ມວນຊົນໄດ້ຮັບຊົມບັນດາຮູບຖ່າຍທີ່ສົ່ງມາຮ່ວມງານປະກວດ
|
(vovworld)- ມີຮູບຖ່າຍ, ຮູບເງົາສາລະຄະດີ, ເອກະສານ 28 ເລື່ອງໄດ້ຮັບການເຊີດຊູທີ່ພິທີມອບລາງວັນ “ ງານປະກວດຮູບຖ່າຍ, ຮູບເງົາສາລະຄະດີ, ເອກະສານກ່ຽວກັບການປົກປັກຮັກສາສິ່ງແວດລ້ອມ, ປ່ຽນແປງຂອງດິນຟ້າອາກາດໃນປະຊາຄົມ ອາຊຽນ ປີ 2013 ” ໂດຍກະຊວງຖະແຫຼງຂ່າວ ແລະ ສື່ສານຫວຽດນາມຈັດຂຶ້ນໃນຕອນຄ່ຳວັນທີ 20/2 ຢູ່ຮ່າໂນ້ຍ. 2 ລາງວັນທີ 1 ແມ່ນໄດ້ມອບໃຫ້ຮູບຖ່າຍ “ ບົດບາດຂອງປ່າ ແລະ ການປ່ຽນແປງຂອງດິນຟ້າອາກາດ ” ຂອງຫວຽດນາມ ແລະ ຮູບເງົາສາລະຄະດີ, ເອກະສານ “ Jungle Beat ” ຂອງກຸ່ມບໍລິສັດພັດທະນາຟິມຮູບເງົາແຫ່ງຊາດ ມາເລເຊຍ. ກ່າວຄຳເຫັນທີ່ພິທີ, ທ່ານລັດຖະມົນຕີ ກະຊວງຖະແຫຼງຂ່າວ ແລະ ສື່ສານຫວຽດນາມ ຫງວຽນບັກຊອນ ໃຫ້ຮູ້ວ່າ : ດ້ວຍຫົວເລື່ອງ “ປົກປັກຮັກສາສິ່ງແວດລ້ອມ, ປ່ຽນແປງຂອງດິນຟ້າອາກາດໃນປະຊາຄົມ ອາຊຽນ”, ງານປະກວດໄດ້ມຸ່ງໄປສູ່ວິໄສທັດ ອາຊຽນ 2020 ເພື່ອກໍ່ສ້າງປະຊາຄົມບັນດາສັງຄົມອຸ້ມຊູຊ່ວຍເຫຼືອຊຶ່ງກັນ ແລະ ກັນ, ກໍ່ສ້າງ “ ກຸ່ມອາຊຽນສະອາດ, ຂຽວງາມ, ມີກົນໄກປົກກະຕິໃຫ້ແກ່ການພັດທະນາແບບຍືນຍົງ, ປົກປັກຮັກສາສິ່ງແວດລ້ອມ, ຮັບປະກັນຄວາມໝັ້ນຄົງຂອງບັນດາແຫຼ່ງຊັບພະຍາກອນທຳມະຊາດຂອງພາກພື້ນ, ຄຸນນະພາບການດຳລົງຊີວິດຂອງບັນດາປະເທດຊາດໃນກຸ່ມອາຊຽນ” ພ້ອມກັນນັ້ນ ກໍຊຸກຍູ້ການຮ່ວມມື, ຄວາມເຂົ້າອົກເຂົ້າໃຈຊຶ່ງກັນ ແລະ ກັນລະຫວ່າງບັນດາປະເທດໃນວິວັດການກໍ່ສ້າງປະຊາຄົມ ອາຊຽນໃຫ້ໝັ້ນຄົງ ເຂັ້ມແຂງ ແລະ ພ້ອມກັນປະຕິບັດກົດບັດອາຊຽນ.