(vovworld) – ວັນທີ 08/02, ສະພາອົງການຈັດຕັ້ງການກວດສອບບັນຊີສູງສຸດພາກພື້ນອາຊີຕາເວັນອອກສ່ຽງໃຕ້ (ASEANSAI) ໄດ້ຈັດກອງປະຊຸມຢູ່ນະຄອນຫູວງ Kuala Lumpur, ປະເທດມາເລເຊຍ ດ້ວຍການເຂົ້າຮ່ວມຂອງຜູ້ແທນ 100 ທ່ານ ເຊິ່ງລວມມີການນຳບັນດາອົງການກວດສອບບັນຊີສຸງສຸດຂອງ 10 ປະເທດສະມາຊິກອາຊຽນ, ບັນດາເອກອັກຄະລັດຖະທູດ, ຫົວໜ້າຄະນະການທູດບັນດາປະເທດອາຊຽນ. ຄະນະຜູ້ແທນຫວຽດນາມ ໂດຍທ່ານຮອງຫົວໜ້າອົງການກວດສອບບັນຊີແຫ່ງລັດ, ສາດສະດາຈານ, ດ.ຣ ດ່ວານຊວນຕຽນ ນຳໜ້າເຂົ້າຮ່ວມກອງປະຊຸມ. ທີ່ກອງປະຊຸມ, ຫົວໜ້າບັນດາອົງການກວດສອບບັນຊີສຸງສຸດບັນດາປະເທດອາຊຽນ ໄດ້ສຸມໃສ່ປຶກສາຫາລືບັນດາບັນຫາທີ່ຫ່ຽວຂ້ອງເຖິງການປັບປຸງຂໍ້ຕົກລົງ ASEANSAI, ເພີ່ມທະວີບົດບາດໜ້າທີ່ເລຂາຂອງ ASEANSAI, ສະເໜີສ້າງຕັ້ງກຸ່ມໜູນຊ່ວຍດ້ານເຕັກນິກພາກພື້ນ (RETA) ຂອງທະນາຄານພັດທະນາອາຊີ (ADB). ບັນດາຄະນະກຳມະການຂອງ ASEANSAI ກໍ່ສະເໜີບົດລາຍງານວຽກງານປີ 2014. ອົງການກວດສອບບັນຊີແຫ່ງລັດຫວຽດນາມ, ດ້ວຍຖານະບົດບາດແມ່ນປະທານຄະນະກຳມະການແຜນການຍຸດທະສາດ ໄດ້ສະເໜີບົດລາຍງານກ່ຽວກັບລະບົບຕິດຕາມກວດກາ ແລະ ຕີລາຄາຂອງ ASEANSAI.
ຕາມແຜນການ, ຄະນະຜູ້ແທນອົງການກວດສອບບັນຊີແຫ່ງລັດຫວຽດນາມ ຈະເຂົ້າຮ່ວມກອງປະຊຸມໃຫຍ່ອົງການກວດສອບບັນຊີແຫ່ງລັດສຸງສຸດອາຊີ (ASOSAI) ຄັ້ງທີ 13 ແລະ ບັນດາການເຄື່ອນໄຫວຢູ່ນອກກອງປະຊຸມ ຢູ່ Kuala Lumpur ໃນລະຫວ່າງວັນທີ 10 – 14/02.