(ພາບປະກອບ: CNN Money)

ໃນການຖະແຫຼງໜຶ່ງ, ທ່ານນາງ Lindsay Walters ໂຄສົກທໍານຽບຂາວ ໄດ້ແຈ້ງໃຫ້ຊາບວ່າ ອາເມລິກາ - ຈີນ ໄດ້ສິ້ນສຸດ ການເຈລະຈາ ແລະ ແລກປ່ຽນທັດສະນະ ກ່ຽວກັບຮູບແບບ ເປັນເວລາສອງວັນ ເພື່ອບັນລຸໄດ້ຄວາມກົງໄປກົງມາ, ດຸ່ນດຽງ ແລະ ຕ່າງຝ່າຍຕ່າງມີຜົນປະໂຫຍດໃນການພົວພັນດ້ານເສດຖະກິດ. ໄປຄຽງຄູ່ກັນນັ້ນ, ສອງຝ່າຍກໍໄດ້ປຶກສາຫາລືກ່ຽວກັບການແກ້ໄຂບັນດາບັນຫາທີ່ມີລັກສະນະໂຄງສ້າງຢູ່ຈີນ, ໃນນັ້ນ ມີບັນດານະໂຍບາຍຖ່າຍທອດເຕັກໂນໂລຢີ ແລະ ຊັບສິນທາງປັນຍາ. ທ່ານນາງ Walters ໃຫ້ຮູ້ວ່າ ບັນດາເຈົ້າໜ້າທີ່ອາເມລິກາ ເຂົ້າຮ່ວມການເຈລະຈາ ຈະມີການລາຍງານເປັນລະອຽດຕໍ່ຜູ້ນໍາໜ້າບັນດາກະຊວງ, ຂະແໜງການທີ່ກ່ຽວຂ້ອງກ່ຽວກັບການເຈລະຈາດັ່ງກ່າວ