ທ່ານປະທານປະເທດ ເຈືອງເຕີນຊາງຕ້ອນຮັບ ທ່ານ Tsumo Motonori, ຫົວໜ້າຜູ້ຕາງໜ້າ JICA ປະຈຳຫວຽດນາມ (ພາບປະກອບ: vietnamplus.vn) (vovworld) - ວັນທີ 23/05, ກ່າວຄຳເຫັນທີ່ການຕ້ອນຮັບທ່ານ Tsumo Motonori, ຫົວໜ້າຜູ້ຕາງໜ້າ JICA ປະຈຳຫວຽດນາມ, ກ່ອນທີ່ທ່ານສິ້ນສຸດອາຍຸການປະຕິບັດງານຢູ່ຫວຽດນາມ, ທ່ານປະທານປະເທດ ເຈືອງເຕີນຊາງ ໄດ້ຕີລາຄາສູງການຊ່ວຍເຫຼືອທີ່ສຸດອົກສຸດໃຈຂອງຍີ່ປຸ່ນ ສຳລັບຫວຽດນາມ ໃນຊຸມປີຜ່ານມາ, ຮັກສາແຫຼ່ງທຶນ ODA ໃຫ້ແກ່ຫວຽດນາມ ໃຫ້ນັບມື້ນັບຫຼາຍ, ນັບທັງໃນໄລຍະທີ່ຍີ່ປຸນ ຖືກປະສົບໄພທຳມະຊາດຈາກເຫດແຜນດິນໄຫວ ແລະ ຄື້ນຍັກ. ທ່ານປະທານປະເທດ ໄດ້ຮັບຮູ້ປະສິດທິຜົນຂອງບັນດາວິສາຫະກິດຍີ່ປຸ່ນ ທີ່ລົງທຶນເຂົ້າຫວຽດນາມ ເຊິ່ງສະແດງອອກຢ່າງຕັ້ງໜ້າ ນັບທັງທາງດ້ານຈຳນວນ ແລະ ຄຸນນະພາບ. ທ່ານປະທານປະເທດ ຕີລາຄາສູງບົດບາດຂອງທ່ານ Tsumo ໃນໄລຍະປະຕິບັດໜ້າທີ່ເປັນຫົວໜ້າຜູ້ຕາງໜ້າ JICA ປະຈຳຫວຽດນາມ ແລະ ສະແດງຄວາມປາດຖະໜາວ່າ ໃນຕຳແໜ່ງເປັນຫົວໜ້າຜູ້ຕາງໜ້າດ້ານການຄ້າ ແລະ ອຸດສາຫະກຳເຂດ Kansai, ໃນໄລຍະຈະມາເຖິງ ທ່ານ Tsumo ຈະສືບຕໍ່ຊຸກຍູ້ການພົວພັນຮ່ວມມືລະຫວ່າງຫວຽດນາມ ແລະ ເຂດ Kansai. Từ khóa: JICA
ກອງປະຊຸມສຸດຍອດ G20: ທ່ານເລຂາທິການໃຫຍ່ ສປຊ ແລະ ທ່ານປະທານາທິບໍດີ ບຣາຊິນ ຢັ້ງຢືນຄຳໝັ້ນສັນຍາຕ້ານການປ່ຽນແປງຂອງດິນຟ້າອາກາດ
ຫວຽດນາມ ຈະສືບຕໍ່ປະກອບສ່ວນຢ່າງຕັ້ງໜ້າ ແລະ ຜັນຂະຫຍາຍບັນດາການກຳນົດທິດຮ່ວມມືຂອງ APEC ຢ່າງມີປະສິດທິຜົນ
ທ່ານປະທານປະເທດ ເລືອງເກືອງ ສິ້ນສຸດການຢ້ຽມຢາມ ເປຣູ ແລະ ເຂົ້າຮ່ວມສັບປະດາຂັ້ນສູງ APEC ຢ່າງຈົບງາມ