(vovworld) – ວາລະປະຊຸມຄັ້ງທີ 13 ຂອງຄະນະກຳມະການປະສົມ ຫວຽດນາມ - ກຳປູເຈຍ ກ່ຽວກັບການຮ່ວມມືດ້ານເສດຖະກິດ, ວັດທະນະທຳ, ວິທະຍາສາດ ແລະ ເຕັກນິກຖືກດຳເນີນໄປຢູ່ນະຄອນຫຼວງ ພະນົມເປັນ, ປະເທດ ກຳປູເຈຍ ໃນເວລາ 2 ວັນ ແຕ່ວັນທີ 10 ແລະ 11/2. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບິ່ງມິງ, ປະທານອະນຸກຳມະການຮ່ວມມື ຫວຽດນາມ - ກຳປູເຈຍ ແລະ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ແລະ ການຮ່ວມມືສາກົນ ກຳປູເຈຍ Hor Nam Hong, ປະທານອະນຸກຳມະການຮ່ວມມື ກຳປູເຈຍ - ຫວຽດນາມ ເປັນປະທານຮ່ວມວາລະປະຊຸມນີ້.
ວາລະປະຊຸມຄັ້ງທີ 12 ຂອງຄະນະກຳມະການປະສົມ ຫວຽດນາມ - ກຳປູເຈຍ ໄດ້ຮັບການຈັດຕັ້ງຢູ່ ຮ່າໂນ້ຍ ໃນວັນທີ 23/8/2013. 2 ຝ່າຍເຫັນດີເປັນເອກະສັນສ້າງເງື່ອນໄຂອຳນວຍຄວາມສະດວກເພື່ອຊຸກຍູ້ເສດຖະກິດ, ການຄ້າ ແລະ ການລົງທຶນ, ພ້ອມທັງເອົາໃຈໃສ່ຊ່ວຍໃຫ້ບັນດາວິສາຫະກິດແກ້ໄຂຄວາມຫຍຸ້ງຍາກ, ຜັນຂະຫຍາຍປະສິດທິຜົນຂອງບັນດາໂຄງການທີ່ໄດ້ຮັບອະນຸຍາດ ແລະ ເຊັນບັນດາຂໍ້ຕົກລົງຮ່ວມມືສະບັບໃໝ່ຄືສົມທົບກັນສ້າງໂຄງການວາງແຜນພັດທະນາເຄືອຂ່າຍຕະຫຼາດເຂດຊາຍແດນ ຫວຽດນາມ - ກຳປູເຈຍ ໄລຍະ 2010 – 2020 ໂດຍໄວ. 2 ຝ່າຍສົ່ງເສີມການຮ່ວມມືລະຫວ່າງບັນດາກະຊວງ, ຂະແໜງການ, ທ້ອງຖີ່ນ, ບັນດາການເຄື່ອນໄຫວພົວພັນແລກປ່ຽນວັດທະນະທຳ - ກິລາ, ປະກອບສ່ວນຕັ້ງໜ້າເຂົ້າໃນການປັບປຸງ ແລະ ເພີ່ມທະວີການພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງ 2 ປະເທດ.