(vovworld) - ຕອນບ່າຍວັນທີ 14/05, ຢູ່ນະຄອນເກີນເທີ, ສະມາຄົມປາຈາຫວຽດນາມ ໄດ້ຈັດຕັ້ງການພົບປະຮັບເອົາຄຳເຫັນປະກອບໃສ່ຮ່າງມະຕິກ່ຽວກັບການຜະລິດ ແລະ ສົ່ງອອກປາຈາ, ໃນບັນດາບັນຫາຄື; ລາຄາພື້ນ, ລາຄາວັດຖຸດີບ, ຄ່າສົ່ງອອກ, ຄວາມຮັບຜິດຊອບຂອງອົງການຄຸ້ມຄອງລັດ... ມີຫຼາຍຄຳເຫັນໄດ້ຖືວ່າ, ມະຕິຕ້ອງກຳນົດຢ່າງຈະແຈ້ງກ່ຽວກັບບົດບາດຂອງກະຊວງກະສິກຳ ແລະ ພັດທະນາຊົນນະບົດ ແລະ ກະຊວງອຸດສາຫະກຳການຄ້າ ໃນການຜະລິດ ແລະ ສົ່ງອອກປາຈາ. ທ່ານ ຫງວຽນມິນຕວ້າຍ, ຫົວໜ້າພະແນກອຸດສາກະກຳການຄ້າ ນະຄອນເກີນເທີ, ຖືວ່າ.
“ໃນໄລຍະຜ່ານມາ, ຂອດຄຸ້ມຄອງຈັດຕັ້ງການບໍລິຫານໃນການຜະລິດປຸງແຕ່ງຍັງບໍ່ທັນຈະແຈ້ງ. ກະຊວງກະສິກຳ ແລະ ກະຊວງອຸດສາຫະກຳການຄ້າ ມີການຄຸ້ມຄອງຊ້ຳກັນ. ສະນັ້ນ, ຕ້ອງມີການຊັບຊ້ອນຄືນໃໝ່ ແລະ ຕ້ອງມີລະບອບຄຸ້ມຄອງຄືນໃໝ່ເປັນຢ່າງດີ. ເພື່ອປະກອບຄຳເຫັນໃສ່ມະຕິດັ່ງກ່າວ, ຕາມຂ້າພະເຈົ້າແລ້ວ ກະຊວງກະສິກຳ ແລະ ກະຊວງອຸດສາຫະກຳການຄ້າ ຕ້ອງມີຄວາມຮັບຜິດຊອບແຕ່ລະພາກສ່ວນວຽກງານຢ່າງລະອຽດ, ກະຈ່າງແຈ້ງ. ໃນມະຕິນີ້, ການຜະລິດ ແລະ ສົ່ງອອກປາຈາ ຕ້ອງເພີ່ມການປຸງແຕ່ງຕື່ມອີກ, ເຮັດຄືແນວນັ້ນມະຕິຈຶ່ງມີປະໂຫຍດຕົວຈິງເພື່ອຄຸ້ມຄອງ”.
ຮ່າງມະຕິກ່ຽວກັບການຜະລິດ ແລະ ສົ່ງອອກປາຈາ ຊີ້ແຈ້ງວ່າ, ກະຊວງກະສິກຳ ແລະ ພັດທະນາຊົນນະບົດ ແລະ ກະຊວງອຸດສາຫະກຳການຄ້າ ເປັນເຈົ້າການສົມທົບກັບບັນດາກະຊວງ, ຂະແໜງການ ແລະ ທ້ອງຖິນສ້າງ ແລະ ອະນຸມັດແຜນສັງລວມກ່ຽວກັບການລ້ຽງປາຈາໃນທົ່ວປະເທດ.