(vovworld) - ຕອນຄ່ຳວັນທີ 28/12, ຢູ່ຮ່າໂນ້ຍ, ສູນກາງສະຫະພັນຊາວໜຸ່ມຫວຽດນາມ ສົມທົບກັບກະຊວງຖະແຫຼງຂ່າວ ແລະ ສື່ສານ ໄດ້ຈັດພິທີມອບລາງວັນການເສັງຂຽນ “ຊາວໜຸ່ມ, ນັກສຶກສາຫວຽດນາມ ອາໄສຢູ່ຕ່າງປະເທດ ກັບໜ້າທີ່ປົກປັກຮັກສາອະທິປະໄຕທະເລ, ເກາະຫວຽດນາມ”. ການເສັງນີ້ສະຫງວນໃຫ້ເປົ້າໝາຍແມ່ນຊາວຫວຽດນາມ ທີ່ພວມດຳລົງຊີວິດ, ຮ່ຳຮຽນ ແລະ ປະຕິບັດງານຢູ່ຕ່າງປະເທດ, ໃນເກນອາຍຸແຕ່ 16 ຫາ 35 ປີ. ການເສັງເລີ່ມດຳເນີນແຕ່ເດືອນ 07 ຫາເດືອນ 12/2016. ໃນໄລຍະດຳເນີນການເສັງ, ຄະນະຈັດຕັ້ງໄດ້ຮັບບົດເສັງ 202 ບົດຝາກມາຈາກບັນດາປະເທດຄື: ອາເມລິກາ, ອັງກິດ, ລັດເຊຍ, ຈີນ, ລາວ… ກ່າວຄຳເຫັນທີ່ພິທີ, ທ່ານ ເຈືອງມິງຕ໋ວນ, ລັດຖະມົນຕີກະຊວງຖະແຫຼງຂ່າວ ແລະ ສື່ສານ ເນັ້ນໜັກວ່າ.
“ຕໍ່ໜ້າບັນດາການຜັນແປທີ່ສັບສົນຢູ່ທະເລຕາເວັນອອກຄືໃນປະຈຸບັນ, ຊາວໜຸ່ມຫວຽດນາມ ແຕ່ລະຄົນ ຄວນຍົກສູງສະຕິລະວັງຕົວ, ມີຄວາມເຂົ້າໃຈຢ່າງຖືກຕ້ອງ, ເຂົ້າໃຈແຈ້ງບັນດາທັດສະນະຂອງພັກ, ນະໂຍບາຍ, ກົດໝາຍຂອງລັດຫວຽດນາມ ກ່ຽວກັບການແກ້ໄຂບັນດາບັນຫາຢູ່ທະເລຕາເວັນອອກ. ເພື່ອຈາກນັ້ນມີຄວາມຮັບຮູ້ຢ່າງຖືກຕ້ອງ, ຄົບຖ້ວນ, ບໍ່ປະໃຫ້ບັນດາກຳລັງທີ່ເປັນປໍລະປັກແກ່ດຶງ, ຍຸ້ແຍ່, ກໍ່ຄວາມຂາດສະຖຽນລະພາບທາງສັງຄົມ, ແບ່ງແຍກກຸ່ມກ້ອນມະຫາສາມັກຄີທົ່ວປວງຊົນທັງຊາດ, ຕັດສິນໃຈຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບເພື່ອຊຸກຍູ້ປະເທດຊາດໃຫ້ນັບມື້ນັບເຊື່ອມໂຍງ ແລະ ພັດທະນາ.”
ນັກປະພັນ ຫງວຽນດິ່ງຟຸກ ແລະ ເລກ໋ວກຈ໋ຽນ ສັງກັດກຸ່ມ VietData (ສະຫະພັນຊາວໜຸ່ມ, ນັກສຶກສາຫວຽດນາມ ອາໄສຢູ່ອາເມລິກາ) ຍາດໄດ້ລາງວັນທີ 1 ດ້ວຍບົດຂຽນ “ສ້າງລະບົບຂໍ້ມູນຂ່າວສານ, ຖານຂໍ້ມູນກ່ຽວກັບທະເລ, ໝູ່ເກາະຫວຽດນາມ”.