(ພາບປະກອບ)
(vovworld) - ວັນທີ 13/6, ຢູ່ ຮ່າໂນ້ຍ, ຄະນະຜູ້ແທນສະຫະພາບເອີລົບປະຈຳ ຫວຽດນາມ ແລະ ສະຖາບັນການຕ່າງປະເທດ (ກະຊວງການຕ່າງປະເທດ) ໄດ້ສົມທົບກັນຈັດຕັ້ງການສຳມະນາ “ການຄຸ້ມຄອງ ແລະ ແກ້ໄຂບັນດາບັນຫາສັບສົນຢູ່ທະເລ“, ດ້ວຍການເຂົ້າຮ່ວມຂອງນັກຊ່ຽວຊານ, ນັກຮຽນຮູ້ໃນຂົງເຂດທະເລຢູ່ພາຍໃນ ແລະ ຕ່າງປະເທດເປັນຈຳນວນຫຼວງຫຼາຍ. ຕີລາຄາກ່ຽວກັບສະພາບການຮ່ວມມືກັບສາກົນລະຫວ່າງ ຫວຽດນາມກັບບັນດາປະເທດໃນພາກພື້ນ ສຳລັບບັນຫາທະເລ. ພັນເອກທະຫານເຮືອ Michiel Hijmans, ອະດີດຮອງຜູ້ຕາງໜ້າການທະຫານປະຈຳການຂອງ ຮອນລັງຢູ່ອົງການ NATO ແລະ ສະຫະພາບເອີລົບ ຖືວ່າ, ຄວາມໝັ້ນຄົງບົນທະເລແມ່ນຄວາມສົນໃຈລວມລະຫວ່າງບັນດາປະເທດໃນພາກພື້ນ.
ທີ່ການສຳມະນາ, ບັນດາຜູ້ແທນກໍ່ປຶກສາຫາລືບາງບັນຫາໃນຂົງເຂດຄວາມໝັ້ນຄົງຢູ່ທະເລ; ການຮັບມືກັບການທ້າທາຍຢູ່ທະເລ, ບັນຫາເຄື່ອງມື ແລະ ບົດຮຽນພຶດຕິກຳຕົວຈິງ; ວິທີແກ້ໄຂການຂັດແຍ້ງກັນຢູ່ທະເລດ້ວຍສັນຕິວິທີ; ກອບກົດໝາຍ ແລະ ບັນດາບົດຮຽນໃນພາກພື້ນ.