ທ່ານນາຍົກລັດຖະມົນຕີ ອັງກິດ Boris Johnson ແລະ ທ່ານນາງນາຍົກລັດຖະມົນຕີເຢຍລະມັນ Angele Merkel (ພາບ: TTXVN) |
ລາຍລະອຽດ, ຕາມໂຄສົກຂອງທ່ານນາຍົກລັດຖະມົນ ອັງກິດໃຫ້ຮູ້ວ່າໃນການໂອ້ລົມກັບທ່ານນາງນາຍົກລັດຖະມົນຕີ Merkel ໃນຕອນເຊົ້າວັນທີ 17 ກັນຍາ, ການນຳອັງກິດໄດ້ຢ້ຳຄືນໃໝ່ວ່າ ປະເທດນີ້ ແລະ EU ໄດ້ເຫັນດີເປັນເອກະພາບໃນການຊຸກຍູ້ຄວາມມານະພະຍາຍາມເພື່ອບັນລຸໄດ້ຂໍ້ຕົກລົງໂດຍບໍ່ມີມາດຕາ “ກີດຂວາງ” ເພື່ອແນໃສ່ຈະໄດ້ຮັບການສະໜັບສະໜູນຈາກສະພາແຫ່ງຊາດອັງກິດ. ທ່ານນາຍົກລັດຖະມົນຕີ Johnson ໄດ້ຖະແຫຼງວ່າ ທ່ານຈະເຮັດວຽກດ້ວຍຄວາມຕັດສິນໃຈ ແລະ ມີຄວາມອົດທົນເພື່ອບັນລຸໄດ້ຂໍ້ຕົກລົງນີ້ກ່ອນວັນເວລາອັງກິດຖອນຕົວອອກຈາກ EU ໃນວັນທີ 31 ຕຸລາ. ໂຄສົກຂອງທ່ານນາຍົກລັດຖະມົນຕີ ອັງກິດກໍ່ເວົ້າຕື່ມອີກວ່າ ການນຳສອງທ່ານຄາດວ່າຈະປຶກສາຫາລືບັນຫານີ້ຢູ່ກອງປະຊຸມປະຈຳປີຂອງສະມັດຊາໃຫຍ່ສະຫະປະຊາຊາດໃນທ້າຍເດືອນນີ້ຢູ່ ນິວຢອກ, ປະເທດອາເມລິກາ.