ກອງປະຊຸມຮັບເອົາຄຳເຫັນຂອງຜູ້ຊ່ຽວຊານໃສ່ຮ່າງກົດໝາຍວ່າດ້ວຍການເຫຼື້ອມໃສສາສະໜາ |
(vovworld)- ຕອນເຊົ້າວັນທີ 17/8, ຢູ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດກອງປະຊຸມຮັບເອົາຄຳເຫັນຂອງຜູ້ຊ່ຽວຊານໃສ່ຮ່າງກົດໝາຍວ່າດ້ວຍການເຫຼື້ອມໃສສາສະໜາ. ທີ່ກອງປະຊຸມ, ຜູ້ຕາງໜ້າບັນດາສາສະໜາ, ຜູ້ຊ່ຽວຊານໄດ້ໃຫ້ຂໍ້ສັງເກດວ່າ ພາຍຫຼັງຮັບເອົາຄຳເຫັນປະກອບສ່ວນຂອງບັນດາອົງການສາສະໜາ, ອົງການຈັດຕັ້ງສັງຄົມ ແລະ ອົງການຕ່າງໆທີ່ກ່ຽວຂ້ອງ, ຮ່າງກົດໝາຍໄດ້ຕອບສະໜອງຄວາມຮຽກຮ້ອງຕ້ອງການຂອງບັນດາສາສະນິກກະຊົນ. ພະອາຈານໃຫຍ່ ທິກດຶກຖ້ຽນ ຊີ້ແຈ້ງວ່າ :
“ ບັນດາຄຳວ່າ “ ສະເໜີ ”, “ຂໍອະນຸຍາດ” ໄດ້ຖືກທົດແທນດ້ວຍຄຳປະກາດກ່ຽວກັບເນື້ອໃນການເຄື່ອນໄຫວສາສະໜາຕາມລັດຖະທຳມະນູນ, ກົດໝາຍຂອງສາສະໜາ. ຮ່າງກົດໝາຍກໍໄດ້ຊີ້ແຈ້ງວ່າ ບັນດາສາສະໜາມີຖານະນິຕິບຸກຄົນໃນສັງຄົມ, ມີບັນດາມາດຕາເພື່ອໃຫ້ບັນດາສາສະໜາເຂົ້າຮ່ວມການເຄື່ອນໄຫວໃນຂົງເຂດພິມຈຳໜ່າຍ, ການສຶກສາ, ສາທາລະນະສຸກ, ຊ່ວຍເຫຼືອສັງຄົມ, ການເຄື່ອນໄຫວກຸສົນ”