ທ່ານ Jake Sullivan, ທີ່ປຶກສາຄວາມໝັ້ນຄົງແຫ່ງຊາດທຳນຽບຂາວ ໃຫ້ຮູ້ວ່າ, ທີ່ການພົບປະລະຫວ່າງທ່ານປະທານາທິບໍດີ ອາເມລິກາ Joe Biden ແລະ ທ່ານເລທິການໃຫຍ່, ປະທານປະເທດ ຈີນ ສີຈິ້ນຜິງ ໃນວັນທີ 16 ພະຈິກ, ຢູ່ ລີມາ, ປະເທດ ເປຣູ, ໄດ້ເຫັນດີນຳກັນວ່າ, ມະນຸດ ຫາກບໍ່ແມ່ນປັນຍາປະດິດ (AI) ແມ່ນຝ່າຍຍົກອອກຂໍ້ຕົກລົງກ່ຽວກັບການນຳໃຊ້ອາວຸດນິວເຄຼຍ.

    ນີ້ເປັນຄັ້ງທຳອິດທີ່ 2 ປະເທດໄດ້ຍົກອອກຖະແຫຼງການຄືແນວນັ້ນ. ແຈ້ງການຂອງທຳນຽບຂາວຊີ້ແຈ້ງວ່າ: “ການນຳ 2 ທ່ານຕ້ອງຊັ່ງຊາຢ່າງລະອຽດລະອໍບັນດາຄວາມສ່ຽງຊ້ອນແຝງ, ກໍ່ຄືການພັດທະນາ AI ໃນຂົງເຂດການທະຫານຢ່າງລະມັດລະວັງ ແລະ ມີຄວາມຮັບຜິດຊອບ”. ເປັນຄັ້ງທຳອິດ ອາເມລິກາ ແລະ ຈີນ ເຈລະຈາເປັນທາງການກ່ຽວກັບບັນຫາ AI ເມື່ອເກືອນ ພຶດສະພາ ຢູ່ ສະວິດ, ແຕ່ເບິ່ງຄືວ່າບໍ່ເຕື້ອງເຖິງວິວັດການຕົກລົງນຳໃຊ້ອາວຸດນິວເຄຼຍ.