ໂຄສົກກະຊວງທຳນຽບຂາວ ທ່ານ Jay Carney (ພາບອີນເຕີແນດ) (vovworld) - ວັນທີ 05/12, ອາເມລິກາ ໄດ້ອອກສຽງຮຽກຮ້ອງໃຫ້ຈີນ ຢຸດຕິການປະຕິບັດເຂດປ້ອງກັນອາກາດ (ADIZ) ໃນທະເລຮວາຕູງ, ພ້ອມທັງຢືນຢັນ ການກະທຳພຽງລຳພັງຝ່າຍດຽວທີ່ຖະແຫຼງປະກາດເຂດ ADIZ ຂອງປັກກິງ ພວມເຮັດໃຫ້ຄວາມເຄັ່ງຕຶງເພີ່ມຂຶ້ນຢູ່ເຂດອາຊີຕາເວັນອອກສ່ຽງເໜືອ. ກ່າວຄຳເຫັນຕໍ່ວົງການນັກຂ່າວ, ໂຄສົກກະຊວງທຳນຽບຂາວ ທ່ານ Jay Carney ຖືວ່າ ເລື່ອງຈີນ ສ້າງເຂດ ADIZ ພຽງລຳພັງຝ່າຍດຽວ ແມ່ນບໍ່ອາດຮັບຮູ້ໄດ້, ຖືນີ້ແມ່ນການເຄື່ອນໄຫວທີ່ອັນຕະລາຍ ພາໄປເຖິງວິກິດການໃນພາກພື້ນ. ທ່ານ Jay Carney ສືບຕໍ່ຢືນຢັນຫຼັກໝັ້ນຂອງວໍຊິງຕັນ ແມ່ນບໍ່ຮັບຮູ້ເຂດ ADIZ ເຊິ່ງປັກກິງສ້າງຕັ້ງ, ພ້ອມທັງຢືນຢັນຈະບໍ່ປ່ຽນແປງການເຄື່ອນໄຫວຂອງກອງທັບອາເມລິກາ ໃນພາກພື້ນນີ້. ບັນດາເຈົ້າໜ້າທີ່ທຳນຽບຂາວ ກໍ່ກະຕຸກຊຸກຍູ້ຈີນ ບໍ່ປະຕິບັດບັນດາການກະທຳທີ່ຄ້າຍຄືກັນໃນພາກພື້ນ, ຮ່ວມມືກັບບັນດາປະເທດ, ເຊິ່ງລວມທັງຍີ່ປຸ່ນ ແລະ ສ.ເກົາຫຼີ ເພື່ອແນໃສ່ແກ້ໄຂຄວາມຂັດແຍ້ງກັນເກີດຂຶ້ນຈາກເຫດການດັ່ງກ່າວ ດ້ວຍມາດຕະການສ້າງຄວາມໄວ້ເນື້ອເຊື່ອໃຈ, ໃນນັ້ນມີລະບົບຕິດຕໍ່ຂໍ້ມູນຂ່າວດ່ວນ. Từ khóa: vovworld vov ADIZ
ການປະທະກັນຮາມາດ - ອິດສະຣາແອນ: ຫຼາຍປະເທດຄັດຄ້ານບັນດາການບຸກໂຈມຕີທາງອາກາດຂອງ ອິດສະຣາແອນ ເຂົ້າຄ້າຍລີ້ໄພຢູ່ Rafar