ FED ກໍ່ໄດ້ຫຼຸດອັດຕາດອກເບ້ຍລົງ 0,5% ເຊິ່ງເປັນການຫຼຸດລົງຄັ້ງທຳອິດພາຍຫຼັງ 4 ປີ ເມື່ອບັນດາຜູ້ວາງແຜນນະໂຍບາຍສະແດງຄວາມເຊື່ອໝັ້ນວ່າ ໄພເງິນເຟີ້ພວມຫຍັບໃກ້ເຂົ້າກັບລະດັບຄາດໝາຍ 2%.

FED ເລີ່ມວິວັດການຮັດແໜ້ນນະໂຍບາຍເງິນຕາດ້ວຍການຍົກລະດັບອັດຕາດອກເບ້ຍຂຶ້ນ 5,25% ນັບແຕ່ເດືອນມີນາ ປີ 2022 ເພື່ອແນໃສ່ຮັບມືກັບກຳລັງກົດດັນດ້ານລາຄາທີ່ຂຶ້ນສູງທີ່ສຸດໃນ 4 ທົດສະວັດຜ່ານມາ. ການເພີ່ມດອກເບ້ຍຄັ້ງຕ່າງໆຂອງ FED ໄດ້ຊ່ວຍຫຼຸດຜ່ອນລະດັບໄພເງິນເຟີ້ໃນແຕ່ລະປີຂອງ ອາເມລິກາ ແຕ່ລະດັບສະຖິຕິແມ່ນ 9,1%ໃນເດືອນ ມິຖຸນາປີ 2022 ລົງເຫຼືອ 2,5% ຄືໃນປັດຈຸບັນ. ເຖິງຢ່າງໃດກໍຕາມ, ອັດຕາດອກເບ້ຍສູງ ໄດ້ເຮັດໃຫ້ວິສາຫະກິດ ແລະ ປະຊາຊົນປະສົບກັບຄວາມຫຍຸ້ງຍາກໃນການກູ້ຢຶມເງິນ. ຕາມນັກຊ່ຽວຊານດ້ານເສດຖະກິດ, ນັກວາງແຜນກຳນົດນະໂຍບາຍແລ້ວ ແມ່ນຕ້ອງຮັກສາລະດັບອັດຕາດອກເບ້ຍສູງທີ່ເໝາະສົມເພື່ອຈຳກັດການເຟີ້ຂອງເງິນ ຫາກບໍ່ແມ່ນເຮັດໃຫ້ພື້ນຖານເສດຖະກິດໄປຜິດດ່ຽງຈາກທິດ.