ທ່ານຮອງປະທານສະພາແຫ່ງຊາດ Uong Chu Luu
( vovworld )- ຕອນບ່າຍວັນທີ 19/6, ພາຍໃຕ້ການເປັນປະທານຂອງທ່ານຮອງປະທານສະພາແຫ່ງຊາດຫວຽດນາມ Uong Chu Luu, ສະພາແຫ່ງຊາດໄດ້ປຶກສາຫາລືຢູ່ຫໍປະຊຸມກ່ຽວກັບຮ່າງກົດໝາຍ ປັບປຸງ, ເພີ່ມເຕີມ ບາງຂໍ້ມາດຕາຂອງກົດໝາຍວ່າດ້ວຍທະນາຍຄວາມ. ມີຫຼາຍຄຳຄິດຄຳເຫັນຖືວ່າ: ບໍ່ຄວນອະນຸຍາດໃຫ້ລັດຖະກອນປະກອບອາຊີບທະນາຍຄວາມ ເພາະວ່າສິ່ງດັ່ງກ່າວສາມາດສົ່ງຜົນສະທ້ອນເຖິງລັກສະນະພາວະວິໄສຂອງການເຄື່ອນໄຫວທະນາຄວາມ ແລະ ສອດຄ່ອງກັບທຳນຽມສາກົນ. ຄຳຄິດຄຳເຫັນສ່ວນຫຼາຍສະເໜີເພີ່ມກຳນົດເວລາໃນການບຳລຸງສ້າງທະນາຍຄວາມແຕ່ 6 ເດືອນ ຂຶ້ນເຖິງ 12 ເດືອນ. ທ່ານ Truong Trong Nghia, ສະມາຊິກສະພາແຫ່ງຊາດນະຄອນ ໂຮ່ຈີມິນ ຖືວ່າ:
“ກ່ຽວກັບເລື່ອງລັດຖະກອນ ປະກອບອາຊີບທະນາຍຄວາມ ພວກຂ້າພະເຈົ້າ ສະໜັບສະໜູນເລື່ອງອະນຸຍາດໃຫ້ບັນດາຄູອາຈານສອນວິຊານິຕິສາດໄດ້ເຂົ້າຮ່ວມປະກອບອາຊີບ. ຖ້າຫາກບັນດາຄູອາຈານ ຫຼື ນັກວິທະຍາສາດກົດໝາຍຢາກເປັນທະນາຍຄວາມ ແມ່ນອາດຈະບໍ່ຜ່ານຊຸດບຳລຸງສ້າງບຳລຸງສ້າງ ແຕ່ຄວນຜ່ານການຝຶກອົບຮົມ. ເລື່ອງສະຫະພັນທະນາຍຄວາມຫວຽດນາມ ອອກບັດທະນາຍຄວາມຈະຊ່ວຍໃຫ້ການປະກອບອາຊີບທະນາຍຄວາມໄດ້ດຳເນີນຢ່າງຄົບຊຸດ ແລະ ເປັນເອະພາບກັນ. ເລື່ອງປະກອບອາຊີບທະນາຍຄວາມຢູ່ຕ່າງປະເທດກໍສະດວກສະບາຍກ່ວາ, ເພາະວ່າສະຫະພັນທະນາຍຄວາມຫວຽດນາມ ແມ່ນສະມາຊິກຂອງສະຫະພັນທະນາຍຄວາມສາກົນຫຼາຍແຫ່ງ”
ກ່ອນໜ້ານັ້ນ, ຕອນເຊົ້າວັນທີ 19/6, ໂດຍພາຍໃຕ້ການເປັນປະທານຂອງທ່າງນາງ Nguyen Thi Kim Ngan ຮອງປະທານສະພາແຫ່ງຊາດ, ສະພາແຫ່ງຊາດໄດ້ປຶກສາຫາລືຢູ່ຫໍປະຊຸມກ່ຽວກັບຮ່າງກົດໝາຍວ່າດ້ວຍສະຫະກອນ (ສະບັບປັບປຸງ). ການພັດທະນາສະຫະກອນແມ່ນແຜນນະໂຍບາຍໃຫ່ຍຂອງພັກ ແລະ ລັດ, ເພື່ອແນໃສ່ນຳຂົງເຂດສະຫະກອນເວົ້າສະເພາະ ແລະ ພາກສ່ວນເສດຖະກິດລວມໝູ່ເວົ້າລວມພັດທະນາຢ່າງກ້ວາງຂວາງ ແລະ ມີທີ່ຕັ້ງບົດບາດໃນພື້ນຖານເສດຖະກິດຂອງປະເທດຊາດ. ບັນດາຄຳເຫັນຄຳເຫັນລ້ວນແຕ່ໄດ້ຢືນຢັນວ່າ ທາດແທ້ຂອງສະຫະກອນ ແມ່ນແຕກຕ່າງກັບວິສາຫະກິດໃນດ້ານຈຸດໝາຍສ້າງຕັ້ງ, ການພົວພັນກຳມະສິດ, ການພົວພັນດ້ານເສດຖະກິດ….ມີບາງຄຳເຫັນແຕກຕ່າງກັນກ່ຽວກັບຈຳນວນທຶນປະກອບສູງສຸດຂອງສະມາຊິກຄົນໜື່ງ ເມື່ອເຂົ້າຮ່ວມສະຫະກອນ. ທ່ານ Le Dac Lam ສະມາຊິກສະພາແຫ່ງຊາດແຂວງ Binh Thuan ມີຄຳເຫັນວ່າ:
“ຖ້າພິຈາລະນະດ້ານເສດຖະກິດ, ສະຫະກອນໄດ້ປະກອບສ່ວນບໍ່ຫຼາຍ ແຕ່ຕ້ອງເຫັນວ່າ ສະຫະກອນມີລັກສະນະປະສິດທິຜົນທາງສັງຄົມສູງ. ນັ້ນແມ່ນປັດໄຈສັງຄົມນິຍົມໃນພື້ນຖານເສດຖະກິດການຕະຫຼາດຢ່າງແທ້ຈິງ. ຄວາມຈິງໄດ້ສະແດງໃຫ້ເຫັນວ່າ, ການເຄື່ອນໄຫວສະຫະກອນໄດ້ເພີ່ມນ້ຳໃຈສາມັກຄີໃນສັງຄົມ, ປະກອບສ່ວນບຳລຸງສ້າງວິຊາຊີບ, ແກ້ໄຂວຽກເຮັດງານທຳ, ເພີ່ມລາຍຮັບໃຫ້ແກ່ບັນດາສະມາຊິກ. ສະນັ້ນ, ໃນຮ່າງກົດໝາຍສະບັບນີ້ ຂ້າພະເຈົ້າສະເໜີຕ້ອງເນັ້ນໜັກລັກສະນະດີເລີດ, ປະສິດທິຜົນທາງສັງຄົມຂອງສະຫະກອນ. ຂ້າພະເຈົ້າເຫັນດີກັບຮ່າງກົດໝາຍນີ້ ແມ່ນໄດ້ຊີ້ແຈງເຖິງນະໂຍບາຍໃຫ້ບຸລິມະສິດ, ໜູນຊ່ວຍຂອງລັດຕໍ່ສະຫະກອນ. ແຕ່ນີ້ແມ່ນບັນດາກອບກົດໝາຍພື້ນຖານ, ເພື່ອແນໃສ່ສ້າງເງື່ອນໄຂອຳນວຍຄວາມສະດວກໃຫ້ແກ່ສະຫະກອນ ໃນການເຄືອ່ນໄຫວ, ພັດທະນາຢ່າງເປັນເຈົ້າການ, ໝັ້ນຄົງເຂັ້ມແຂງ“