ພິທີລົງນາມສັນຍາຮ່ວມມືລະຫວ່າງສະພາກາແດງ
ຫວຽດນາມ ແລະ ອົງຄະນະພັກຕ່າງປະເທດ
(ພາບ: cpv.org.vn)
(vovworld) - ຕອນບ່າຍວັນທີ 31/10, ຢູ່ຮ່າໂນ້ຍ, ອົງຄະນະພັກຕ່າງປະເທດ ແລະ ສູນກາງສະພາກາແດງຫວຽດນາມ ໄດ້ລົງນານໃນໂຄງການສົມທົບກັນຜັນຂະຫຍາຍບັນດາການເຄື່ອນໄຫວມະນຸດສະທຳໄລຍະ 2012 – 2015. ເຊິ່ງຕາມນັ້ນແລ້ວ, ສອງຝ່າຍໄດ້ຈັດຕັ້ງການໂຄສະນານະໂຍບາຍມະນຸດສະທຳຂອງພັກ, ລັດ, ບັນດາຂະບວນການ, ບັ້ນຂົນຂວາຍໜູນຊ່ວຍຄົນທຸກຍາກຢູ່ຫວຽດນາມ ຂອງສະພາກາແດງເຖິງພະນັກງານສະມາຊິກພັກເຊິ່ງແມ່ນຊາວຫວຽດນາມ ທີ່ພວມປະຕິບັດງານ, ຮໍ່າຮຽນ, ດຳລົງຊີວິດຢູ່ຕ່າງປະເທດເປັນຈຳນວນຫຼວງຫຼາຍ. ສະພາກາແດງຈະລວບລວມ ແລະ ແນະນຳບັນດາສະຖານທີ່ຕ້ອງການບໍລິຈາກມະນຸດສະທຳ ແມ່ນບັນດາຜູ້ທີ່ປະສົບກັບຄວາມຫຍຸ້ງຍາກ ເພື່ອໃຫ້ອົງການຈັດຕັ້ງພັກ, ສະມາຄົມ, ໝູ່ຄະນະອາໄສຢູ່ຕ່າງປະເທດຂົນຂວາຍຊ່ວຍເຫຼືອ ແລະ ຕິດພັນບັນດາເປົ້າໝາຍຕາມທິດພັດທະນາແບບຍືນຍົງ. ອົງຄະນະພັກຕ່າງປະເທດຈະຂົນຂວາຍພະນັກງານ, ສະມາຊິກພັກເຊິ່ງແມ່ນຊາວຫວຽດນາມ ທີ່ພວມປະຕິບັດງານ, ດຳລົງຊີວິດຢູ່ຕ່າງປະເທດສະໜັບສະໜູນ, ໜູນຊ່ວຍບັນດາເປົ້າໝາຍທີ່ປະສົບກັບຄວາມຫຍຸ້ງຍາກເປັນພິເສດ, ປະຊາຊົນບັນດາເຂດປະສົບກັບໄພທຳມະຊາດ, ໄພພິບັດ, ຜູ້ຕິດທາດພິດສີສົ້ມດີໂອຊີນ ຜ່ານຂະບວນການ, ບັ້ນຂົນຂວາຍຕ່າງໆ ໂດຍສະພາກາແດງຫວຽດນາມ ປຸກລະດົມ.