(vovworld) - ຕອນເຊົ້າວັນທີ 15/4, ຢູ່ເມືອງ ຕຽນເຟືອກ, ແຂວງ ກວາງນາມ ໄດ້ຈັດຕັ້ງພິທີຕ້ອນຮັບຫລຽນໄຊ ດາວຄຳ ໂດຍລັດ ມອບໃຫ້ທ່ານ ຮິ່ງທຸກຄ໋າງ, ອະດີດຜູ້ວ່າການແທນປະທານປະເທດ ສາທາລະນະລັດ ປະຊາທິປະໄຕ ຫວຽດນາມ. ທ່ານ ຮິ່ງທຸກຄ໋າງ ເກີດປີ 1876, ໃນຄອບຄົວຊາວກະສິກອນ, ຢູ່ຕາແສງ ຕຽນຫລາງ, ເມືອງ ຕຽນເຟືອກ, ແຂວງ ກວາງນາມ. ທ່ານ ຮິ່ງທຸກຄ໋າງ ເຄີຍໄດ້ຮັບຕຳແໜ່ງຜູ້ວ່າການປະທານປະເທດ ຈາກປະທານ ໂຮ່ຈີມິນ ເມື່ອປະທານໄປປະຕິບັດງານໄລຍະຍາວຢູ່ຕ່າງປະເທດ.
ທ່ານປະທານປະເທດ ເຈືອງເຕີນຊາງ ຢືນຢັນວ່າ:
“ໃນໄລຍະປະຫວັດສາດຂອງປະເທດຊາດ, ກວາງນາມ ແມ່ນເຂດດິນແດນທີ່ເຕັ້ມໄປດ້ວຍມູນເຊື້ອຮັກຊາດ ແລະ ການປະຕິວັດ ມີຫຼາຍຄົນທີ່ດີເດ່ັນໄດ້ອຸທິດຕະຫຼອດຊີວິດຂອງຕົນໃຫ້ແກ່ການຕໍ່ສູ້ເພື່ອເອກະລາດ, ເສລີພາບຂອງປະເທດຊາດ, ຄວາມສຸກຂອງປະຊາຊົນ. ໃນນັ້ນ, ທ່ານ ຮິ່ງທຸກຄ໋າງ ແມ່ນໜຶ່ງໃນບັນດາບຸກຄົນທີ່ດີເດ່ັນຂອງຂະບວນການຮັກຊາດໃນຕົ້ນສະຕະວັດທີ 20. ຊີວິດຂອງເພີ່ນແມ່ນແບບຢ່າງທີ່ສະຫງ່າລາສີກ່ຽວກັບແບບແຜນມູນເຊື້ອຜ່ານຜ່າຄວາມທຸກຍາກ, ມັກການຮຳ່ຮຽນ, ກ່ຽວກັບການດຳລົງຊີວິດທີ່ລຽບງ່າຍ, ບໍ່ເຫັນແກ່ປະໂຫຍດສ່ວນຕົວ, ຕະຫຼອດຊີວິດແມ່ນເພື່ອປະເທດຊາດ ແລະ ເພື່ອປະຊາຊົນ”