ຜູ້ແທນກ່ວາ 500 ຄົນເຂົ້າຮ່ວມກອງປະຊຸມ
(ພາບ :Ngọc Anh)
(vovworld) - ໃນວັນທີ 29 ແລະ 30/6, ຄະນະໂຄສະນາສຶກສາສູນກາງ ສົມທົບກັບສູນກາງຊາວໜຸ່ມກອມມູນິດ ໂຮ່ຈີມິນ ໄດ້ຈັດຕັ້ງກອງປະຊຸມຝຶກອົບຮົມ, ຝຶກຝົນຫຼໍ່ຫຼອມຄວາມຮູ້ກ່ຽວກັບອະທິປະໄຕທະເລ, ໝູ່ເກາະ ຫວຽດນາມ ໃຫ້ຖັນແຖວພະນັກງານຄະນະຊາວໜຸ່ມກອມມູນິດ ໂຮ່ຈີມິນ ທຸກຂັ້ນປີ 2014. ຜູ້ແທນກ່ວາ 500 ຄົນເຊິ່ງແມ່ນການນຳ ແລະ ນັກປາຖະກະຖາຫຼັກແຫຼ່ງຂອງບັນດາຄະນະຊາວໜູ່ມແຂວງ, ນະຄອນ, ຊາວໜຸ່ມສູນກາງ ແລະ ພະນັກງານຊາວໜຸ່ມບັນດາມະຫາວິທະຍາໄລໃນບໍລິເວນນະຄອນຫຼວງ ຮ່າໂນ້ຍ ເຂົ້າຮ່ວມກອງປະຊຸມ. ບັນດາຜູ້ແທນໄດ້ຮັບຟັງ ແລະ ປຶກສາຫາລືບັນດາເນື້ອໃນພື້ນຖານຂອງສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982 ແລະ ກົດໝາຍວ່າດ້ວຍທະເລ ຫວຽດນາມ. ບັນດາເນື້ອໃນອື່ນໆເຊິ່ງລວມມີ: ບັນດາພະຍານຫຼັກຖານດ້ານນິຕິກຳ ເພື່ອຕໍ່ສູ້ປົກປັກຮັກສາອະທິປະໄຕທະເລ, ໝູ່ເກາະ ຫວຽດນາມ ຢູ່ທະເລຕາເວັນອອກ, ບາງຫຼັກຖານປະຫວັດສາດຢັ້ງຢືນອະທິປະໄຕທະເລ, ໝູ່ເກາະ ຫວຽດນາມ, ສະພາບການຢູ່ທະເລຕາເວັນອອກໃນປະຈຸບັນ ແລະ ນະໂຍບາຍຂອງບັນດາປະເທດທີ່ກ່ຽວຂ້ອງເຖິງບັນຫາທະເລຕາເວັນອອກ.
ກ່ຽວກັບການປະກອບຂໍ້ມູນຂ່າວ, ຄວາມຮູ້ກ່ຽວກັບທະເລ, ໝູ່ເກາະ, ຈະປະກອບສ່ວນເພີ່ມເຕີມ, ຍົກສູງຄວາມຮູ້ຂອງພະນັກງານຄະນະຊາວໜຸ່ມທຸກຂັ້ນ, ຍົກສູງສະຕິຄວາມຮັບຜິດຊອບຕໍ່ປະເທດຊາດ ແລະ ຜັນຂະຫຍາຍວຽກງານໂຄສະນາ, ເຜີຍແຜ່ກ່ຽວກັບທະເລ, ໝູ່ເກາະໃນໄລຍະຈະມາເຖິງດ້ວຍຄຸນນະພາບ, ປະສິດທິຜົນສູງ.