(vovworld) - ດ້ວຍຈິດໃຈຕ້ອນຮັບບຸນປີໃໝ່ ດ້ວຍຈິດໃຈອວ່າຍເມືອຫາບ້ານເກືດເມືອງນອນ. ວັນທີ 01/02, ນັກສຶກສາຫວຽດນາມ ພວມຮໍ່າຮຽນຢູ່ມະຫາວິທະຍາໄລ New Sout Wales, ອົດສຕາລີ ໄດ້ຈັດງານພົບປະສ້າງສັນຢ່າງອົບອຸ່ນ ແລະ ໃນບັນຍາກາດບຸນປີໃໝ່ປະຈຳຊາດ. ເຂົ້າຮ່ວມງານພົບປະ, ແຕ່ລະຄອບຄົວໄດ້ແຕ່ງອາຫານເຍື່ອງໜຶ່ງ, ໃນງານລ້ຽງຕ້ອນຮັບບຸນປີໃໝ່ຂອງບັນດານັກສຶກສາມີອາຫານພື້ນເມືອງຫວຽດນາມ ຫຼາຍເຍື່ອງ. ປະເພນີມອບເງິນເປັນຂອງຕ້ອນອວຍພອນຕົ້ນປີໃໝ່ກໍ່ໄດ້ຮັບການປະຕິບັດຢ່າງລອບຄອບທີ່ຖ້ວນ.
ແລະຕອນບ່າຍວັນດຽວກັນ, ມີພໍ່ແມ່ ແລະ ນັກຮຽນຢູ່ໂຮງຮຽນພາສາຫວຽດ ໂຕກຽວ, ປະເທດຍີ່ປຸ່ນ ປະມານ 100 ຄົນ ໄດ້ເຂົ້າຮ່ວມພິທີຕ້ອນຮັບບຸນປີໃໝ່ ປີມະເມຍ 2014 ໂດຍການມີໜ້າຂອງທ່ານເອກອັກຄະລັດຖະທູດຫວຽດນາມ ປະຈຳຍີ່ປຸ່ນ ດ່ວານຊວນຮືງ. ນີ້ກໍ່ແມ່ນໂອກາດເພື່ອສະເໜີໂຮງຮຽນສອນພາສາຫວຽດນາມ ແຫ່ງທຳອິດຢູ່ຍີ່ປຸ່ນ. ໂຮງຮຽນພາສາຫວຽດໂຕກຽວ ເລີ່ມເປີດຫ້ອງຮຽນເປັນຄັ້ງທຳອິດໃນວັນທີ 18/01 ຜ່ານມາ. ດ້ວຍທິດນຳທີ່ວ່າ “ຮັກສາພາສາຫວຽດນາມ, ຮັກສາກົກເຄົ້າເຫງົ້າກໍ”, ໂຮງຮຽນ ບໍ່ພຽງແຕ່ສອນພາສາຫວຽດເທົ່ານັ້ນ, ຫາກຍັງຈັດຕັ້ງບັນດາການເຄື່ອນໄຫວນອກຫຼັກສຸດເນື່ອງໃນໂອກາດງານບຸນຕ່າງໆ ຄືບຸນປີໃໝ່, ບຸນໄຫວ້ພະຈັນ... ອີກດ້ວຍ.
ສ່ວນເຂດກິລາ, ກາຍຍະກຳ ມະຫາວິທະຍາໄລສັງລວມມິດຕະພາບຂອງຊາດລັດເຊຍ (RUDN) ຢູ່ນະຄອນຫຼວງ ມົດສກູ, ວັນທີ 01/02 ໄດ້ໄຂງານແຂ່ງຂັນບານເຕະ - ດອກປິກໄກ ນັກສຶກສາ, ຊາວໜຸ່ມຫວຽດນາມ ລະດູໜາວ 2014 ເພື່ອຕ້ອນຮັບບຸນປີໃໝ່ ປີມະເມຍ 2014. ກ່າວຄຳເຫັນທີ່ພິທີໄຂ, ທ່ານອຸປະທູດ ສະຖານທູດຫວຽດນາມ ປະຈຳລັດເຊຍ ຫງວຽນແມ້ງຮຸ່ງ ຖືວ່າ ນີ້ແມ່ນການເຄື່ອນໄຫວທີ່ມີປະໂຫຍດ ເພື່ອເພີ່ມທະວີການພົບປະແລກປ່ຽນ ແລະ ຄວາມເຂົ້າອົກເຂົ້າໃຈ, ຝຶກແອບກິລາປະກອບສ່ວນຮັກສາສຸຂະພາບ ເພື່ອຮໍ່າຮຽນໃຫ້ດີແນໃສ່ຮັບໃຊ້ປະເທດຊາດ.