ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ເຂົ້າຮ່ວມພິທີເປີດສົກຮຽນໃໝ່ (2014-2015) ຢູ່ມະຫາວິທະຍາໄລກົດໝາຍຮ່າໂນ້ຍ
(vovworld) - ຕອນເຊົ້າວັນທີ 13/9, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ໄດ້ເຂົ້າຮ່ວມພິທີເປີດສົກຮຽນໃໝ່ (2014-2015) ຢູ່ມະຫາວິທະຍາໄລກົດໝາຍຮ່າໂນ້ຍ. ກ່າວຄວາມເຫັນຢູ່ທີ່ນີ້, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງເນັ້ນໜັກວ່າ:
“ຂ້າພະເຈົ້າຫວັງວ່າໝູ່ຄະນະພະນັກງານ, ຄູອາຈານຂອງ ມະຫາວິທະຍາໄລກົດໝາຍຮ່າໂນ້ຍ ຈະຫຼໍ່ຫຼອມຄຸນນະທາດດ້ານການເມືອງ, ຄຸນສົມບັດ, ແບບແຜນດຳລົງຊີວິດ, ຮຳ່ຮຽນເອົາບົດຮຽນ, ພຶດຕິກຳຕົວຈິງ, ວິຊາການສ້າງຄູຢ່າງບໍ່ຢຸດຢັ້ງ ເພື່ອປະກອບສ່ວນຫຼາຍກວ່າ, ດີກວ່າໃນວຽກງານບຳລຸງສ້າງພະນັກງານກົດໝາຍໃຫ້ແກ່ປະເທດຊາດ“
ທ່ານປະທານສະພາແຫ່ງຊາດ ຫງວຽນຊິງຮຸ່ງສະເໜີໃຫ້ ມະຫາວິທະ ຍາໄລກົດໝາຍຮ່າໂນ້ຍກຳນົດເລື່ອງຜັນຂະຫຍາຍການປະຕິບັດລັດຖະທຳມະນູນປີ 2013ແມ່ນໜ້າທີ່ຈຸດສຸມຂອງໂຮງຮຽນ, ເພື່ອເຮັດໃຫ້ບັນດາເນື້ອໃນຈິດໃຈຂອງລັດຖະທຳມະນູນຂະຫຍາຍຢ່າງກວ້າງຂວາງໃນທົ່ວສັງຄົມ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ກໍ່ຊີ້ແຈ້ງວ່າ ປະເທດຊາດພວມຕ້ອງການບັນດາພະນັກງານທັງມີຄຸນສົມບັດ, ທັງມີຄວາມສາມາດດ້ານວິຊາການ ແລະ ຫວັງວ່າບັນດານັກສຶກສາມະຫາວິທະ ຍາໄລກົດໝາຍຮ່າໂນ້ຍຈະສູ້ຊົນຫຼໍ່ຫຼອມ, ສະສົມຄວາມຮູ້, ຫຼໍ່ຫຼອມຄຸນສົມບັດວິຊາຊີບໃຫ້ວິວັດການກໍ່ຮ່າງສ້າງຕົວໃນຕໍ່ໜ້າ.