ການໂອ້ລົມສົນທະນາທາງອອນລາຍ ດ້ວຍຫົວຂໍ້ “ປະຊາຊົນຫວຽດນາມ ແລະ ການາດາ ຮັບມືກັບໂລກລະບາດໂຄວິດ - 19 - ແບ່ງປັນປະສົບການຂອງຫວຽດນາມ” (ພາບ: TTXVN)

        ຕອນຄໍ່າວັນທີ 07 ກໍລະກົດ ຕາມເວລາຫວຽດນາມ, ຢູ່ສອງສະຖານທີ່ຖ່າຍທອດສົດທີ່ ການາດາ ແລະ ຫວຽດນາມ ໄດ້ດໍາເນີນການໂອ້ລົມສົນທະນາທາງອອນລາຍ ດ້ວຍຫົວຂໍ້ “ປະຊາຊົນຫວຽດນາມ ແລະ ການາດາ ຮັບມືກັບໂລກລະບາດໂຄວິດ - 19 - ແບ່ງປັນປະສົບການຂອງຫວຽດນາມ” ໂດຍສະຫະສະມາຄົມ ການາດາ - ຫວຽດນາມ (CVS) ສົມທົບກັບສະມາຄົມມິດຕະພາບ ຫວຽດນາມ - ການາດາ (VCFA) ຮ່ວມກັນຈັດຕັ້ງຂຶ້ນ.

        ທີ່ການໂອ້ລົມສົນທະນາ, ບັນດາຜູ້ແທນຫວຽດນາມ ໄດ້ແບ່ງປັນວິທີການສໍາຜັດລະຫວ່າງຂະແໜງໃນວຽກງານປ້ອງກັນ ແລະ ຄວບຄຸມໂລກລະບາດໂຄວິດ - 19 ຢູ່ຫວຽດນາມ ກັບ ການາດາ; ສັງລວມສະພາບການຂອງຫວຽດນາມ ໃນໄລຍະປ້ອງກັນ ແລະ ສະກັດກັ້ນໂລກລະບາດໂຄວິດ - 19.

        ນະທີ່ນີ້, ທ່ານນາງ Elizabeth McIninch, ສະມາຊິກຄະນະປະສານງານ CVS ໄດ້ຊີ້ແຈ້ງກ່ຽວກັບທ່າແຮງຂອງ ການາດາ ໃນຂົງເຂດເຕັກໂນໂນຢີສະອາດ, ເຕັກໂນໂນຢີກະສິກໍາ, ການປຸງແຕ່ງອາຫານ, ການຂົນສົ່ງສາທາລະນະ, ພື້ນຖານໂຄງລ່າງທາງບົກ, ພະລັງງານຜະລິດຄືນໃໝ່... ກໍແມ່ນບັນດາຂົງເຂດເຊິ່ງຫວຽດນາມ ພວມມີຄວາມຕ້ອງການສູງ. ທ່ານນາງ Elizabeth McIninch ຢັ້ງຢືນວ່າ ໂດຍບໍ່ຫົວຊາຕໍ່ສິ່ງທ້າທາຍໃດໆຈາກໂລກລະບາດຄັ້ງນີ້, ເສັ້ນທາງໃນຕໍ່ໜ້າພວມເປີດກາລະໂອກາດຮ່ວມມືອັນໃຫຍ່ຫຼວງໃຫ້ແກ່ປະຊາຊົນສອງປະເທດ.