(ທ່ານນາງ Mariam Sherman, ຜູ້ອຳນວຍການທະນາຄານໂລກປະຈຳ ຫວຽດນາມ)

        ໃນຂອບເຂດງານວາງສະແດງຂະແໜງອຸດສາຫະກຳເຄິ່ງຊັກນຳໄຟຟ້າ ຫວຽດນາມ 2024 (SEMIExpo Vietnam 2024), ດ້ວຍຫົວຂໍ້ “ຍົກລະດັບ ຫວຽດນາມ ໃນລະບົບສະໜອງເຄິ່ງຊັກນຳໄຟຟ້າ”, ຈັດຂຶ້ນຢູ່ ຮ່າໂນ້ຍ ແຕ່ວັນທີ 07 – 08 ພະຈິກ, ຫຼາຍຄູ່ຮ່ວມມືສາກົນ, ວິສາຫະກິດແຖວໜ້າໃນຂະແໜງອຸດສາຫະກຳເຄິ່ງຊັກນຳໄຟຟ້າລ້ວນແຕ່ໃຫ້ຂໍ້ສັງເກດວ່າ, ຂະແໜງເຄິ່ງຊັກນຳໄຟຟ້າຂອງ ຫວຽດນາມ ພວມຢູ່ໃນທ່າພັດທະນາທີ່ເຕັມໄປດ້ວຍຄວາມຫວັງ, ໄດ້ຢືນຢັນທີ່ຕັ້ງແມ່ນປັດໄຈຫຼັກແຫຼ່ງໃນລະບົບສະໜອງທົ່ວໂລກ.

        ຕາມທ່ານນາງ Mariam Sherman, ຜູ້ອຳນວຍການທະນາຄານໂລກປະຈຳ ຫວຽດນາມ ແລ້ວ, ຫວຽດນາມ ໄດ້ວາງອອກບັນດາເປົ້າໝາຍ ແລະ ເສັ້ນທາງໂດຍຜ່ານຍຸດທະສາດພັດທະນາຂະແໜງເຄິ່ງຊັກນຳໄຟຟ້າຮອດປີ 2030, ວິໄສທັດຮອດປີ 2050. ສິ່ງທັງໝົດເຫຼົ່ານັ້ນໄດ້ສະແດງໃຫ້ເຫັນຄວາມຕັດສິນໃຈຂອງລັດຖະບານ ຫວຽດນາມ ໃນການເຂົ້າຮ່ວມລະບົບສະໜອງເຄິ່ງຊັກນຳໄຟຟ້າທົ່ວໂລກ. ໂດຍໄດ້ຄັດສະເໜີຕົວເລກຂອງທະນາຄານໂລກ, ທ່ານນາງ Mariam Sherman, ຢືນຢັນວ່າ, ເຖິງວ່າຍັງພວມຢູ່ໃນໄລຍະຕົ້ນຂອງການພັດທະນາ, ຫວຽດນາມ ໄດ້ກາຍເປັນປະເທດສົ່ງອອກເຄິ່ງຊັກນຳໄຟຟ້າໃຫຍ່ທີ 3 ໄປຍັງ ອາເມລິກາ ໃນປີ 2023 ດ້ວຍການບັນລຸລາຍຮັບທີ່ໜ້າປະທັບໃຈຄື 20,1 ຕື້ USD ແລະ ຫວຽດນາມ ໄດ້ ແລະ ພວມພົ້ນເດັ່ນຂຶ້ນຄືເປັນສູນຜະລິດແຖວໜ້າຢູ່ພາກພື້ນ.