(vovworld) – ວັນທີ 22/4, ຄະນະປະຕິບັດງານໂດຍທ່ານນາງ ດັ້ງທິງອກທີ້ງ, ຮອງປະທານປະເທດ, ຮອງປະທານສະພາເລືອກຕັ້ງແຫ່ງຊາດ ເປັນຫົວໜ້າຄະນະໄດ້ດຳເນີນການກວດກາ, ຕິດຕາມກວດກາວຽກງານກະກຽມການເລືອກຕັ້ງສະມາຊິກສະພາແຫ່ງຊາດຊຸດທີ 14 ແລະ ສະມາຊິກສະພາປະຊາຊົນຂັ້ນຕ່າງໆ, ອາຍຸການ 2016 – 2021 ຢູ່ແຂວງ ຮ່ານາມ. ນະທີ່ນີ້, ທ່ານນາງ ດັ້ງທິງອກທິ້ງ ໄດ້ຕີລາຄາສູງວຽກງານກະກຽມການເລືອກຕັ້ງສະມາຊິກສະພາແຫ່ງຊາດຊຸດທີ 14 ແລະ ສະມາຊິກສະພາປະຊາຊົນຂອງແຂວງ ຮ່ານາມ.
ແລະກໍ່ໃນວັນດຽວກັນ, ຄະນະປະຕິບັດງານສູນກາງໂດຍທ່ານນາງ ຕ່ອງທິຟ໋ອງ, ຮອງປະທານສະພາແຫ່ງຊາດ, ຮອງປະທານຜູ້ປະຈຳການສະພາເລືອກຕັ້ງແຫ່ງຊາດເປັນຫົວໜ້າຄະນະໄດ້ໄປເຮັດວຽກກັບຄະນະພັກແຂວງ ກາວບັ່ງ ກ່ຽວກັບວຽກງານເລືອກຕັ້ງສະມາຊິກສະພາແຫ່ງຊາດຊຸດທີ 14 ແລະ ສະມາຊິກສະພາປະຊາຊົນທຸກຂັ້ນ, ອາຍຸການ 2016 – 2021.
ກໍ່ໃນວັນທີ 22/4, ຢູ່ ຮ່າໂນ້ຍ, ຄະນະຊາວໜຸ່ມກອມມູນິດ ໂຮ່ຈີມິນ ນະຄອນ ຮ່າໂນ້ຍ ໄດ້ຈັດຕັ້ງລາຍການໂອ້ລົມສົນທະນາກັບຜູ້ມີສິດເລືອກຕັ້ງເປັນຄັ້ງທຳອິດໄປປ່ອນບັດເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນ.