ທ່ານນາຍົກລັດຖະມົນຕີຫງວຽນຊວນຟຸກຕ້ອນຮັບທ່ານນາງ Sahar Nasr ລັດຖະມົນຕີກະຊວງລົງທຶນແລະຮ່ວມມືສາກົນອີຢີບ |
ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ: ຫວຽດນາມ ພ້ອມແລ້ວທີ່ຈະສົ່ງອອກບັນດາປະເພດສິນຄ້າເຂົ້າລະບົບຮ້ານຊັບພະສິນຄ້າໃຫຍ່ ຂອງ ອີຢີບ ແລະ ພ້ອມແລ້ວ ທີ່ຈະຈຳຫນ່າຍສິນຄ້າຂອງ ອີຢີບ ຢູ່ ຫວຽດນາມ. ທ່ານນາຍົກລັດຖະມົນຕີ ຫງວຽນຊວນຟຸກ ປາດຖະຫນາຢາກສອງຝ່າຍເປັນເອກະພາບໂດຍໄວເພື່ອກ້າວໄປເຖິງການລົງນາມໃນບັນດາຂໍ້ຕົກລົງຮ່ວມມືໃນຂົງເຂດການຄ້າ ການລົງທຶນ. ທ່ານນາຍົກລັດຖະມົນຕີ ຖືວ່າ ສອງປະເທດມີຄວາມສາມາດບົ່ມຊ້ອນການຮ່ວມມືໃນຂົງເຂດຕ່າງໆຄື: ຕ່ຳແຜ່ນຕັດຫຍິບ, ປຸງແຕ່ງຜະລິດຕະພັນກະເສດ, ອາຊີບຫາປາ ແລະ ປາດຖະຫນາວ່າ ອີຢີບ ສ້າງເງື່ອນໄຂສະດວກເພື່ອໃຫ້ວິສາຫະກິດສອງປະເທດ ຮ່ວມມືໃນຂົງເຂດຂຸດຄົ້ນນ້ຳມັນອາຍແກສ ແລະ ສະຫນອງບັນດາບໍລິການກ່ຽວຂ້ອງເຖິງຂົງເຂດນ້ຳມັນອາຍແກສຢູ່ ອີຢີບ.
ສ່ວນທ່ານ Sahar Nasr ໄດ້ຢືນຢັນວ່າ ອີຢີບ ຊົມເຊີຍ ຫວຽດນາມ ໄດ້ແບ່ງປັນ ແລະ ຮ່ວມມືກັບວິສາຫະກິດ ອີຢີບໃນບັນດາຂົງເຂດຄື: ຕໍ່ກຳປັ່ນ, ທ່າກຳປັ່ນ.