(ພາບປະກອບ)
(vovworld) – ໂດຍສືບຕໍ່ການປະກອບຄຳເຫັນໃສ່ຮ່າງເອກະສານກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ, ບັນດາຄວາມເຫັນຂອງພະນັກງານ, ສະມາຊິກພັກ ແລະ ປະຊາຊົນ ຖືວ່າ: ສືບຕໍ່ກໍ່ສ້າງລັດແຫ່ງອຳນາດນິຕິບັນຍັດ ສັງຄົມນິຍົມ ໂດຍພັກນຳພາ ແມ່ນໜ້າທີ່ຈຸດສຸມຂອງການປ່ຽນໃໝ່ລະບົບການເມືອງໃນອະຍຸການຈະມາເຖິງ.
ທ່ານພັນເອກ ຫງວຽນຕ໋ຽນຢຸງ, ຮອງຜູ້ອຳນວຍການໂຮງໝໍເສນາຮັກ 354 ຖືວ່າ: ເພື່ອສ້າງລັດແຫ່ງອຳນາດນິຕິບັນຍັດ ສັງຄົມນິຍົມໃຫ້ສົມບຸນແບບ ຕ້ອງຍູ້ແຮງການປ້ອງກັນ, ຕ້ານການສໍ້ລາດບັງຫລວງ. ພິເສດ ແມ່ນບັນດາພະນັກງານການນຳ ບັນດາຜູ້ທີ່ປົກປ້ອງກົດໝາຍຕ້ອງແມ່ນຄົນທີ່ມີຄວາມສາມາດ, ມີຄຸນສົມບັດ. ທ່ານ ຫງວຽນຕ໋ຽນຢຸງ ໃຫ້ຮູ້ວ່າ:
“ກຸນແຈຂອງລັດແຫ່ງອຳນາດນິຕິບັນຍັດແມ່ນລັດນີ້ ລວມມີບັນດາຜູ້ເກັ່ງກ້າສາມາດທີ່ສຸດ, ມີຄຸນສົມບັດ, ຈຶ່ງສາມາດສ້າງລັດແຫ່ງອຳນາດນິຕິບັນຍັດໄດ້. ພ້ອມກັບການ ຕ້ານການສໍ້ລາດບັງຫລວງ ເຮັດໃຫ້ມີຄວາມກະຈ່າງແຈ້ງ ນັ້ນ ພວກເຮົາຕ້ອງປະຕິບັດວຽກງານບຸກຄະລາກອນໃຫ້ດີ, ເຊິ່ງກຸນແຈຂອງວຽກງານຈັດຕັ້ງ, ບຸກຄະລາກອນ ແມ່ນກົງຈັກລັດຕ້ອງມີຄົນທີ່ມີຄວາມສາມາດ, ມີຄຸນສົມບັດ ຈຶ່ງແມ່ນລັດແຫ່ງອຳນາດນິຕິບັນຍັດໄດ້.
ສ່ວນທ່ານເຈີ່ນຮ່ວາງທ໋າມ, ອະດີດຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຖືວ່າ:
“ກອງປະຊຸມໃຫຍ່ຊຸດທີ 12 ຈະມາເຖິງ, ພັກຕ້ອງປ່ຽນໃໝ່ລະບົບການເມືອງ, ປ່ຽນໃໝ່ລະບົບແຫ່ງລັດ. ດຽວນີ້ ຕ້ອງວາງບັນຫາເສດຖະກິດແມ່ນໃຈກາງ, ກໍ່ສ້າງພັກແມ່ນກຸນແຈ, ຕາມຂ້າພະເຈົ້າແລ້ວ ຕ້ອງນຳຄວາມສຳນຶກລະບົບການເມືອງເຂົ້າໃນເງື່ອນໄຂໃໝ່. ຕາມນັ້ນ, ກຳນົດຕາມທິດພັກນຳພາ, ລະບົບການເມືອງມີໜ້າທີ່ກໍ່ສ້າງ, ພ້ອມທັງມີການຄຸ້ມຄອງຂອງລັດສັງຄົມນິຍົມ, ລັດແຫ່ງອຳນາດນິຕິບັນຍັດ”.
ມີຫລາຍຄວາມເຫັນກໍ່ລ້ວນແຕ່ຖືວ່າ: ຕ້ອງສືບຕໍ່ປ່ຽນໃໝ່ການຈັດຕັ້ງ ແລະ ເຄື່ອນໄຫວຂອງສະພາແຫ່ງຊາດ, ຮັບປະກັນສະພາແຫ່ງຊາດແມ່ນອົງການຜູ້ຕາງໜ້າສູງສຸດຂອງປະຊາຊົນຢ່າງແທດຈິງ.