ວັນທີ 22 ເມສາ, ທ່ານລັດຖະມົນຕີເສດຖະກິດບຸນກາຣີ Emil Karanikolov ໃຫ້ຮູ້ວ່າ, ປະເທດນີ້ສະໜັບສະໜູນ ແລະ ລໍຄອຍສັນຍາການຄ້າເສລີລະຫວ່າງສະຫະພາບເອີລົບ ແລະ ຫວຽດນາມ (EVFTA) ຈະໄດ້ຮັບການລົງນາມ ແລະ ຮັບຮອງເອົາໂດຍໄວ ເພື່ອແນໃສ່ນຳມາເຊິ່ງຜົນປະໂຫຍດໃຫ້ທັງ 2 ຝ່າຍ, ໃນນັ້ນມີບຸນກາຣີ. ທີ່ການຕ້ອນຮັບທ່ານເອກອັກຄະລັດຖະທູດຫວຽດນາມ ປະຈຳບຸນກາຣີ ດ່ວານຕ໊ວນລິງ, ທ່ານລັດຖະມົນຕີ Emil Karanikolov ໃຫ້ຮູ້ວ່າ, ທ່ານ ແລະ ທ່ານເອກອັກຄະລັດຖະທູດຫວຽດນາມ ມີທັດສະນະເຊັ່ນດຽວກັນກ່ຽວກັບສັນຍາ EVFTA, ເຊິ່ງຄາດວ່າຈະໄດ້ຮັບການລົງນາມໃນທ້າຍເດືອນ ມິຖຸນາ 2019 ນັ້ນ, ຈະເປັນການຊຸກຍູ້ການຮ່ວມມືທາງດ້ານເສດຖະກິດ, ການຄ້າ ແລະ ການລົງທຶນລະຫວ່າງບຸນກາຣີ ແລະ ຫວຽດນາມ.

        ສ່ວນທ່ານເອກອັກຄະລັດຖະທູດ ດ່ວານຕ໊ວນລິງ ໃຫ້ຮູ້ວ່າ, ຫວຽດນາມ ພ້ອມແລ້ວທີ່ຈະແມ່ນປະຕູເພື່ອໃຫ້ສິນຄ້າຂອງບຸນກາຣີ ສາມາດສຳຜັດກັບພາກພື້ນອາຊີປາຊີຟິກທີ່ກວ້າງໃຫຍ່, ກໍ່ຄືສ້າງເງື່ອນໄຂເພື່ອໃຫ້ສິນຄ້າຂອງຫວຽດນາມ ແຊກຊຶມເຂົ້າຕະຫຼາດອີຢູ.