(vovworld) - ຕອນເຊົ້າວັນທີ 29 ສິງຫາ, ຫ້ອງວ່າການປະທານປະເທດ ໄດ້ຈັດກອງປະຊຸມນັກຂ່າວພາຍໃນ ແລະ ຕ່າງປະເທດ, ປະກາດຂໍ້ຕົກລົງອະໄພຍະໂທດປີ 2013 ຂອງ ປະທານປະເທດ ໃຫ້ແກ່ນັກໂທດກວ່າ 15.000 ຄົນຢູ່ບັນດາຄ້າຍກັກຂັງໃນທົ່ວປະເທດ. ຕາມຂໍ້ຕົກລົງອະໄພຍະໂທດຂອງປະທານປະເທດ, ເນື່ອງໃນໂອກາດວັນຊາດຫວຽດນາມ, ຈະມີນັກໂທດ 15.446 ຄົນພວມປະຕິບັດໂທດ ແລະ ໃນນັ້ນມີນັກໂທດຊາວຕ່າງປະເທດ 16 ຄົນ. ຜູ້ຕາງໜ້າຫ້ອງວ່າການປະທານປະເທດ ໃຫ້ຮູ້ວ່າ ວິວັດການພິຈາລະນາການອະໄພຍະໂທດໄດ້ຮັບການປະຕິບັດຢ່າງເຄັ່ງຄັດ, ແໜ້ນແຟ້ນ, ບໍ່ຈຳແນກ ຫຼື ສະກັດກັ້ນສຳລັບນັກໂທດໃດໆ, ເຖິງວ່າແມ່ນຊາວຫວຽດນາມ ຫຼືຕ່າງປະເທດ. ກ່ຽວກັບມາດຕະການເພື່ອຮັບປະກັນການເຊື່ອມຕົວເຂົ້າກັບສັງຄົມຄືນໃຫ້ແກ່ຜູ້ທີ່ໄດ້ຮັບອະໄພຍະໂທດ. ທ່ານ ພົນໂທ ເລກຸຍເວືອງ, ຮອງລັດຖະມົນຕີກະຊວງຕຳຫຼວດ ໃຫ້ຮູ້ວ່າ.
“ອະໄພຍະໂທດແມ່ນບັນຫາສຳຄັນ ເຊິ່ງພັກ ແລະ ລັດ ເອົາໃຈໃສ່ເປັນພິເສດ. ຕາມກົດໝາຍປະຕິບັດຄຳຕັດສິນຂອງສານສຳລັບຄະດີອາຍາ, ເພື່ອຜັນຂະຫຍາຍວຽກງານອະໄພຍະໂທດໃຫ້ເປັນຢ່າງດີ, ລັດຖະບານໄດ້ອອກມະຕິເລກທີ 80 ກຳນົດບັນດາມາດຕະການຮັບປະກັນການເຊື່ອມຕົວເຂົ້າກັບສັງຄົໃຄືນໃຫ້ແກ່ນັກໂທດໄດ້ຮັບການອະໄພຍະໂທດ. ເພື່ອກະກຽມໃຫ້ແກ່ວຽກງານອະໄພຍະໂທດປີ 2013 ນີ້, ນອກຈາກຊ່ວຍເຂົາເຈົ້າອອກແຮງງານ, ພວກຂ້າພະເຈົ້າຍັງຊ່ວຍເຂົາເຈົ້າມີຄວາມຮູ້ເພື່ອເຂົາເຈົ້າເຊື່ອມຕົວເຂົ້າກັບສັງຄົມ, ຊີ້ນຳບັນດາທ້ອງຖິ່ນເອົາໃຈໃສ່ເຖິງບັນດາເປົ້າໝາຍດັ່ງກ່າວ, ສ້າງວຽກເຮັດງານທຳ, ສ້າງເງື່ອນໄຂສະດວກໃຫ້ແກ່ເຂົາເຈົ້າມີຊີວິດຢ່າງເປັນປົກກະຕິໃນອະນາຄົດ. ໃນຊຸມປີຜ່ານມາ, ບັນຫານີ້ໄດ້ຮັບການປະຕິບັດເປັນຢ່າງດີ”.