(ພາບປະກອບ)
(vovworld) – ການເສັງຂຽນສະຫງວນໃຫ້ແກ່ບຸກຄົນ, ໝູ່ຄະນະ ທີ່ເປັນຊາວ ຫວຽດນາມ ໃນເກັນອາຍຸແຕ່ 16 – 35 ປີ, ປະຈຸບັນພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ຕ່າງປະເທດ. ເນື້ອໃນບົດຂຽນສຸມໃສ່ເຂົ້າບັນດາເນື້ອໃນຕົ້ນຕໍຄື: ການສະສົມ, ສະໜອງຂໍ້ມູນຂ່າວສານ, ເອກະສານປະຫວັດສາດ ແລະ ນິຕິກຳ ຢັ້ງຢືນອະທິປະໄຕຂອງ ຫວຽດນາມ ສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ, ສະເໜີ, ແນະນຳຫົວຄິດປະດິດສ້າງ, ຂໍ້ລິເລີ່ມ, ມາດຕະການຂອງຊາວໜຸ່ມ, ນັກສຶກສາໃນການຕໍ່ສູ້, ປົກປັກຮັກສາອະທິປະໄຕທະເລ ໝູ່ເກາະຂອງ ຫວຽດນາມ… ກ່າວຄຳເຫັນທີ່ພິທີປຸກລະດົມເຊິ່ງໄດ້ຈັດຕັ້ງໃນຕອນບ່າຍວັນທີ 13/7, ຢູ່ຮ່າໂນ້ຍ, ທ່າງຮອງຫົວໜ້າຄະນະໂຄສະນາສຶກສາສູນກາງ, ລັດຖະມົນຕີກະຊວງຖະແຫລງຂ່າວ ແລະ ສື່ສານ ເຈືອງມີງຕ໋ວນ, ເນັ້ນໜັກວ່າ:
“ຜ່ານການເສັງຂຽນນີ້, ດ້ວຍເປົ້າໝາຍແມ່ນໄວໜຸ່ມ, ນັກສຶກສາ, ພວກເຮົາໄດ້ປະກອບບົດບາດອັນໃຫຍ່ຫຼວງເພື່ອໂຄສະນາເຜີຍແຜ່ໃຫ້ພໍ່ແມ່ປະຊາຊົນຊາວ ຫວຽດນາມ ອາໄສຢູ່ຕ່າງປະເທດ, ໂຄສະນາໃຫ້ຊາວຕ່າງປະເທດຢູ່ປະເທດທີ່ຊາວໜຸ່ມ, ນັກສຶກສາ ຫວຽດນາມ ພວມຮ່ຳຮຽນ, ດຳລົງຊີວິດ ແລະ ເຮັດວຽກ ເພື່ອໃຫ້ເຂົາເຈົ້າມີຄວາມເຂົ້າໃຈແຈ້ງກ່ວາກ່ຽວກັບຄວາມເປັນທຳຂອງ ຫວຽດນາມ, ເຂົ້າໃຈແຈ້ງກ່ວາກ່ຽວກັບແຜນນະໂຍບາຍຂອງພັກ, ລັດ ຫວຽດນາມໃນການປົກປັກຮັກສາອະທິປະໄຕທະເລ, ໝູ່ເກາະຂອງປະເທດຊາດ. ຄວາມຮັບຜິດຊອບຂອງພວກເຮົາໃນປະຈຸບັນ ແລະ ໃນອະນາຄົດແມ່ນຕ້ອງສືບຕໍ່ມີການປະກອບສ່ວນອັນໃຫຍ່ຫຼວງກ່ວາອີກ ໃນການປົກປັກຮັກສາອະທິປະໄຕທະເລ, ໝູ່ເກາະທີ່ສັກກະລະບູຊາຂອງປະເທດຊາດ.”