ປີທ່ອງທ່ຽວແຫ່ງຊາດຖືກຈັດຂຶ້ນຢູ່ຫຼາຍທ້ອງຖິ່ນ
(ພາບ:diendandautu.vn)
(VOV)- ພິທີປະກາດປີທ່ອງທ່ຽວເຂດທົ່ງພຽງແມ່ນ້ຳແດງແຫ່ງຊາດ-ຫາຍຟອງປີ 2013 ດ້ວຍຫົວຂໍ້ “ອະລິຍະທຳແມ່ນ້ຳແດງ“ ຈະຖືກດຳເນີນໃນວັນທີ 6/1/2013 ຢູ່ນະຄອນຫາຍຟອງ. ນອກຈາກພິທີປະກາດຍັງມີບັນດາການເຄື່ອນໄຫວຂ່ຳນັບຊົມເຊີຍ, ຕອບສະໜອງຄື: ງານບຸນວິຫານຈ້າງຈິ່ງ ລະນຶກ 427 ປີແຫ່ງວັນເຖິງແກ່ມໍລະນະກຳຂອງນັກວັດທະນະທຳຫງວຽນບິງຄຽມ, ລາຍການຟ້ອນສິງໂຕ… ທີ່ການປະຊຸມຂອງຄະນະຊີ້ນຳ, ຄະນະຈັດຕັ້ງປີທ່ອງທ່ຽວເຂດທົ່ງພຽງແມ່ນ້ຳແດງແຫ່ງຊາດ-ຫາຍຟ່ອງປີ 2013 ຈັດຂຶ້ນໃນວັນທີ 19/12 ຢູ່ຮ່າໂນ້ຍ, ທ່ານຮ່ວາງຕວນແອງ, ລັດຖະມົນຕີກະຊວງວັດທະນະທຳ, ກິລາ ແລະ ການທ່ອງທ່ຽວຫວຽດນາມ ເນັ້ນໜັກວ່າ: ບັນດາການເຄື່ອນໄຫວໃນປີທ່ອງທ່ຽວແຫ່ງຊາດຕ້ອງໄດ້ຮັບການຈັດຕັ້ງບົນຈິດໃຈປະຢັດ, ສ້າງຄວາມປະທັບໃຈ, ດຶງດູດປະຊາຊົນ, ແຂກທ່ອງທ່ຽວພາຍໃນ ແລະ ຕ່າງປະເທດເປັນຈຳນວນຫຼວງຫຼາຍເຂົ້າຮ່ວມ. ບັນດາແຂວງ, ນະຄອນເຂດທົ່ງພຽງແທ່ນ້ຳແດງຕ້ອງເພີ່ມທະວີການຍົກສູງຄຸນນະພາບຜະລິດຕະພັນການທ່ອງທ່ຽວກ່ວາອີກ, ເພີ່ມທະວີການໂຄສະນາສົ່ງເສີມເພື່ອດຶງດູດແຂກທ່ອງທ່ຽວ. ຈຸດໝາຍຕົ້ນຕໍໃນປີທ່ອງທ່ຽວແຫ່ງຊາດແມ່ນດຶງດູດແຂກທ່ອງທ່ຽວພາຍໃນ ແລະ ຕ່າງປະເທດຫຼາຍຄົນມາທ່ອງທ່ຽວເຂດທົ່ງພຽງແມ່ນ້ຳແດງ, ປະກອບສ່ວນເພີ່ມຈຳນວນແຂກທ່ອງທ່ຽວສາກົນມາຫວຽດນາມ ຕື່ມອີກ.