(vovworld)- ວັນທີ 5/2, ກ່າວຄຳເຫັນທີ່ການພົບປະ ແລະ ອວຍພອນປີໃຫມ່ບັນດານັກສິລະປິນພາຍໃນປະເທດ ເນ່ືອງໃນໂອກາດປີໃຫມ່ມະເສງ, ທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳຄະນະເລຂາສູນກາງພັກ ໄດ້ຢືນຢັນວ່າ: ພັກ, ລັດ ແລະ ປະຊາຊົນ ຕີລາຄາສູງບັນດາການປະກອບສ່ວນອັນໃຫຍ່ຫລວງຂອງຖັນແຖວນັກສິລະປິນ, ນັກວັດທະນະທຳໃຫ້ແກ່ພື້ນຖານວັດທະນະທຳ, ວັນນະຄະດີ, ສິລະປະຂອງປະເທດຊາດ ແລະ ພາລະກິດປະຕິວັດຂອງຊາດ. ທ່ານ ເລຮົ່ງແອງ ກ່າວວ່າ:
“ຍີ່ງກວ່າເວລາໃດໝົດ, ພັກ, ລັດ ປາດຖະຫນາຢາກບັນດານັກສິລະປິນ, ນັກວັດທະນະທຳ ຕ້ອງເສີມຂະຫຍາຍຄວາມຮັບຜິດຊອບຂອງພົນລະເມືອງ, ຂອງນັກສິລະປິນຢ່າງສູງສຸດ ໃນໄລຍະປະຕິວັດປະຈຸບັນ. ນັກສິລະປິນ, ນັກວັດທະນະທຳ ຕ້ອງຕິດພັນກັບພາລະກິດປະຕິວັດ, ເຈືອຈານເຂົ້າກັບປະຊາຊົນ, ປະເທດຊາດ, ຈາກນັ້ນສ້າງບົດນິພົນໃຫ້ໄດ້ຫລາຍບົດທີ່ມີຄຸນຄ່າກ່ຽວກັບແນວຄິດ ແລະ ສິລະປະ.”
ທ່ານເລຮົ່ງແອງ ທີ່ການພົບປະ ແລະ ອວຍພອນປີໃຫມ່ນັກສິລະປິນ, ນັກວັດທະນະທຳ
ພາບ:chinhphu.vn
|
ກ່ອນຫນ້ານັ້ນ, ຕອນບ່າຍວັນດຽວກັນ, ທີ່ສຳນັກງານສູນກາງພັກ, ຄະນະເລຂາສູນກາງພັກໄດ້ຈັດການພົບປະ ແລະ ອວຍພອນປັນຍາຊົນ, ນັກວິທະຍາຊາດໃນໂອກາດບຸນປີໃໝ່ປະຈຳຊາດ, ປີມະເສງ 2013. ກ່າວຄຳເຫັນນະທີ່ນີ້, ທ່ານເລຮົງແອງ ກຳມະການກົມການເມືອງ, ຜູ້ປະຈຳການຄະນະເລຂາ ເວົ້າວ່າ: “ໃນໄລຍະຈະມາເຖິງ, ຫວັງວ່າບັນດານັກວິທະຍາສາດຈະເອົາໃຈໃສ່ເປັນພິເສດເຖິງການຄົ້ນຄ້ວາ, ຊອກຫາບັນຫາຂອງຕົວຈິງທີ່ພວມວາງອອກຕໍ່ພາລະກິດປ່ຽນແປງໃໝ່ ແລະ ກໍ່ສ້າງລັດທິສັງຄົມນິຍົມຢູ່ຫວຽດນາມ ໃນປະຈຸບັນເພື່ອເພີ່ມເຕີມ ແລະ ພັດທະນາສະຕິຄວາມຮັບຮູ້ຂອງທົ່ວພັກ, ທົ່ວປວງຊົນ, ປະກອບສ່ວນສ້າງ ແລະ ຍົກອອກບັນດາລັດຖະນະໂຍບາຍ, ບັນດາບຸກທະລຸສຳຄັນໃນວິວັດທະນະການແຫ່ງການຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ