(ພາບປະກອບ) (vovworld) - ກອງປະຊຸມຮ່ວມສຳພັນສະຫະກອນ ບັນດາແຂວງທາງພາກກາງ - ໄຕຫງວຽນ ຄັ້ງທີ 21 ເຊິ່ງດຳເນີນໄປໃນວັນທີ 03/04, ຢູ່ນະຄອນ ໂຮ້ຍອານ, ແຂວງ ກວາງນາມ, ໄດ້ດຶງດູດການນຳຂອງ 18 ແຂວງ ທາງພາກກາງ ແລະ ເຂດໄຕຫງວຽນ ເຂົ້າຮ່ວມ. ບັນດາຜູ້ແທນໄດ້ສຸມໃສ່ປຶກສາຫາລືກ່ຽວກັບບັນດາສະພາບຕົວຈິງ ແລະ ມາດຕະການປັບປຸງ, ປ່ຽນໃໝ່ພັດທະນາສະຫະກອນ ຕາມເນື້ອໃນຈິດໃຈຂອງກົດໝາຍວ່າດວ້ຍສະຫະກອນ ປີ 2012 ສະບັບປັບປຸງ; ສະເໜີບັນດາມາດຕະການຕ່າງໆຢ່າງລະອຽດເພື່ອພັດທະນາສະຫະກອນ ໃນໄລຍະຈະມາເຖິງ. ທ່ານປະທານຮ່ວມສຳພັນສະຫະກອນຫວຽດນາມ ດ່າວຊວນເກີນ ໄດ້ເອົາໃຈໃສ່ວ່າ; ຮ່ວມສຳພັນສະຫະກອນ ຢູ່ບັນດາທ້ອງຖິ່ນຕ້ອງໂຄສະນາກົດໝາຍວ່າດວ້ຍສະຫະກອນປີ 2012 ເພື່ອໃຫ້ສະມາຊິກຕາແສງ, ຄົນງານເຂົ້າໃຈກ່ຽວກັບສິດຜັນປະໂຫຍດ ແລະ ພັນທະຂອງຕົນໃນກົດໝາຍໃໝ່; ແນະນຳ, ສ້າງເງື່ອນໄຂເພື່ອໃຫ້ບັນດາສະຫະກອນຮ່ວມສຳພັນ, ສ້າງເປັນບາງສະຫະພັນສະຫະກອນ, ຂົນຂວາຍບັນດາວິສາຫະກິດສ້າງຮ່ວມສຳພັນຕໍ່ກັບບັນດາສະຫະກອນ ໃນເຂດ ເພື່ອສະໜອງວັດຖຸດິບ ແລະ ການຈຳໜ່າຍຜະລິດຕະພັນຊ່ວຍໃຫ້ສະຫະກອນມີເງື່ອນໄຂເພື່ອພັດທະນາ. Từ khóa: ສະຫະກອນ
ກໍ່ສ້າງດ່າລາດ ແລະ ເຂດອ້ອມຂ້າງ ກາຍເປັນສູນທ່ອງທ່ຽວທີມີຄຸນນະພາບສູງຂອງ ອາຊີຕາເວັນອອກສ່ຽງໃຕ້