ນະຄອນຫາຍຟ່ອງ
(ພາບ:vanminhsonghong.gov.vn)
(vovworld): ນະຄອນຫາຍຟ່ອງ ພວມຢູ່ໃນທ່າມກາງບັນຍາດກາດຂອງເຫດການປະກາດປີທ່ອງທ່ຽວແຫ່ງຊາດ 2013 ດ້ວຍຄວາມເຊື່ອໝັ້ນ, ຄວາມປະເອີບໃຈ ແລະ ຈິດໃຈເປັນເຈົ້າການສູງສຸດ. ປີນີ້, ນະຄອນຫາຍຟ່ອງ ເລືອກເອົາຫົວເລື່ອງ “ການທ່ອງທ່ຽວ ແລະ ຕົວເມືອງ“ ເພື່ອແນໃສ່ສ້າງການບຸກທະລຸໃນການພັດທະນາການທ່ອງທ່ຽວ. ເພື່ອຈັດຕັ້ງປີທ່ອງທ່ຽວແຫ່ງຊາດ 2013 ໃຫ້ສຳເລັດຜົນນັ້ນ, ທາງນະຄອນໄດ້ສຸມໃສ່ລົງທຶນເຂົ້າໃນບັນດາໂຄງການ, ຍົກລະດັບ, ບູລະນະທັດທັດສະນີຍະພາບໃນເຂດຕົວເມືອງ, ປົວແປງສິ່ງແວດລ້ອມການທ່ອງທ່ຽວດ້ວຍຈຸດໝາຍສ້າງພາບພົດຫາຍຟ່ອງ ທີ່ທັນສະໄໝ, ສີວິໄລ, ສະໜິດສະໜົມທີ່ສຸດ. ທ່ານເລວັນຕຽນ, ປະທານສະພາບໍລິຫານບໍລິສັດຫຸ້ນສ່ວນກຸ່ມບໍລິສັດຫວຽດນາມ-ອົດສະຕາລີ, ຊື່ງແມ່ນຫົວໜ່ວຍປະຕິບັດການກໍ່ສ້າງເສັ້ນທາງ 356 ຖືວ່າ:
“ເສັ້ນທາງ 356 ແມ່ນເສັ້ນທາງຄົມມະນາຄົມຕົ້ນຕໍຂອງທ່າກຳປັ່ນດິ່ງຫວູ໋, ທ່າກຳປັ່ນຫາຍຟ່ອງ. ນິ້ແມ່ນເສັ້ນທາງທີ່ຄະນະກຳມະການປະຊາຊົນນະຄອນມີຄວາມເອົາໃຈໃສ່ທີ່ສຸດ ແລະ ບັນດາຂະແໜງການກໍ່ໄດ້ພ້ອມກັນປະຕິບັດ. ສະນັ້ນ, ເມື່ອດຳເນີນການກໍ່ສ້າງເສັ້ນທາງນີ້, ພວກຂ້າພະເຈົ້າໄດ້ຮັບການຊ່ວຍເຫຼືອທຸກຢ່າງ.. ແລະ ພວກຂ້າພະເຈົ້າໄດ້ປະຕິບັດສຳເລັດຖືກຕາມກຳນົດເວລາ, ນີ້ແມ່ນເສັ້ນທາງໄດ້ຮັບການກໍ່ສ້າງ ແລະ ຊີ້ນຳການກໍ່ສ້າງທີ່ເປັນແບບຢ່າງຂອງຫາຍຟ່ອງ“.