ທີ່ກອງປະຊຸມ, ຫຼາຍປະເທດສະມາຊິກ ສະພາຄວາມໝັ້ນຄົງ ໄດ້ເນັ້ນໜັກເຖິງບັນດາຫຼັກການພື້ນຖານຂອງການສ້າງສັນຕິພາບ ແລະ ບົດບາດແຕ່ລະປະເທດໃນການຊຸກຍູ້ ແລະ ປົກປ້ອງສິດທິມະນຸດ ກໍຄືບັນຫາການເຄື່ອນໄຫວສັນຕິພາບ ຄວນເອົາໃຈໃສ່ເຖິງການປົກປ້ອງບັນດາກຸ່ມຄົນທີ່ມີຄວາມສ່ຽງສູງກວ່າເພິ່ນໃນການປະທະກັນ.

ທ່ານເອກອັກຄະລັດຖະທູດຫວຽດນາມ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ(ພາບ: TTXVN)

        ກ່າວຄໍາເຫັນກ່ຽວກັບບັນຫາດັ່ງກ່າວ, ທ່ານເອກອັກຄະລັດຖະທູດຫວຽດນາມ ດັ້ງດິ່ງກຸ໊ຍ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ ໄດ້ຢັ້ງຢືນຄືນໃໝ່ບັນດາຫຼັກການພື້ນຖານຂອງການເຄື່ອນໄຫວສັນຕິພາບ ແລະ ເລື່ອງປະເທດເຈົ້າພາບມີຄວາມຮັບຜິດຊອບແຖວໜ້າໃນການປົກປ້ອງ ແລະ ຊຸກຍູ້ສິດທິມະນຸດ. ທ່ານເອກອັກຄະລັດຖະທູດ ຮຽກຮ້ອງໃຫ້ບັນດາຝ່າຍຕ້ອງຮັບປະກັນລັກສະນະຖືກຕ້ອງຊັດເຈນ ແລະເປັນກາງຂອງການເກັບກໍາຂໍ້ມູນໃນວິວັດການຕິດຕາມກວດກາ, ລາຍການ ແລະ ວິເຄາະໄຈ້ແຍກກ່ຽວກັບສະພາບການປະຕິບັດສິດທິມະນຸດ ພ້ອມທັງເນັ້ນໜັກເຖິງການປົກປ້ອງບັນດາກຸ່ມຄົນທີ່ມີຄວາມສ່ຽງສູງກວ່າເພິ່ນໃນສະພາບທີ່ການປະທະກັນເກີດຂຶ້ນຢູ່ທົ່ວທຸກແຫ່ງ. ທ່ານກໍໃຫ້ຄໍາຕັກເຕືອນແກ່ກໍາລັງຮັກສາສັນຕິພາບວ່າ ຕ້ອງແມ່ນກໍາລັງນໍາໜ້າໃນການປະຕິບັດບັນດາຫຼັກການ, ລະບຽບວິໄນຂອງ ສປຊ, ໄດ້ປະກອບຄວາມຮູ້, ທັກສະຢ່າງຄົບຖ້ວນ.

ຟ້າມຮວນ - ນັກຂ່າວ VOV ປະຈໍາ ອາເມລິກາ