 |
(vovworld) – ວັນທີ 22/3, ຢູ່ມົດສກູ, ສະຫະພັນລັດເຊຍ, ຄະນະຊາວໜຸ່ມ ກອມມູນິດ ໂຮ່ຈີມິນ ປະຈຳ ສະຫະພັນ ລັດເຊຍ ໄດ້ຈັດຕັ້ງງານໂຮມຊຸມນຸມມິດຕິງສະເຫຼີມສະຫຼອງ 84 ປີແຫ່ງວັນສ້າງຕັ້ງຄະນະຊາວໜຸ່ມ ກອມມູນິດ ໂຮ່ຈີມິນ. ກ່າວຄຳເຫັນນະພິທີ, ທ່ານ ຟ້າມດືກວີງ, ຮອງເລຂາຄະນະພັກ ຫວຽດນາມ ປະຈຳ ສະຫະພັນ ລັດເຊຍ, ຢັ້ງຢືນບົດບາດສຳຄັນຂອງບັນດາສະມາຊິກຊາວໜຸ່ມໃນພາລະກິດສ້າງສາ ແລະ ປົກປັກຮັກສາປະເທດຊາດ, ໃນທຸກໆຂະບວນການມຸ່ງໄປສູ່ອະນາຄົດ. ພ້ອມກັນນັ້ນ, ທ່ານ ຟ້າມດືກວີງ, ກໍ່ສະແດງຄວາມເຊື່ອໝັ້ນວ່າ: ທຸກໆຜົນງານຂອງ ຫວຽດນາມ ໄດ້ ແລະ ຈະສືບຕໍ່ປະກອບສ່ວນອັນໃຫຍ່ຫຼວງຂອງຊາວໜຸ່ມ ຫວຽດນາມ ເຖິງວ່າຈະຢູ່ຫ່າງໄກຈາກປະເທດຊາດ. ທ່ານກ່າວວ່າ:
“ປີນີ້, ພວກເຮົາສະເຫຼີມສະຫຼອງ 125 ປີແຫ່ງວັນຄ້າຍວັນເກີດປະທານ ໂຮ່ຈີມິນ ຢ່າງສົມກຽດ. ອາດເວົ້າໄດ້ວ່າ, ນີ້ແມ່ນເຫດການປະຫວັດສາດສຳຄັນຍິ່ງ ແລະ ຕິດພັກກັບການນຳພາຂອງພັກ, ຂອງປະທານ ໂຮ່ຈີມິນ ສຳລັບພາລະກິດພັດທະນາຂອງຊາວໜຸ່ມ, ຂອງສະມາຊິກຊາວໜຸ່ມ ແລະ ສຳລັບອົງການພັກຂອງພວກເຮົາ… ດ້ວຍບັນດາຜົນງານຂອງບັນດາສະຫາຍໃນປີຜ່ານມາ, ໂດຍຕາງໜ້າໃຫ້ຄະນະພັກ ແລະ ການນຳສະຖານທູດ, ພວກຂ້າພະເຈົ້າຍ້ອງຍໍຊົມເຊີຍຈິດໃຈຂອງບັນດາສະຫາຍ ແລະ ອວຍພອນໃຫ້ສະມາຊິກຊາວໜຸ່ມທຸກຄົນຮ່ຳຮຽນເປັນຢ່າງດີກ່ວາອີກ, ອອກແຮງງານດີກ່ວາອີກ ແລະ ຝຶກຝົນຫຼໍ່ຫຼອມດີກ່ວາອີກເພື່ອສົມເປັນກຳລັງເພີ່ມເຕີມຂອງພັກ.”
ເນື່ອງໃນໂອກາດນີ້, ຄະນະຊາວໜຸ່ມ ປະຈຳ ສະຫະພັນ ລັດເຊຍ ໄດ້ຕົກລົງມອບໃບຍ້ອງຍໍໃຫ້ 13 ໝູ່ຄະນະ ແລະ 161 ສ່ວນບຸກຄົນທີ່ມີຜົນງານດີເດັ່ນໃນວຽກງານຂອງຊາວໜຸ່ມໃນປີ 2014 ຜ່ານມາ.