 (ພາບ: ຈາກສະຖທນທູດ ສປປລາວ ປະຈຳ ສສຫວຽດນາມ) |
ຊື່ງກ່າວມອບໂດຍທ່ານຮອງສາດສະດາຈານ ປະລິນຍາເອກ ເຈີ່ນຕ່ວນແອງ ຮອງຫົວໜ້າສະພາບັນດິດວິທະຍາສາດ ແລະ ເຕັກໂນໂລຊີ ສສ ຫວຽດນາມ ແລະ ກ່າວຮັບ ໂດຍທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ພ້ອມດ້ວຍພະນັກງານທັງສອງຝ່າຍເຂົ້າຮ່ວມເປັນພິຍານ.
ເຄື່ອງຊ່ວຍເຫຼືອໃນຄັ້ງນີ້ມີສານເຄມີ ພ້ອມດ້ວຍອຸປະກອນການຜະລິດນ້ຳຢາລ້າງມືແຫ້ງປະກອບມີ: ຜະລິດຕະພັນເຫຼົ້າ90: 5000 ລີດ ພ້ອມດ້ວຍທາດປະສົມອື່ນໆອີກ 4 ຊະນິດ ແລະ ກະຕຸກຢາງຂະໜາດ 500 ml (ມີລີລີດ) 1200 ອັນ, ເພື່ອສົ່ງຕໍ່ໄປຍັງກະຊວງວິທະຍາສາດ ແລະ ເຕັກໂນໂລຊີຂອງລາວ ຜະລິດນ້ຳຢາລ້າງມືແຫ້ງຕ້ານພະຍາດໂຄວິດ-19 ຢູ່ ສປປ ລາວ.
ເຖິງວ່າ ສສ ຫວຽດນາມ ຍັງປະສົບກັບຄວາມຍຸ້ງຍາກຫຼາຍປະການກໍ່ຕາມ, ໂດຍສະເພາະແມ່ນການຟື້ນຟູເສດຖະກິດທີ່ຖືກກະທົບຈາກການລະບາດພະຍາດໂຄວິດ-19 ທີ່ຫາກໍ່ຄວບຄຸມໄດ້ບໍ່ດົນມານີ້, ແຕ່ບົນຈິດໃຈການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ, ກໍ່ຄືນ້ຳໃຈສາກົນກຳມະຊີບອັນສູງສົງຂອງຕົນ ລັດຖະບານ ແລະ ປະຊາຊົນຫວຽດນາມເວົ້າລວມ ເວົ້າສະເພາະແມ່ນສະພາບັນດິດ ວິທະຍາສາດ ແລະ ເຕັກໂນໂລຊີຫວຽດນາມ ຍັງໄດ້ບິແບ່ງວັດຖຸປັດໃຈມາຊ່ວຍລັດຖະບານກໍ່ຄືປະຊາຊົນລາວ ກໍ່ຄືກະຊວງວິທະຍາສາດ ແລະ ເຕັກໂນໂລຊີລາວ ໃນການຕ້ານພະຍາດໂຄວິດ-19.
 (ພາບ: ຈາກສະຖທນທູດ ສປປລາວ ປະຈຳ ສສຫວຽດນາມ) |
ໃນໂອກາດກ່າວຮັບເຄື່ອງຊ່ວຍເຫຼືອດັ່ງກ່າວ ທ່ານແສງເພັດ ຮຸ່ງບຸນຍວງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ໄດ້ສະແດງຄວາມຮູ້ບຸນຄຸນ ແລະ ຂອບອົກຂອບໃຈຢ່າງຈິງໃຈມາຍັງ ສະພາບັນດິດວິທະຍາສາດ ແລະ ເຕັກໂນໂລຊີຫວຽດນາມ, ພັກ, ລັດຖະບານ ແລະ ປະຊາຊົນຫວຽດນາມ ທີ່ມອບເຄື່ອງຊ່ວຍເຫຼືອດັ່ງກ່າວນີ້ໃຫ້ແກ່ ສປປ ລາວ ແລະ ຍັງໄດ້ຢືນຢັນວ່າອຸປະກອນ ທີ່ໄດ້ຮັບການຊ່ວຍເຫຼືອຄັ້ງນີ້ຈະສົ່ງຕໍ່ໄປຍັງກະຊວງວິທະຍາສາດ ແລະ ເຕັກໂນໂລຊີຂອງລາວ ເພື່ອຜະລິດນ້ຳຢາລ້າງມືແຫ້ງຮັບໃຊ້ສັງຄົມ ໃນການນຳໃຊ້ເຂົ້າໃນການສະກັດກັ້ນ ແລະ ຕ້ານພະຍາດໂຄວິດ - 19 ຢູ່ ສປປ ລາວຢ່າງມີປະສິດທິຜົນສູງ.