ທ່ານຮອງນາຍົກລັດຖະມົນຕີຫວູວັນນິງ
ຕ້ອນຮັບຜູ້ອຳນວຍການWBປະຈຳຫວຽດນາມ
(ພາບປະກອບ: TTXVN)
(vovworld) – ຕອນບ່າຍວັນທີ 20/11, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວູວັນນິງ ໄດ້ໃຫ້ການຕ້ອນຮັບທ່ານນາງ Victoria Kwakwa, ຜູ້ອຳນວຍການທະນາຄານໂລກ (WB) ປະຈຳຫວຽດນາມ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຫວູວັນນິງ ຢືນຢັນວ່າ, ໃນການປະຕິບັດໂຄງການກໍ່ສ້າງຊົນນະບົດໃໝ່, ຫວຽດນາມ ບັນລຸໄດ້ບັນດາຜົນງານຢ່າງຕັ້ງໜ້າ. ພິເສດ, ສະພາແຫ່ງຊາດ, ລັດຖະບານຫວຽດນາມ ກໍປັບປຸງວິທີເຕົ້າໂຮມ ແລະ ຈັດແບ່ງແຫຼ່ງກຳລັງປະຕິບັດໃຫ້ໂຄງການ ເພື່ອຮັບປະກັນແຫຼ່ງກຳລັງຂອງລັດ ເພື່ອບັນລຸຜົນງານສູງສຸດ. ທ່ານຮອງນາຍົກລັດຖະມົນຕີ ຫວູວັນນິງ ສະເໜີໃຫ້ WB ເອົາໃຈໃສ່ໜູນຊ່ວຍແຫຼ່ງທຶນດ້ວຍຄ່າດອກເບ້ຍບຸລິມະສິດໃຫ້ຫວຽດນາມ ເພື່ອປະຕິບັດໂຄງການກໍ່ສ້າງຊົນນະບົດໃໝ່ ຕິດພັນກັບການຫຼຸດຜ່ອນຄວາມທຸກຍາກແບບຍືນຍົງ.
ທ່ານນາງ Victoria Kwakwa, ຢືນຢັນວ່າ, ຍາມໃດ WB ກໍສະໜັບສະໜູນຫວຽດນາມ ໃນການພັດທະນາເສດຖະກິດ, ສັງຄົມເວົ້າລວມ, ໃນນັ້ນມີການກໍ່ສ້າງຊົນນະບົດໃໝ່ຕິດພັນກັບການຫຼຸດຜ່ອນຄວາມທຸກຍາກແບບຍືນຍົງເວົ້າສະເພາະ.