(TTXVN)- ວັນທີ 18/10, ຢູ່ແຂວງເຊກອງ, ທາງພາກໃຕ້ລາວ, ກະຊວງອຸດສາຫະກຳການຄ້າສອງປະເທດຫວຽດນາມ-ລາວ ສົມທົບກັນຈັດກອງປະຊຸມຮ່ວມມືດ້ານການຄ້າເຂດຊາຍແດນຫວຽດນາມ-ລາວ ຄັ້ງທີ 8. ກອງປະຊຸມໄດ້ຕີລາຄາວ່າ, ໝາກຜົນການຮ່ວມມືດ້ານການຄ້າເຂດຊາຍແດນລະຫວ່າງສອງປະເທດໃນໄລຍະຜ່ານມາໄດ້ພັດທະນາຢ່າງບໍ່ຢຸດຢັ້ງ, ຂຸດຄົ້ນໄດ້ຄວາມສາມາດບົ່ມຊ້ອນ ແລະ ທ່າແຮງຂອງແຕ່ລະປະເທດເທື່ອລະກ້າວ, ປະກອບສ່ວນຊຸກຍູ້ວົງເງິນການຄ້າສອງສົ້ນ. ເພື່ອຊຸກຍູ້ວົງເງິນການຄ້າສອງຝ່າຍບັນລຸຈຸດໝາຍໄດ້ວາງອອກຄື 1 ຕື້ USD ໃນປີ 2012 ແລະ ບັນລຸ 2 ຕື້ USD ໃນປີ 2015 ຊື່ງການນຳສອງປະເທດໄດ້ວາງອອກນັ້ນ, ໃນໄລຍະທີ່ຈະມາເຖິງ, ສອງຝ່າຍຈະສືບຕໍ່ສົມທົບກັບບັນດາກະຊວງຂະແໜງການ, ອຳນາດການປົກຄອງທ້ອງຖິ່ນທີ່ກ່ຽວຂ້ອງ ເພີ່ມທະວີວຽກງານກວດກາສະພາບການປະຕິບັດຂໍ້ຕົກລົງຮ່າໂນ້ຍປີ 2007 ກ່ຽວກັບການສ້າງເງື່ອນໄຂອຳນວຍຄວາມສະດວກໃຫ້ແກ່ມະນຸດ, ສິນຄ້າ ແລະ ພາຫະນະໄປມາຜ່ານ ເຂດຊາຍແດນ; ສົມທົບກັນປະຕິບັດການວາງແຜນພັດທະນາຕາໜ່າງຕະຫຼາດຊາຍແດນຫວຽດນາມ-ລາວ ຢ່າງມີປະສິດທິຜົນຮອດປີ 2020 ພ້ອມກັບບັນດາມາດຕະການຊຸກຍູ້ການຄ້າສອງປະເທດ, ປະກອບສ່ວນສ້າງເຂດຊາຍແດນລະຫວ່າງຫວຽດນາມ-ລາວ ແຫ່ງສັນຕິພາບ, ມິດຕະພາບ, ການພັດທະນາ ແລະ ສະຖຽນລະພາບຍາວນານ.