(vovworld) - ຕອນຄຳ່ວັນທີ 11/9, ທີ່ລາຍການພົວພັນແລກປ່ຽນສິລະປະ “ມຸ່ງໄປເຖິງເຂດຊາຍແດນ, ທະເລໝູ່ເກາະຂອງປະເທດຊາດ” ປີ 2016, ປະຊາຊົນ ແລະ ບັນດາຜູ້ໃຈບຸນໃຈກຸສົນຢູ່ນະຄອນ ໂຮ່ຈີມິນ ໄດ້ປະກອບຈຳນວນເງິນກ່ວາ 40 ຕື້ດົ່ງເຂົ້າກອງທຶນ “ເພື່ອທະເລໝູ່ເກາະຂອງບ້ານເກີດເມືອງນອນ, ເພື່ອດ່ານໜ້າຂອງປະເທດຊາດ”. ທີ່ລາຍການ, ຜູ້ຊົມໄດ້ຕິດຕາມບັນດາເອກະສານກ່ຽວກັບບັນດາການເຄື່ອນໄຫວຂອງປະຊາຊົນ, ກອງທັບໃນບັນດາເຂດຊາຍແດນ, ທະເລ, ໝູ່ເກາະ, ໄດ້ພົວພັນແລກປ່ຽນໂດຍກົງກັບບັນນັກຮົບແມ່ນກຳລັງທະຫານປ້ອງກັນຊາຍແດນ, ທະຫານເຮືອ, ຕຳຫຼວດທະເລ… ທີ່ພວມເຮັດໜ້າທີ່ປົກປັກຮັກສາບ້ານເກີດເມືອງນອນ, ເຂດຊາຍແດນ, ທະເລຂອງປະເທດຊາດ. ລາຍການກໍໄດ້ເຊີດຊູບັນດາບຸກຄົນ, ໝູ່ຄະນະຍາມໃດກໍ່ມຸ່ງໄປເຖິງບັນດາການເຄື່ອນໄຫວເພື່ອທະເລ, ໝູ່ເກາະ. ທ່ານ ແກ໋ວງເກື່ອງ, ການນຳບໍລິສັດ Saigon Co.op, ເຊິ່ງແມ່ນໜຶ່ງໃນບັນດາຫົວໜ່ວຍສະໜັບສະໜູນກອງທຶນ, ໃຫ້ຮູ້ວ່າ:
“ຜ່ານລາຍການນີ້, ພວກຂ້າພະເຈົ້າປາດຖະໜາ ແລະ ເຊື່ອໝັ້ນວ່າທົ່ວສັງຄົມຂອງພວກເຮົາຈະຮ່ວມແຮງຮ່ວມໃຈພ້ອມກັບປະຊາຊົນ ແລະ ນັກຮົບຢູ່ບັນດາເຂດຊາຍແດນ, ເຂດທະເລ, ໝູ່ເກາະຂອງປະເທດຊາດ ເພື່ອໃຫ້ປະຊາຊົນ, ນັກຮົບຢູ່ເຂດຊາຍແດນ, ທະເລ, ໝູ່ເກາະມີຄວມເຊື່ອໝັ້ນຕື່ມອີກເພື່ອປົກປັກຮັກສາອະທິປະໄຕເຂດຊາຍແດນ, ອະທິປະໄຕທະເລ, ໝູ່ເກາະຂອງ ຫວຽດນາມ.”